Page Text
________________
महावीरचरियं
मंडियग्ग-हत्या चूलामणि-चिंधगया सुरूवा महड्डिया महज्जुइया महब्बला महायसा महासोक्खा महाणुभागा हारविराइयवच्छा कडग-तूडिय-थंभिय-भुया अंगयकुंडलमट्टगंडतला कण्णपविवारी विचित्तहत्याभरणा विचित्तमालामउलिमउडा कल्लाणगपवर-वत्थ-परिहिया कल्लाणग-पवर-मल्लाणुलेवणा भासुरबोंदी पलंब-वण-मालधरा दिव्वेणं वण्णेणं दिव्वेणं गंधेणं दिव्येणं रूवेणं एवं-फासेणं संघाएणं संठाणेणं दिव्वाए इड्ढीए जुईए पभाए छायाए अच्चीए दिवेणं तेएणं दिव्वाए लेसाए दस दिसाओ उज्जोवेमाणा पभासेमाणा समणस्स भगवओ महावीरस्स अंतियं आगम्मागम्म रत्ता समणं भगवं महावीरं तिक्खुत्तो आयाहिणपयाहिणं करेन्ति करित्ता वंदंति णमसंति वंदित्ता णमंसित्ता साइं साई णामगोयाई सार्वन्ति णच्चासण्णे णाइदूरे सुस्सूसमाणा णमंसमाणा अभिमुहा विणएणं पंजलिउडा पज्जुवासंति ॥
ओव० सु० ३३ ।
३३० तेणं कालेणं तेणं समएणं समणस्त भगवओ महावीरस्स बहवे असुरिंदवज्जिया भवणवासी देवा अंतियं पाउम्भवित्था णाग
पइणो सुवण्णा विज्जू अग्गी य दीवउदही दिसाकुमारा य, पवणथणिया य, भवणवासी णागफडा-गरुल-वइर-पुण्ण कलसंकिण्णउप्फेससीह-हयवर-गयंक-मयरंकवर-मउड-वद्धमाण-णिज्जुत्त-बिचित्त-चिंधगया सुरूवा महिड्ढिया सेसं तं चेव - जाव - पज्जुवासंति।
ओव० सु० ३४ ।
वाणमंतरा देवा आगया
३३१ तेणं कालेणं तेणं समएणं समणस्स भगवओ महावीरस्स बहवे वाणमंतरा देवा अंतियं पाउन्भवित्था पिसायभया य
जक्ख-रक्खसा किनर-किपुरिस-भुयगपइणो य महाकाया गंधव्व-णिकायगणा णिउण-गंधब्व-गोयरइणो अणवण्णियपणवण्णिय-इसिवादिय-भूयवादिय-कंदिय-महाकंदिया य कुहंड-पययदेवा चंचल-चवल-चित्त-कलिण-दवप्पिया गंभीर-हसियभणिय-पीय-गीय-णच्चण-रई वणमालामेल-मउड-कुंडल-सच्छंद-विउव्वियाहरण-चारु-विभूसणधरा सब्वोउय-सुरभि-कुसुमसुरइय-पलंब-सोभंत-कंत-वियसंत-चित्त-वणमाल-रइय-वच्छा कामगमा कामरूवधारी णाणाविह-वण्णरागवर-वत्थ-चित्तचिल्लय-णियंसणा विविह-देसी-णेवच्छ-गहियवेसा पमुइय-कंदप्प-कलह-केली-कोलाहल-पिया हासबोलबहुला अणेगमणिरयण-विविह-णिज्जुत्त-विचित्तचिधगया सुरूवा महिढ्ढिया -जाव-पज्जुवासंति ।।
ओव० सु० ३५ ।
जोइसिया देवा आगया
३३२ तेणं कालेणं तेणं समएणं समणस्स भगवओ महावीरस्स (वद्धमाणस्स) जोइसिया देवा अंतियं पाउभवित्था, बिहस्सती
चंब-सूर-सुक्क-सणिच्छरा राहू धूमकेतु-बुहा य अंगारका य तत्त-तवणिज्ज-कणग-वण्णा जे य गहा जोइसंमि चारं चरंति केऊ य गइरइया अट्ठावीसतिविहा य णक्ख त्तदेवगणा जाणासंठाणसंठियाओ य पंचवण्णाओ ताराओ ठियलेसा चारिणो य अविस्साम मंडलगई पत्तेयं णामंक-पागडिय-चिधम उडा महिडिया-जाव-पज्जुवासंति ॥
ओव० सु० ३६ ।
वेमाणिया देवा आगया
३३३ तेणं कालेणं तेणं समएणं समस्त भगवओ महावीरस्त वेमाणिया देवा अंतियं पाउभवित्था सोहम्मीसाण-सणंकुमार-माहिंद
बंभ-लंतग-महासुक्क-सहस्साराणय-पाणयारण-अच्चुयबई पहिट्ठा देवा जिणदंसगुस्सुयागमण-जणियहासा पालगपुप्फगसोमणससिरिवच्छ-णंदियावत्त-कामगम-पीइगम-मणोगम-विमल-सब्वओभद्द-सरिस-णामधेज्जेहि विमाणेहि ओइण्णा बंदगा जिणिंद मिग-महिस-बराह-छगल-दद्दर-हय-गयवई-भुयग-खग-उस कविडिम-पागडिय-चिंध-मउडा पसिढिल-वर-मउड-तिरोड-धारी कुंडलउज्जोवियाणणा मउडदित्तसिरया रत्तामा पउम-पम्हगोरा सेया सुभवण्णगंधफासा उत्तमवेउव्विणो विविह-वत्थ-गंध-मल्ल-धारी महिड्ढिया महज्जुतिया-जाव-पंजलिउडा पज्जुवासंति ॥
ओव० सु० ३७ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |