Page Text
________________
महावीरचरियं
महावीरकया पज्जुवासणा ३५३ समणे भगवं महावीरे वासाणं सवीसइराए मासे वीतिक्कंते सत्तरिए राईदिएहि सेसेहि वासावासं पज्जोसवेद ॥
सम० स० ७०, सु० १
वासावासगणणा
३५४ तेणं कालेणं तेणं समएणं समणे भगवं महावीरे
अट्ठियगामं नीसाए पढम अंतरावासं वासावासं उवागए । चंपं च पिट्टिचंपं च निस्साए तओ अंतरावासे वासावासं उवागए । वेसालि नर्गार वाणियगामं च निस्साए दुवालस अंतरावासे वासावासं उवागए । रायगिहं नगरं नालंदं च बाहरियं निस्साए चोद्दस अंतरावासे वासावासं उवागए । छ म्मिहिलाए, दो भद्दियाए, एगं आलभियाए, एगं सावत्थीए, एगं पणीयभूमीए, एग पावाए मज्झिमाए हत्थिवालस्त रन्नो रज्जुगसहाए अपच्छिम अंतरावासं वासावासं उवागए ।
कप्प० सु० १२२।
णिव्वाणं देवेहि उज्जोयकरणं य ३५५ एगे समणे भगवं महावीरे इमीसे ओसप्पिणीए चउध्वीसाए तित्थगराणं चरमतित्थयरे सिद्ध बुद्ध मुत्ते अंतगडे परिणिध्वुडे सव्वदुक्खप्पहीणे ।
ठाणं० अ० १, सु० ७६॥
१. तेगं कालेणं तेगं समएणं समणे भगवं महावीरे वासाणं सबीसइराए मासे विइक्कंते वासावास पज्जोसवेइ ।
से केणट्टेणं भंते ! एवं वुच्चइ-समणे भगवं महावीरे बासाणं सवीसइराए मासे विइक्कते वासावासं पज्जोसबेइ? जतो णं पाएणं अगारीण अगाराई कडियाई उक्कंपियाई छन्नाई लित्ताई घट्ठाई मट्ठाई संपधूमियाई खओदगाई खातनिद्धमणाई अप्पणो अट्ठाए कयाइं परिभोत्ताइं परिणामियाई भवंति । से एतेण ऽणं एवं वुच्चइ-समणे भगवं महावीरे वासाणं सवीसहराए मासे वोइक्कते वासावासं पज्जोसवेति । जहा णं समणे भगवं महावीरे वासाणं सवीसइराए मासे वोइक्कते वासावासं पज्जोसवेइ तहा णं गणहरा वि वासाण सवीसइराए मासे विइक्कते वासावासं पज्जोसविति । जहा गं गणहरा वासाणं - जाव - पज्जोसवेति तहा ण गणहरसीसा वि वासाणं - जाव - पज्जोसविंति । जहा णं गणहरसीसा वासाणं-जाव-पज्जोसविति तहा ण थेरा वि वासाणं -जाव -पज्जोसविति । जहा णं थेरा वासाणं - जाव - पज्जोसबिति तहा णं जे इमे अज्जताए समणा निग्गंथा विहरंति एए वि णं वासाणं - जाव - पज्जोसविति । जहा णं जे इमे अज्जत्ताए समणा निग्गंथा वासाणं सबोसइराए मासे विइक्कंते वासावासं पज्जोसविंति तहा णं अम्हं पि आयरियउवज्झाया वासाणं सवीसइराए मासे विइक्कंते वासावासं पज्जोसवेति । जहा णं अम्हं आयरिय उवज्शाया बासाणं - जाव - पज्जोसवेंति तहा णं अम्हे वि अज्जो ! वासाणं सवीसइराए मासे विइक्कते वासावासं पज्जोसवेमो । अंतरा वि य से कप्पइ पज्जोसवित्ताए नो से कप्पइ तं रयणिं उवायणावित्तए ।
कप्प० सु० २२४-२३१ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |