Page Text
________________
धम्मकहाणुओगे पढमखंधे
तओ पुणो हार-निकर-खीरसागर-ससंक-किरण-दगरय-रयय-महासेल-पडरगोरं रमणिज्ज-पेच्छणिज्जं थिर-लठ्ठ-पउट्ठ वट्ट-पीवरसुसिलिट्ठ-विसिटु-तिक्ख-दाढा-विडंबियमुहं परिकम्मिय-जच्च-कमल-कोमल-भाइय-सोभंत-लट्ठउ8 रत्तोप्पल-पत्त-मउय-सुकुमाल तालु-निल्लालियग्गजीहं मूसागय-पवर-कणग-ताविय-आवत्तायंत-वट्ट-विमल-तडिसरिसनयणं विसाल-पीवर-वरोरुं पडिपुन्नविमलखंचं मिउविसय-सुहम-लक्षण-पसत्थ-विच्छिन्न-केसराडोवसोहिय-ऊसिय-सुनिम्मिय-सुजाय-अप्फोडिय-नंगलं सोम्म सोम्माकार लीलायत नहयलाओ ओवयमाणं नियगवयणमइवयंतं पेच्छइ सा गाढ-तिक्खनहं सीहं वयणसिरीपल्लव-पत्त-चारु-जीहं ।३। तओ पुणो पुण्णचंद-वयणा उच्चागय-ठाण लट्ठसंठियं पसत्थरूवं सुपइट्ठिय-कणग-कुम्भ-सरिसोवमाणचलणं अच्चुन्नय-पीण-रइयमंसल-उन्नय-तणु-तब-निद्धनहं कमल-पलास-सुकुमाल-कर-चरण-कोमल-वरंगुलि कुरुविंदावत्त-बट्टाणु-पुव्वजंघं निगूढ-जाणुं गयवरकर-सरिस-पोवरोरु चामीकर-रइय-मेहला जुत्त-कंत-विच्छिन्न-सोणि-चक्कं जच्चजण-भमर-जलय-पकर-उज्जुय-सम-संहियतणुय-आदेज्ज-लडह-सुकुमाल-मउय-रमणिज्ज-रोमराई नाभी-मंडल-विसाल-सुंदर पसत्थ-जघणं करयलमाइय-पसत्थ-तिवलीयमझा नाणा-मणि-रयण-कणग-विमल-महातवणिज्जाहारण-भूसण-विराइयंगमंगि हारविरायंत-कुंदमाल परिणद्ध-जलजलितथगजुयल-विमल-कलसं आइय-पत्तिय-विभूसिएण य सुभग-जालुज्जलेण मुत्ता-कलावएणं उरत्थ-दीणारमालियविरइएणं कंठमणिसुत्तएण य कुंडल-जुयलुल्ल-संत-अंसोवसत्त-सोभंत सप्पभेणं, सोभागुण-समुदएणं आणण-कुडुबिएण कमलामल-विसालरमणिज्ज लोयणं कमल-पज्जलंत-करगहिय-मुक्कतोयं लीलावाय-कय-पक्वएणं सुविसय-कसिण-धण-सह-लंबंत-केसहत्थं, पउमद्दहकमल-वासिणि सिरिं भगवई पिच्छइ हिमवंत-सेलसिहरे दिसागइंदोरु-पीवर-कराभिसिच्चमाणिं ।४। तओ पुणो सरस-कुसुम-मंदार-दाम-रमणिज्जभूयं चंपगासोग-पुण्णाग-नाग-पियंगु-सिरीस- मोग्गरग-मल्लिया-जाइ-जूहियं-कोल्लकोज्ज-कोरिंद-पत्त-दमगय-गवमालिय-बउल-तिलय-वासंतिय-पउमुप्पल-पाडल-कुंदाइमुत्त-सहकार-सुरभिगंधिं अणुवम-मणोहरेणं गंधेणं दस दिसाओ वि वासयंतं सब्बोउय-सुरभि-कुसुम-मल्ल-धवल-विलसंत-कंत-बहुवन्न-भत्तिचित्तं छप्पय-महुयरि-भमरगणगुमगुमायंत-मिलन-गुंजंत-देसभागं दामं पेच्छइ नभंगण-तलाओ ओवयंत ॥५॥ ससिं च गोखीर-फेण-दगरय-रयय-कलस-पंडरं सुभं हियय-नयणकंतं पडिपुनं तिमिर-निकर-घणगहिर-वितिमिरकर पमाण-पक्खंतराय-लेहं कुमुद-वण-विबोहयं निसासोभगं सुपरिमट्ठ-दप्पण-तलोवमं हंसपडुवन्नं जोइसमुहमंडगं तमरिपुं मयणसरापूर समुद-दगपुरगं दुम्मणं जणं दतियवज्जियं पायएहिं सोसयंतं पुणो सोम्मचारुरूवं पेच्छइ सा गगण-मंडल-विसाल-सोम्मचकम्ममाण-तिलगं रोहिणि-मण-हियय-वल्लहं देवी पुन्नचंदं समुल्लसंतं ।६। तओ पुणो तमपडलपरिप्फुडं चेव तेयसा पज्जलंतरूवं रत्तासोग-पगास-किंसुय-सुग-मुह-गुंजद्ध-राग-सरिसं कमलवणालंकरणं अंकणं जोइसस्स अंबरतलपईवं हिम-पडल-गलग्गहं गहगणोरुनायगं रत्तिविणासं उदयत्थमणेसु मुहुत्तसुहदसणं दुन्निरिक्खरूवं रत्तिमुद्धायतदुप्पयार-पमद्दणं सीयवेगमहणं पेच्छइ मेरुगिरि-सयय परियट्टयं विसाल सूरं रस्सी-सहस्स-पयलिय-दित्त-सोहं ।। तओ पुणो जच्च-कणग-लट्ठि-पइट्ठियं समूह-नील-रत्त-पीय-सुक्किल्ल-सुकुमालुल्लसिय-मोरपिछ कयमुद्धयं धयं अहियसस्सिरीयं फालिय संखंक-कुंद-दगरय-रयय-कलसपंडरेण मत्थयत्थेण सीहेण रायमाणेणं रायमाणं भेनु गगणतलमंडलं चेव ववसिएण पेच्छा सिव-मउय-मारुय-लया-हय-पकंपमाणं अतिप्पमाणं जणपिच्छणिज्जवं ।। तओ पुणो जच्च-कंचणुज्जलंतरूवं निम्मल-जल-पुन्नमुत्तमं दिप्पमाणसोहं कमल कलावपरिरायमाणं पडिपुण्ण-सब्वमंगल-भेयसमागमं पवररयणपरायंतकमलट्ठियं नयण-भूसणकरं पभासमाणं सव्वओ चेव दीवयंतं सोमलच्छी-निभेलणं सव्वपावपरिवज्जियं सुभं भासुरं सिखिरं सव्वोउय-सुरभि-कुसुम-आसत्त-मल्लदामं पेच्छइ सा रययपुन्नकलसं ।९। तओ पुणो रविकिरण-तरुण बोहिय-सहस्सपत्त-सुरहितर-पिंजरजलं जलचर-पगर-परिहत्थग-मच्छ-परिभुज्जमाण-जलसंचयं महंत जलंतमिव कमल-कुवलय-उप्पल-तामरस पुंडरीय-उरुसप्पमाण-सिरिसमुदएहिं रमणिज्ज-रूवसोभं पमुइयंत-भमरगणमत्तमहकर-गणोक्करोलिब्भमाण-कमल कादंबग-बलाहग-चक्काक-कलहंस-सारस-गव्विय-सउणगण-मिहुण-सेविज्ज-माण-सलिलं पउमिणिपत्तोवलग्ग-जलबिंदुमुत्तचित्तं च पेच्छइ सा हियय-णयणकंतं पउमसरं नाम सरं सररुहाभिरामं ।१०। तओ पुणो चंदकिरणरासि-सरिस-सिरिवच्छसोहं चउगमण-पवड्ढमाण-जलसंचयं चवल-चंचलुच्चायप्पमाण-कल्लोल-लोलंतोयपडुपवणाहय चालिय-चवल-पागड-तरंग-रंगत-भंग-खोखुब्भमाण-सोभंत-निम्मल-उक्कड-उम्मीसह-संबंध-धावमाणोनियत्त-भासुरतराभिरामं महामगर-मच्छ-तिमिर-तिमिगिल-निरुद्ध-तिलितिलियाभिधायं कप्पूर-फेण-पसर-महानई-तुरियवेग-समागयभमगंगावत्त-गप्पमाणुच्चलंत-पच्चोनियत्त-भममाण-लोलसलिलं पेच्छइ खीरोय-सागरं सरय-रयणिकर-सोम्मवयणा ।११। तओ पुणो तरुणसूरमंडलसमयभं उतम कंचण-महामणि-समूह-पवर-तेय-अट्ठसहस्स-दिप्पंत-नभप्पईवं कणग-पयर-पलबमाण
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |