Page Text
________________
९ भरहचक्कवट्टिचरियं
भरहचक्कवट्टिस्स वण्णओ ४९४ तत्थ णं विणीयाए रापहाणीए भरहे णामं राया चाउरंतचक्कवट्टी समुप्पज्जित्था, महयाहिमवंत-महंत-मलय-मंदर -
जाव - रज्जं पसासेमाणे बिहरइ ।
बिइओ गमो रायवण्णगस्स इमो ४९५ तत्थ असंखेज्जकालवासंतरेण उप्पज्जए जसंसी उत्तमे-अभिजाए सत्त-बोरिय-परक्कम-गुणे पसत्य-वण्ण-सर-सार-संघयण
तणुग-बुद्धि-धारण-मेहा-संठाण-सीलप्पगई पहाण-गारव-च्छायागइए अणेग-वयण-प्पहाणे तेय-आउ-बल-बोरियजुत्ते अझुसिरघण-णिचिय-लोह-संकल-णाराय-वइर-उसह-संघयण-देहधारी १ झास, २ जुग, ३ भिंगार, ४ बद्धमाणग, ५ भद्दासण, ६ संख, ७ छत्त, ८ वीयणि, ९ पडाग, १० चक्क, ११, जंगल, १२ मुसल, १३ रह, १४ सोस्थिय, १५ अंकुस, १६-१७ धंदाइच्च, १८ अग्गि, १९ जूय, २० सागर, २१ इंदज्झाय, २२ पुहवि, २३ पउम २४ कुंजर, २५ सीहासण, २६ दंड, २७ कुम्भ, २८ गिरिवर, २९ तुरगवर, ३० वरमउड, ३१ कुंडल, ३२, गंदावत्त, ३३ घणु, ३४ कोंत, ३५ गागर, ३६ भवणविमाण-अणेग-लक्खण-पसत्थ-सुविभत्त-चित्त-कर-चरण-देसभाए, उड्ढामुह-लोमजाल-सुकुमाल-णिद्धमउआवत-पपत्य-लोम-विरइय-सिरिबच्छ-च्छण्ण-विउलवच्छे, देस-खेत्त-सुविभत्त-देहधारी तरुण-रवि-रस्सि-बोहिय-वर-कमलविबुद्ध-गम्भवणे, हय-पोसग-कोस-सण्णिभ-पसत्य-पिट्ठत-णिरुवलेवे, पउमुप्पल-कुंद-जाइ-जूहियवर-चंपग-णागपुष्फ-सारंगतुल्लगंत्री छतीसाहिय-पसत्य-पत्यित्रगुणेहिं जुत्ते, अव्वोच्छिण्णायवत्ते, पागड-उभय-जोणी, विसुद्ध-णियग-कुलगयणपुण्णचंदे, चंदे इव सोमयाए णपण-मण-णिन्वुइकरे, अक्खोभे सागरो व थिमिए धणवइ व्व भोग-समुदय-सहव्वयाए समरे अपराइए परम-विक्कम-गुणे अमरवइ-समाण-सरिसरूवे, मणुयवई भरहचक्कवट्टी भरहं भुंजइ पण्णट्ठसत्तू ॥४२॥
चक्करयणुप्पत्ती
४९६ तए णं तस्स भरहस्स रण्णो अण्णया कयाइ आउह-घरसालाए दिव्वे चक्करपणे समुप्पज्जित्था ।
तए णं से आउह-धरिए भरहस्स रण्णो आउह-घरसालाए दिव्वं चक्करयणं समुप्पण्णं पासइ, पासित्ता हट्ठ-तुट्ठचित्तमाणदिए णदिए पीइमणे परभसोमणस्सिए हरिस-बस-विसप्पमाण-हियए जेणामेव दिवे चक्करयणे तेणामेव उवागच्छइ, उवागच्छित्ता तिक्खुत्तो आयाहिण-पयाहिणं करइ, करित्ता कयल-जाव-कटु चक्करयणस्स परणामं करेइ, करित्ता आउह-रसालाओ पडिणिक्खमइ पडिणिक्खमित्ता जेणामेव बाहिरिया उवट्ठाणसाला जेणामेव भरहे राया तेणामेव उवागच्छइ, उवागच्छित्ता करयल-जाव-जएणं विजएणं वद्धावेइ, बद्धावित्ता एवं वयासी"एवं खलु देवाणुप्पियाण आउहयरसालाए दिव्वे चक्करयणे समुप्पण्णे तं एयण्णं देवाणुप्पियाणं पियट्ट्याए पियं णिवेएमि, पियं भे भवउ ।"
४९७ तए णं से भरहे राया तस्स आउहरियस्स अंतिए एयमढं सोच्चा णिसम्म हट्ठ-जाव-सोमणस्सिए वियसिय
वर-कमल-णयण-वयणे, पर्यालअ-वर-कडग-तुडिअ-के ऊर- मउड-कुंडल-हार-विरायंतर इअ-वच्छे पालंबपलबमाणघोलंतभूसणधरे ससंभमं तुरिअं चवलं ारदे सोहासणाओ अब्भुठेइ, अब्भुठ्ठित्ता पायपीढ़ाओ पच्चोरुहइ, पच्चोरहित्ता पाउआओ ओमुअइ, ओमुइत्ता एगसाडिअं उत्तरासंगं करेइ, करित्ता अंजलि-मलिअग्गहत्थे चक्करयणाभिमुहे सत्तट्टपयाई अणुगच्छइ, अणुगच्छित्ता वामं जाणुं अंचेइ, अंचित्ता दाहिणं जाणुं धरणितलंसि णिहट्ट करयल - जाव - अंजलि कट्ट चक्करयणस्स पणामं करेइ, करिता तस्स आउहयरियस्स अहामालियं मउडवज्जं ओमोयं दलयइ, दलइत्ता विउलं जीवियारिहं पोइदाणं दलयइ, दलयित्ता सक्कारेइ, सम्माणेइ, सक्कारेत्ता सम्माणित्ता पडिविसज्जेइ, पडिक्सिज्जित्ता सीहासणवरगए पुरत्याभिमुहे सण्णिसण्णे ।
For Private & Personal Use Only
Jain Education International
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |