Page Text
________________
६८
धम्मकहाणुओगे पढमखंधे
तिण्णि णामाई
२८३ समणे भगवं महाबीरे कासवगोत्ते । तस्स णं इमे तिण्णि णामधेज्जा एवमाहिज्जंति, तं जहा
१. अम्मापिउसंतिए “वद्धमाणे" २. सह-सम्मुइए “समणे" ३. "भीमं भयभेरवं उरालं अचेलयं परिसहं सहइ" ति कट्ट देवेहि से णाम कयं “समणे भगवं महावीरे"।
आया० सु० २, अ०१५, सु० ९९८ ।
कप्प० सु०१०४।
अम्मापियराणं देवगई
२८४ समणस्स णं भगवओ महावीरस्स अम्मापियरो पासावच्चिज्जा समणोबासगा यावि होत्था ।
ते णं बहुई वासाई समणोवासगपरियागं पालइत्ता, छण्हं जीवनिकायाणं संरक्खणनिमित्तं आलोइत्ता निंदित्ता गरहित्ता पडिक्कमित्ता, अहारिहं उत्तरगुणं पायच्छित्तं पडिवज्जित्ता, कुससंथारं दुरुहित्ता भत्तं पच्चक्खाइंति, भत्तं पच्चक्खाइत्ता अपच्छिमाए मारणंतियाए सरीर-संलेहणाए सोसियसरीरा कालमासे कालं किच्चा तं सरीरं विप्पजहित्ता अच्चुए कप्पे देवत्तार उववण्णा । तओ णं आउखएणं, भवक्खएणं, ठिइक्खएणं, चुए चइत्ता महाविदेहवासे चरिमेणं उस्सासेणं सिज्झिारसंति बुझिास्संति मच्चिस्तंति परिणिन्त्राइस्संति सव्वदुक्खाणमंतं करिस्संति ।
आया० सु० २, अ०१५, सु. १००२ ।
वडढमाणस्स णियगा
२८५ समणस्स णं भगवओ महाबीरस्स पिआ कासवगोत्तेणं । तस्स णं तिण्णि णामधेज्जा एवमाहिज्जंति, तं जहा
१. सिद्धत्थे ति वा २. सेज्जसे ति वा ३. जसंसे ति वा । समणस्स णं भगवओ महावीरस्स अम्मा वासिट्ठ-सगोत्ता । तोसेणं तिणि णामधेज्जा एवमाहिज्जति, तं जहा१. तिसला ति वा २. विदेहदिण्णा ति वा ३. पियकारिणी ति वा । समणस्त णं भगवओ महावीरस्स पित्तियए 'सुपासे" कासवगोत्तेणं । समणस्स णं भगवओ महावीरस्स जेठे भाया ‘णंदिवद्धणे' कासवगोत्तेणं । समणस्स णं भगवओ महावीरस्स जेट्ठा भइणी 'सुदंसणा' कासवगोत्तेणं । समणस्स णं भगवओ महावीरस्स भज्जा 'जसोया' कोडिण्णागोत्तेणं । समणस्स णं भगवओ महावीरस्स धूया कासवगोत्तेणं । तीसे णं दो णामधेज्जा एवमाहिज्जंति, तं जहा१. अणोज्जा ति वा २. पियदसणा ति वा । समणस्स णं भगवओ महावीरस्स णत्तुई कोसियगोत्तेणं । तीसे णं दो णामधेज्जा एवमाहिज्जंति, तं जहा१. सेसवती ति वा २. जसवती ति वा ।
आया० सु०२, अ०१५, सु० ९९९-१००१
कप्प० सु० १०५-१०९ ।
अभिणिक्खमणाभिप्पायो संवच्छरदाणं य २८६ तेणं कालेणं तेणं समएणं समणे भगवं महावीरे णाते णायपुत्ते णायकुलविणिवत्ते विदेहे विदेहदिण्णे विदेहजच्चे विदेहसुमाले
तीसं वासाई विदेहत्ति कटु अगारमझे वसित्ता अम्मापिऊहिं कालगएहिं देवलोगमणुपत्तेहिं समत्तपइण्णे चिच्चा हिरण्णं, चिच्चा सुवण्णं, चिच्चा बलं, चिच्चा वाहणं, चिच्चा धण-धण्ण-कणय-रयण-संत-सार-सावदेज्ज, विच्छड्डेसा विगोवित्ता
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |