Page Text
________________
महावीरचरियं
३३७ अरहा जिणे केवली सत्तहत्थुस्सेहे समचउरंस-संठाणसंठिए वज्जरिसहनारायसंघयणे अणुलोमवाउवेगे कंकग्गहणी कवोयपरि
णामे सउणिपोसपिट्ठेतरोरुपरिणए, पउमप्पल-गंध-सरिस-निस्सास-सुरभिवयणे, छबी निरायंक-उत्तम-पसत्थ-अइसेय-निरुवमपले, जल्लमल्ल-कलंक-सेय-रय-दोस-वज्जिय-सरीर-निरुवलेवे, छायाउज्जोइयंगमंगे घण-निचिय-सुबद्ध-लक्खणुण्णय-कूडागार-निभ-पिंडियग्गसिरए सामलि-बोंड-धण-निचिय-च्छोडिय-मिउविसय-पसत्थ-सुहुम-लक्खण-सुगंध-सुंदर-भुयमोयग-भिंग-नेल-कज्जल-पहट्ठ-भमरगण-णिद्धनिकुरुंब-निचिय-कुंचिय-पयाहिणावत्तमुद्धसिरए दालिमपुष्फ-प्पगास-तवणिज्ज-सरिस-निम्मल-सुणिद्ध-केसंतकेसभूमी (घणनिचियसुबद्धलक्खणुनयकूडागारनिभपंडियग्गसिरए) छत्तागारुत्तिमंगदेसे णिव्वण-समलट्ठ-मट्ठ-चंदद्ध-सम-णिडाले उडुवइ-पडिपुण्ण-सोमवयणे अल्लीणपमाणजुत्तसवणे सुस्सवणे पोणमंसलकवोलदेसभाए आणामिय-चाव-रुइलकिण्हन्भराइ-तणु-कसिण-णिद्ध-भमुहे अबदालिय-पुंडरीय-णयणे कोयासियधवलपत्तलच्छे गरुलायय-उज्जु-तुंगणासे उवचियसिलप्पवाल-बिंबफल-सण्णिभाहरोठे पंडुर-ससिसयल-विमल-णिम्मल-संख-गोक्खीर-फेण-कुंद-दगरय-मुणालियाधवलदंतसेढी, अखंडदंते अप्फुडियदंते अविरलदंते सुणिद्धदंते सुजायदंते एगदंतसेढी विव अणेगदंते हुयवह-गिद्धत-घोय-तत्त-तवणिज्ज-रत्ततल-तालुजीहे अवट्ठिय-सुविभत्त-चित्तमंसु मंसल-संठिय-पसत्यसदूल-विउल-हणुए चउरंगुल-सप्पमाण-कंबुवर-सरिसग्गीवे वरमहिस-वराह-सीह-सदूल-उसभ-नागवर-पडिपुण्ण-विउलक्खंधे जुगसन्निभ-पीण-रइय-पीवर-पउ8-सुसंठिय-सुसिलिछविसिट्ठ-घण-थिर-सुबद्ध-संधिपुरवर-फलिह-वट्टियभुए भुपगीसर-विउल-भोग-आयाण-पलिह-उच्छूढ-दीहबाहू रत्ततलोवइय-मउय-मंसल-सुजाय-लक्खण-पसत्थ-अच्छिद्दजालपाणी पीवरकोमलवरंगुली आयंबतंबतलिणसुइरुइलणिद्धणखे चंदपाणिलेहे सूरपाणिलेहे संखपाणिलेहे चक्कपाणिलेहे दिसासो, यसपाणिलेहे चंद-सूर-संख-चक्क-दिसा-सोत्थिय-पाणिलेहे कणग-सिलायलुज्जलपसस्थ-समतल-उवचिय-विच्छिण्ण-पिलवच्छे, सिरिवच्छंक्कियवच्छे अकरंडुय-कणग-रुयय-निम्मल-सुजाय-निरुवयदेहधारी अट्ठसहस्स-पडिपुण्ण-वर-पुरिस-लक्खणधरे सण्ण पासे संगयपासे सुंदरपासे सुजायपासे मियमाइयपीणरइयपासे उज्जुय-समसहिय-जच्चतणु-कसिण-णिद्ध-आइज्ज-लडह-रमणिज्जरोमराई सस-विहग-पुजाय-पीण-कुच्छी झसोयरे सुइकरणे पउमवियडणाभे गंगावत्तग-पयाहिणावत्त-तरंग-भंगुर-रविकिरण-तरुणबोहिय-अकोसायंत-पउमगंभीर-वियडणाभे साहयसोणंदमुसल-दप्पण-णिकरिय-वर-कणगच्छरु-सरिसवरवहर-वलियमझे पमुइयवरतुरगसीहवरवटियकडी वरतुरगसुजायसुगुज्झदेसे
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |