Dhammakahanuogo

SR No.: 001954
Original Sutra Author: N/A
Author: Kanhaiyalal Maharaj, Dalsukh Malvania
Publisher: Agam Anuyog Prakashan
Total Pages: 810
Language: Prakrit
Classification: Book_Devnagari, Agam, Canon, Story, Literature, & agam_related_other_literature
File Size: 20 MB

Page 188

महावीरचरियं
७७
३. लाढेहिं तस्सुबसग्गा, बहवे जाणवया लूसिंसु । अह लूहदेसिए भत्ते, कुक्कुरा तत्थ हिंसिंसु णिवतिंसु ॥ ४. अप्पे जणे णिवारेइ, लूसणए सुणए दसमाणे । छुछुकारंति आहंतु, समणं कुक्कुरा डसंतु ति ॥ ५. एलिक्खए जणे भुज्जो, बहवे वज्जभूमि फरुसासी । लट्ठि गहाय णालीयं, समणा तत्थ एव विहरिसु ॥ ६. एवं पि तत्थ विहरंता, पुटपुटवा अहेसि सुणएहिं । संतुंचनाणा सुणएहि, दुच्चरगाणि तत्थ लाहि ॥ ७. निधाय दंडं पाणेहि, तं कायं वोसज्जमणगारे । अह गामकंटए भगवं, ते अहियासए अभिसमेच्चा ।। ८. णाओ संगामसीसे वा, पारए तत्थ से महावीरे । एवं पि तत्थ लाढेहिं, अलद्धपुब्बो वि एगया गामो ॥
३२० ९. उवसंकमंतमपडिष्णं, गामंतियं पि अप्पत्तं । पडिणिमित्तु लूसिंसु, एत्तात्तो परं पलेहि ति ॥
१०. हयपुटवो तत्थ दंडेण, अदुवा मुट्ठिणा अदु कुंताइ-फलेणं । अदु लेलुणा कवालेणं, हंता हंता बहवे दिसु ॥ ११. मंसूणि छिन्नपुब्वाइं, उट्ठभंति एगया कायं । परीसहाई लुंचिंसु, अहवा पंसुणा अवकिरिसु ॥ १२. उच्चालइय णिणिसु, अदुवा आसणाओ खलइंसु । वोसटुकाए पणयासो, दुक्खसहे भगवं अपडिण्णे ॥ १३. सूरो संगामसीसे वा, संखुडे तत्थ से महाबीरे । पडिसेवमाणे फहसाई, अचले भगवं रोइत्था ।
३२१ १४. एस विही अणुक्कतो, माहणेण मईमया । अपडिपणेण वीरेण, कासवेण
महेसिणा ॥
-त्ति बेमि ॥ आया० सु० १, अ० ९, उ० ३ ।
भगवओ तिगिच्छाइवज्जणं
३२२ १. ओमोदरियं चाएति, अपुढे वि भगवं रोगेहि । पुठे वा से अपुढे वा, णो से सातिज्जति तेइच्छं ॥
२. संसोहणं च वमणं च, गायभंगणं सिणाणं च । संबाहणं ण से कप्पे, दंतपक्खालणं परिणाए । ३. विरए गामधमेहि, रोयति माहणे अबहुवाई । सिसिरंमि एगदा भगवं, छायाए झाइ आसी य ॥
भगवओ आहार-चरिया
३२३ ४. आयाबई य गिम्हाणं, अच्छइ उक्कुडुए अभिवाते । अदु जावइत्थ लूहेणं, ओयण-मंथु-कुम्मासेणं ॥
५. एयाणि तिण्णि पडिसेवे, अट्ठ मासे य जावए भगवं । अपिइत्य एगया भगवं, अद्धमासं अदुवा मासं पि ॥ ६. अवि साहिए दुवे मासे, छप्पि मासे अदुवा अपिवित्ता । रायोवरायं अपडिण्णे, अन्नगिलायमेगया भुंजे ॥ ७. छठेणं एगया भुंजे, अदुवा अट्टमेण दसमेणं । दुवालसमेण एगया भुंजे, पेहमाणे समाहिं अपडिग्णे ॥
३२४ ८. णच्चाणं से महावीरे, णो वि य पावगं सयमकासी। अण्णेहि वि ण कारित्था, कोरंतं पि णाणुजाणित्था ॥
९. गामं पविसे णयर, वा, धासमेसे कडं परढाए । सुविसुद्धमेसिया भगवं, आयत-जोगयाए सेवित्था ॥ १०. अदु बायसा दिगिंछत्ता, जे अण्णे रसेसिणो सत्ता । घासेसगाए चिट्ठते, सययं णिवतिते य पेहाए । ११. अदु माहणं व समणं वा, गापिंडोलगं च अतिहिं वा । सोवागं मूसियारं वा, कुक्कुरं वा वि विट्ठियं पुरतो ॥ १२. वित्तिच्छेदं वज्जतो, तेसप्पत्तियं परिहरंतो । मंदं परक्कमे भगवं, अहिंसमाणो घासमेसिस्था ।। (त्रिभिः कुलकम् )
१३. अवि सूइयं व सुक्कं वा, सोयपिंडं पुराणकुम्मासं । अदु बक्कसं पुलागं वा, लद्धे पिंडे अलद्धए दविए ॥ ३२५ १४. अवि झाति से महावीरे, आसणत्थे अकुक्कुए झाणं । उड्ढमहे य तिरियं च, पेहमाणे समाहिमपडिण्णे ॥
१५. अकसाई विगयगेही, सद्दरूवेसऽमुच्छिए झाति । छउमत्थे वि परक्कममाणे, णो पमायं सई पि कुश्वित्था ॥
१६. सयमेव अभिसमागम्म, आयतजोगमायसोहीए । अभिणिबुडे अमाइल्ले, आवकहं भगवं समिआसी ॥ ३२६ १७. एस विही अणुक्कतो, माहणणं मईमया । अपडिण्णेण धीरेण, कासवेण महेसिणा ॥
-त्ति बेमि आया० सु० १, अ० ९, उ०४ ।।