Page Text
________________
७४
धम्मकहाणुओगे पढमखंधे तं जहा-आयारं सूयगडं - जाव - विहिवायं । ४. जण्णं समणे भगवं महावीरे एगं महं दामदुगं सब्बरयगामयं सुविणे पासित्ता गं पडिबुद्धे, तण्णं समणे भगवं महावीरे दुविहे धम्मे पण्णवेति, तं जहा-अगारधम्म वा, अणगारधम्म वा । ५. जग्णं समणे भगवं महावीरे एगं महं सेयं गोवग्गं सुविणे पासिता णं पडिबुद्धे, तण्णं समणस्स भगवओ महावीरस्स चाउठवण्णाइण्णे समणसंघे, तं जहा-समणा, समणीओ, सावया सावियाओ। ६. जण्णं समणे भगवं महावीरे एगं महं पउमसरं सव्वओ समंता कुसुमियं सुविणे पासित्ता गं पडिबुद्धे, तण्णं समणे भगवं महावीरे चउविहे देवे पण्णवेति, तं जहा-१ भवणवासी, २ वाणमंतरे, ३ जोतिसिए, ४ वेमाणिए । ७. जण्णं समणे भगवं महावीरे एगं महं सागरं उम्मीवीयोसहस्सकलियं भूयाहि तिणं सुविणे पासित्ता णं पडिबुद्ध, तण्णं समणेणं भगवया महावीरेणं अणादीए अणवदग्गे दोहमद्धे चाउरते संसारकंतारे तिण्णे । ८. जष्णं समणे भागवं महावीरे एगं महं दिणयरं तेयसा जलंतं सुविणे पासित्ता णं पडिबुद्धे, तण्णं समणस्स भगवओ महावीरस्त अणते अगुत्तरे निव्वाबाए निरावरणे कसिणे पडिपुण्णे केवल-बर-नाण-दसणे समुप्पन्ने । ९. जण्णं समणे भगवं महावीरे एगं महं हरिवेरुलियवण्णाभणं नियगेणं अंतेणं माणुसुत्तरं पव्वयं सव्वओ समंता आवेढियं परिवेढियं सुविणे पासित्ता गं पडिबुद्धे, तण्णं समणस्स भगवओ महावीरस्स ओराला कित्ति-वण्ण-सह-सिलोया सदेवमणुयासुरे लोए परिभमंति-इति खलु समणे भगवं महावीरे, इति खलु समणे भगवं महावीरे । १०. जण्णं सपणे भगवं महावीरे मंदरे पन्चए मंदरचूलियाए उवरिं सोहासगवरगयं अप्पाणं सुविणे पासित्ता णं पडिबुद्धे, तण्णं समणे भगवं महावीरे सदेवमगुयासुराए परिसाए मझागए केवलो धम्म आयवेति पग्णवेति परूवेति दंसेति निदंसेति उबदंसेति ।।
सुविण-फलं
३०५ इत्थी वा पुरिसे वा सुविगंते एगं महं हयपतिं वा गयति वा नरपंतिं वा किन्नरपंतिं वा किपुरिसपंतिं वा महोरगपंतिं वा
गंधवपंतिं वा वसभपंतिं वा पासमाणे पासति, Qहमाणे द्रुति, दूढमिति अप्पाणं मन्नति, तक्खणामेव बुज्झाति, तेणेव भवग्गहणणं सिज्ाति -जाव- सव्वदुक्खाणं अंतं करेति । इत्यो वा पुरिसे वा सुविणंते एगं महं दामिणि पाईणपडिणायतं दुहओ समुद्दे पुढे पासमाणे पासति, संवेल्लेमाणे संवेल्लेइ, संवेल्लियमिति अप्पाणं मन्नति, तक्खणामेव बुज्ाति, तेणेव भवग्गहणेणं सिझाति -जाव- सव्वदुक्खाणं अंतं करेति । इत्थी वा पुरिसे वा सुविणंते एगं महं रज्जु पाईणपडिणायतं दुहओ लोगते पुटु पासमाणे पासति, छिदमागे छिदति, छिन्नमिति अप्पाणं मन्नति, तक्खणामेव बुज्झति, तेणेव भवग्गणेणं सिज्ज्ञति -जाव- सव्वदुक्खाणं अंतं करेति । इत्यो वा पुरिसे वा सुविणंते एगं महं किण्हसुत्तगं वा नीलसुत्तगं वा लोहियसुत्सगं वा हालिद्दसुत्तगं वा सुक्किलसुत्तगं वा पासमाणे पासति, उग्गोवेमाणे उग्गोवेलि, उग्गोवितमिति अप्पाणं मन्नति, तक्खणामेव बुझाति, तेणेव भवग्गहणेणं सिज्झति -जाव- सव्वदुक्खाणं अंतं करेति । इत्थी वा पुरिसे वा सुविणंते एगं महं अपरासिं वा तंबरासिं वा तउयरासिं वा सीसगरासिं वा पासमाणे पासति, दुरुहमाणे दुरुहति, दुरूढमिति अप्पाणं मन्नति, तक्खणामेव बुज्झाति, दोच्चे भवग्गहणे सिज्शति - जाब - सव्वदुक्खाणं अंतं करेति । इत्यो वा पुरिसे वा सुविणते एगं महं हिरण्णरासि वा सुवण्णरासिं वा रयणरासिं वा वइररासिं वा पासमाणे पासति, दुरुहमाणे दुरुहति, दुरूढभिति अप्पाणं मन्नति, तक्खणामेव बुज्झाति, तेणेव भवग्गहणेणं सिवाति -जाव- सव्वदुक्खाणं अंतं करेति । इत्थी वा पुरिसे वा सुविणंते एग महं तणरासिं वा कटुरासिं वा पत्तरासिं वा तयरासिं वा तुसरासिं वा भुसरासिं वा गोमयरासिं था अबकररासिं वा पासमाणे पासति, विक्खिरमाणे विक्खिरति, विक्खिण्णमिति अप्पाणं मन्नति, तक्खणामेव बुजाति, तेणेव भवग्गहणणं सिजाति - जाव - सम्बदुक्खाणं अंतं करेति । इत्थी वा पुरिसे वा सुविगंते एगं महं सरथंभं वा वीरणथंभ वा वंसीमूलथंभं वा वल्लीमूलथंभं वा पासमाणे पासति,
१. ठाणं अ० १०, सु० ७५० ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |