Page Text
________________
७२
धम्मकहाणुओगे पढमखंधे
मणपज्जवणाणोप्पत्ति २९६ तओ णं समणस्स भगवओ महावीरस्स सामाइयं खाओवसमियं चरितं पडिवनस्स मणपज्जवणाणे णाम णाणे समुप्पन्नेअड्डाइजेहिं दीवहिं दोहि य समुद्देहि सण्णीणं पंचेंदियाणं पज्जत्ताणं वियत्तमणसाणं मणोगयाई भावाई जाणेइ ॥
आया ० सु०२, अ०१५, सु० १०१५।
तेरसमासाणंतरं अचेले
२९७ समणे भगवं महावीरे संवच्छरं साहियं मासं - जाव - चीवरधारी होत्था, तेण परं अचेले पाणिपडिग्गहए ।
कप्प० सु० ११५ ॥
अणगाररूवपसंसणं २९८ तए णं समगे भगवं महावीरे अणगारे जाए १ इरियासमिए, २ भासासमिए, ३ एसणासमिए, ४ आयाण-भंड-मत्त-निक्खेवणा
समिए, ५ उच्चार-पासवण-खेल-सिंधाण-जल्ल-पारिट्ठावणियासमिए, ६ मणसमिए, ७ वइसमिए, ८ कायसमिए, १ मणगुत्ते, २ वयगुत्ते, ३ कायगुत्ते, गुत्ते गुत्तिदिए गुत्तबंभयारी अकोहे अमाणे अमाए अलोभे संते पसंते उवसंते परिनिव्वुडे अणासवे अममे अकिंचए छिन्नगंथे निरुवलेवे, १ विमलवरकसभायणं व मुक्कतोए-जाव-२१ जीबो व्व अप्पडिहय-गइ त्ति ।
कप्प० सु० ११७ ॥
पडिबंधाभावो २९९ नत्थि णं तस्स भगवंतस्स कत्यइ पडिबंधो भवति । से य पडिबंधे चउठिवहे पण्णते, तं जहा
१ दवओ, २ खेतओ, ३ कालओ, ४ भावओ।
१. दव्वओ णं सचित्ताचित्तम्मीसिएसु दम्वेसु । २. खेत्तओ णं गामे वा -जाव - णहे वा ।। ३. कालओ णं समए वा-जाव-अण्णयरे वा दोहकाल संजोगे वा । ४. भावओ णं कोहे वा-जाव-मिच्छादसणसल्ले वा । तस्स णं भगवंतस्स नो एवं भवइ ।
कप्प० सु० ११८ ।
सहसण्णि णादेणं महता इड्डीए महता जुतीए महता बलेणं महता वाहणेणं महता समुदएणं महता वरतुडित-जमग-समगप्पवादितणं संख-पणव-पडह-भेरि-झल्लरि-खरमुहि-हडक्क-दंदुभि-निग्घोस-नादियरवेणं कुंडपुरं नगरं मज्झमझेणं निग्गच्छइ., निग्गच्छित्ता जेणेव णायसंडवणे उज्जाणे जेणेव असोगवरपायवे तेणेव उवागच्छइ। जेणेव असोगवरपायवे तेणेव उवागच्छित्ता असोगवरपायवस्स अहे सीयं ठावेइ, अहे सीयं ठावित्ता सीयाओ पच्चोरुहइ, सीयाओ पच्चोरुहिता सयमेव आहरणमल्लालंकारं ओमुयइ, आहरणमल्लालंकारं ओमुइत्ता सयमेव पंचमुट्ठियं लोयं करेइ, सयमेव पंचमुट्ठियं लोयं करित्ता छ?णं भत्तेणं अपाणएणं हत्थुत्तराहिं नक्खत्तेणं जोगमुवागएणं एगं देवदूसमादाय एगे अबीए मुंडे भवित्ता अगाराओ अणगारियं पब्वइए ।
कप्प० सु० ११०-११४॥ १. एतेसिं पदाणं इमातो दुन्नि संगणी गाहाओ
१ कसे २ संखे ३ जीबे, ४ गगणे ५ वायु य ६ सरयसलिले य । ७ पुक्खरपत्ते ८ कुम्मे, ९ विहगे १० खग्गे य ११ भारंडे ॥१॥ १२ कुंजर १३ वसभे १४ सीहे, १५ णगराया चेव १६ सागरमखोभे । १७ चंदे १८ सूरे १९ कएगे, २० वसुंधरा चेव २१ हूयवहे ॥२॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |