Page Text
________________
महावीर-चरियं
६९
विस्साणित्ता, दायारेसु णं 'बायं पज्जभाएत्ता, संवच्छरं दलइत्ता', जे से हेमंताणं पढमे मासे पढमे पक्ष-मग्गसिरबहुले, तस्स णं मग्गसिरबहुलस्स दसमीपक्षेणं हत्थुत्तराहिं णक्खत्तेणं जोगोवगएणं अभिणिक्खमणाभिप्पाए यावि होत्था
आया० सु० २, अ० १५, सु० १००३ । देविदसक्ककयदेवच्छंदए मज्जणाइं सिबियाविउव्वणं य २८७ तओ णं समणस्स भगवओ महावीरस्स अभिणिक्खमणाभिप्पायं जाणेत्ता भवणवइ-वाणमंतर-जोइसिय-विमाणवासिणो देवा य
देवीओ य सएहिं-सएहिं स्वेहि, सएहि-सएहिं णेवत्येहि, सरहिं-सएहिं चिंधेहि, सम्विड्ढीए सम्वजुतीए सव्वबलसमुदएणं सयाई-सयाई जाणविमाणाई दुरुहंति, सयाई-सयाई जाणविमाणाई दुरुहिता अहाबादराई पोग्गलाई परिसाडेति, अहाबादराई पोग्गलाई परिसाडेता अहासुहमाई पोग्गलाई परियाइंति, अहासुहुमाइं पोग्गलाई परियाइत्ता उड्दं उप्पयंति, उड्ढं उप्पइत्ता ताए उक्किट्ठाए सिग्वाए चवलाए तुरियाए दिव्वाए देवगईए अहेणं ओवयमाणा-ओवयमाणा तिरिएणं असंखेज्जाई दीवसमुद्दाई बीतिक्कममाणा-बीतिक्कममाणा जेणेव जंबुद्दीवे दीवे तेणेव उवागच्छंति, तेणेव उवागच्छित्ता जेणेव उत्तरखत्तियकुंडपुर-सण्णिवेसे तेणेव उवागच्छंति, तेणेव उवागच्छित्ता जेणेव उत्तरखत्तियकुंडपुर-सन्निवेसस्स उत्तरपुरथिमे दिसीभाए तेणेव झत्तिवेगेण उवट्ठिया ।
आया. सु. २, अ० १५, सु० १०१० । २८८ तओ णं सक्के देविंदे देवराया सणियं-सणियं जाणविमाणं ठवेति,
सणिय-सणियं जाणविमाणं ठवेत्ता सणियं-सणियं जाणविमाणाओ पच्चोत्तरति, सणियं-सणियं जाणविमाणाओ पच्चोत्तरित्ता एगंतमवक्कमेति, एगंतमबक्कमेत्ता महया वेउव्विएणं समुग्धाएणं समोहण्णति,
महया वेउविएणं समुग्धाएणं समोहणिला एग महं णाणामणिकणयरयणभत्तिचित्तं सुभं चारुकतरूवं देवच्छंदयं विउव्वति । २८९ तस्स णं देवच्छंदयस्स बहुमज्जादेसभाए एगं महं सपायपीढ़ णाणामणिकणय-रयणभत्तिचित्तं सुभं चारुकतरूवं सिंहासणं बिउब्बइ,
विउवित्ता जेणेव समणे भगवं महावीरे तेणेव उवागचाप्रति, तेणेव उवागच्छित्ता समणं भगवं महावीरं तिक्खुत्तो आयाहिणं पयाहिणं करेइ,
समगं भगवं महावीरं तिवावुत्तो आयाहिणं पयाहिणं करेत्ता समणं भगवं महावीरं वंदति णमंसति, २९० बंदित्ता णमंसित्ता समणं भगवं महावीरं गहाय जेणेव देवच्छंदए तेणेव उवागच्छति,
उवागच्छित्ता सणिय-सणियं पुरत्याभिमुहे सीहासणे णिसीयावेइ, सणियं-सणियं पुरत्याभिमुहे सीहासणे णिसीयावेत्ता सयपाग-सहस्सपागेहिं तेल्लेहिं अभंगेति, अभंगेत्ता, गंधकसाएहिं उल्लोलेति, उल्लोलित्ता सुद्धोदएणं मज्जावेइ, मज्जावित्ता जस्स जंतपलं सयसहस्सेणंति पडोलत्तित्तएणं साहिएणं सोतएणं गोसोस-रत्त-चंदणेणं अणुलिपति, अणुलिंपित्ता ईसिणिस्सासवातवो वरणगरपट्टणुग्गयं कुसलणरपसंसितं अस्सलालापेलवं छेयायरियकणगखचियंतकम्म हंसलक्खणं पट्टजुयलं णियंसावेइ,
१. संगहणी-गाहाओ [आया० २ अ० १५ सु० ७४७-७५२।]
संवच्छरेण होहिति, अभिणिक्खमणं तु जिणरिदस्स । तो अत्थ-संपदाणं, पब्वतई पुव्वसूराओ ।।१।। एगा हिरणकोडी, अट्टेव अणूणया सयसहस्सा । सूरोदयमाईयं, दिज्जइ जा पायरासो त्ति ।।२।।
आव० नि० गा० २१६, २१७ । तिण्णेव य कोडिसया, अट्ठासीति च होति कोडीओ। असितिं च सयसहस्सा, एयं संवच्छरे दिण्णं।।३ ।।।
आव०नि० गा० २२० । वेसमणकुंडलधरा, देवा लोगंतिया महिड्ढीया । बोहिंति य तित्थयरं. पण्णरससु कम्म-भूमिसु ।।४।। बंभंमि य कप्पंमि य, बोद्धव्वा कण्हराइणो मज्झे । लोगंतिया विमाणा, अट्ठसु बत्था असंखेज्जा ।।५।। एए देवणिकाया, भगवं बोहिंति जिणवरं वीरं । सव्वजग-जीवहियं, अरहं तित्थं पव्वत्तेहि ॥६॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |