Page Text
________________
धम्मकहाणुओगे पढमखंधे
सिरसावत्तं मत्थए अंजलि कटु एवं वयासी"एवमेय सामी ! तहमेयं सामी ! अवितहदेयं सामी ! असंदिद्धमेयं सामी ! इच्छ्यिमेयं सामी ! पडिच्छियमेयं सामी ! इच्छियपडिच्छियमेयं सामी! सच्चे णं एसम8 से जहेयं तुब्भे वयह" ति कट्ट ते सुमिणे सम्म पडिच्छइ । ते सुमिणे सम्म पडिच्छित्ता सिद्धत्थेणं रन्ना अब्भणुन्नाया समाणि नाणामणि-रयण-भत्तिचित्ताओ भद्दासणाओ अब्भुढेइ अब्भुट्टित्ता अतुरियमचवलमसंभंताए अविलंबियाए रायहंस-सरिसीए गईए, जेणेव सए सयणिज्जे तेणेव उवागच्छइ तेणेव उवागच्छित्ता एवं वयासी"मा मे ते उत्तमा पहाणा मंगला महासुमिणा अन्नेहिं पावसुमिणेहिं पडिहम्मिस्संति" त्ति कटु देवय-गुरु-जणसंबद्धाहिं पसत्थाहिं मंगल्लाहिं धम्मियाहि लट्ठाहिं कहाहि सुमिणजागरियं जागरमाणी पडिजागरमाणी विहरइ । तए णं सिद्धत्थे खत्तिए पच्चूस-कालसमयंसि कोडुबियपुरिसे सद्दावेइ कोडुबियपुरिसे सद्दावित्ता एवं वयासी"खिप्पामेव भो देवाणुप्पिया ! अज्ज सविसेस बाहिरिज्जं उवट्ठाणसालं गंधोदयसित्त-सम्मज्जिओवलितं सुगंध-वर-पंचवन्नपुप्फोवयार-कलियं कालागरु-पवर-कुंदुरुक्क-तुरुक्क-डज्झत-धूव-मघमघेत-गंधुद्धयाभिरामं सुगधवरगंधियं गंधबट्टिभूयं करेह, कारवेह, करेत्ता कारवेत्ता य सीहासणं रयावेह, सीहासणं रयावित्ता ममेयमाणत्तियं खिप्पामेव पच्चप्पिणह । तए णं ते कीकुंबियपुरिसा सिद्धत्थेणं रण्णा एवं वुत्ता समाणा हट्ठ-जाव-हियया करलय-जाव-कटु ‘एवं सामि!' ति आणाए विणएणं वयणं पडिसुणंति, एवं सामि ! ति आणाए विणएणं वयणं पडिसुणित्ता सिद्धत्थस्स खत्तियस्स अंतियाओ पडिनिक्खमंति, पडिनिक्खमित्ता जेणेव बाहिरिया उवट्ठाणसाला तेणेव उवागच्छंति, तेणेव उवागच्छित्ता खिप्पामेव सविसेसं बाहिरियं उवट्ठाणसालं गंधोदयसित्त-जाव-सीहासणं रयाति, सीहासण रयावित्ता जेणेव सिद्धत्थे खत्तिए तेणेव उवागच्छंति, तेणेव उवागच्छित्ता करयलपरिग्गहियं दसनहं सिरसावत्तं मत्थए अंजलि कटु सिद्धत्थस्स खत्तियस्स तमाणत्तियं पच्चप्पिणंति । तए णं सिद्धत्थे खत्तिए कल्लं पाउप्पभायाए रयणीए फुल्लुप्पल-कमल-कोमलुम्मिल्लियम्मि अह पंडरे पहाए रत्तासोय-पगासकिसुय-सुयमुह-गुंजद्ध-राग-सरिसे कमलायर-संडबोहए उट्ठियम्मि सूरे सहस्सरस्सिम्मि दिणयरे तेयसा जलंते य सणिज्जाओ अब्भुठेइ । सयणिज्जाओ अब्भुट्ठित्ता पायपीढाओ पच्चोरुहइ, पायपीढाओ पच्चोरुहित्ता जेणेव अट्टणसाला तेणेव उवागच्छइ, तेणेव उवागच्छित्ता अट्टणसालं अणुपविसइ, अट्टणसालं अणुपविसित्ता अणेग-वायाम-जोग-वग्गणवा-मद्दण-मल्लजुद्धकरणेहिं संते परिस्संते सयपाग-सहस्सपागेहिं सुगंधवरतेल्लमाइएहिं पीणणिज्जेहिं जिंघणिज्जेहिं दीवणिज्जेहिं दप्पणिज्जेहिं मयणिज्जेहिं विहणिज्जेहि सबिदिय-गाय-पल्हायणिज्जेहिं अभंगिए समाणे तेल्लचम्मंसि णिउणेहि पडिपुन्न-पाणि-पाय-सुकुमाल-कोमल-तलेहिं पुरिसेहिं अभंगण-परिमद्दणुव्वलणकरण-गुणनिम्माएहिं छेएहि दोहिं पठेहि कुसहिं मेधावीहिं जियपरिस्समेहि १ अट्टिसुहाए, २ मंससुहाए, ३ तयासुहाए. ४ रोमसुहाए, चउविहाए सुहपरिकम्मणाए संवाहिए समाणे अवगयपरिस्सने अट्टणसालाओ पडिनिक्खमइ । अट्टणसालाओ पडिनिक्खमित्ता जेणेव मज्जणघरे तेणेव उवागच्छइ, तेणेव उवागच्छित्ता मज्जणघरं अणुपविसइ, अणुप्पविसित्ता समुत्तजालकलावाभिरामे विचित्त-मणि-रयण-कोट्टिमतले रमणिज्जे पहाणमंडवंसि नाणा-मणि-रयण-भत्तिचित्तंसि पहाणपीढंसि सुहनिसन्ने पुप्फोदएहि य गंधोदएहि य उगहोदएहि य सुहोदएहि य सुद्धोदएहि य कल्लाण-करण-पवर-मज्जण-विहीए मज्जिए। तत्थ कोउयसहिं बहुविहेहिं कल्लाणग-पवर-मज्जणावसाणे पम्हल-सुकुमाल-गंध-कासातिय-लूहियंगे अय-सुमहग्ध-दूसरयणसुसंवुए सरस-सुरहि-गोसीस-चंदणाणुलित्त-गत्ते सुइमालावन्नगविलेवणे आविद्धमणिसुवन्ने कप्पिय-हार-द्धहार-तिसरय-पालब-पलंबमाण-कडिसुत्तय-कयसोहे पिणद्धगेविज्जे अगुलिज्जग-ललिय-कयाभरणे
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |