Page Text
________________
धम्मकहाणुओगे पढमखंधे
मनियम साहको भूमिहा संस्कारमा होत्या, तह- मुर्गीकर-भूमी परियाय
मल्लिस्स णं अरहओ दुविहा अंतकर-भूमी होत्था, तं जहा- जुगंतकर-भूमी परियायतकर-भूमी य - जाव - वीसइमाओ पुरिसजुगाओ जुगंतकर-भूमी दुवास-परियाए अंतमकासी ।
मल्लिजिणस्स निव्वाणं
२४१ मल्ली णं अरहा पणुवीसं धणूई उड्ड उच्चत्तेणं, वण्णेणं पियंगु-सामे, सम-चउरंस-संठाणे, वज्ज-रिसह-नाराय-संघयणे मज्झसे,
सुहंसुहेणं विहरित्ता जेणेव सम्मेए पव्वए तेणेव उवागच्छइ, उवागन्छित्ता सम्मेय-सेल-सिहरे पाओवगमणं-णुवन्ने । मल्ली णं अरहा एग वास-सयं अगार-वास-मज्झे, पणपण्णं वास-सहस्साई वास-सयऊणाई केवलिपरियागं पाउणित्ता, पणपण्णं वाससहस्साई सव्वाउयं पालइत्ता, जे से गिम्हाणं पढमे मासे, दोच्चे पक्खे, चेत्तसुद्ध, तस्स णं चेत्त-सुद्धस्स चउत्थीए पक्खणं, भरणीए नक्खत्तेणं जोगमुवागएणं अद्धरत्त-काल-समयंसि, पंचहि अज्जिया-सएहि-अभितरियाए परिसाए, पंचहि अणगार-सएहि-बाहिरियाए परिसाए, मासिएणं भत्तेणं अपाणएणं, वग्धारियपाणी पाए साहटु खीणे वेयणिज्जे, आउए, नाम-गोए, सिद्धे । एवं परिनिव्वाण-महिमा भाणियव्वा जहा उसहस्सतित्थयरस्स नंदीसरे अट्ठाहियाओ पडिगयाओ।1
णाया० सु० १, अ०८ ।
४. अरिद्वनेमिचरियं
कल्लाणगाणि
२४२ तेणं कालेणं तेणं समएणं अरहा अरिटुनमी पंचचित्ते होत्था, तं जहा
चित्ताहि चुए चइत्ता गम्भं वक्ते - जाव - चित्ताहिं परिनिव्वुए ।
गब्भवक्कंती सुमिणदंसणाई य
२४३ तेणं कालेणं तेणं समएणं अरहा अरिटुनेमी जे से वासाणं चउत्थे मासे, सत्तमे पक्खे, कत्तियबहुले तस्स णं कत्तियबहुलस्स
बारसोपक्खणं अपराजियाओ महाविमाणाओ बत्तीसं सागरोवमद्वितीयाओ* अणंतरं चयं चइत्ता इहेव जंबुद्दीवे दीवे भारहे वासे सोरियपुरे नगरे समुद्दविजयस्स रन्नो भारियाए सिवाए देवीए' पुव्वरत्तावरत्तकालसमयंसि -जाव- चित्ताहिं गब्भताए वक्ते, सव्वं तहेव, सुमिण-दसण-दविण-संहरणाइयं एत्थ भणियव्वं ॥
कप्प० सु० १६२।
१ वृत्तिकृता समुद्धृता निगमनगाथा
उग्गतवसंजमवओ, पगिट्ठफलसाहगस्स वि जयिस्स । धम्मविसए वि सुहमा वि, होइ माया अणत्थाय ।।१।।
जह मल्लिस्स महाबल-भवम्मि तित्थयरनामबंधे वि। तव-विसय-थोवमाया जाया जुवइत्त-हे उत्ति ।।२।। २. ठाणं० अ० ५ उ० १, सु० ४११ ।
६. सप्त० स्था० ३०, गा० ९८ । ३. सप्त० स्था० १४, गा० ६२ ।
७. सप्त० स्था० २९, गा० ९६ । ४. सप्त० स्था० १३, गा० ५८ ।
८. ठाणं० अ० ५, उ० १, सु० ४११। ५. सप्त० स्था० २८, गा० ९४ ।
९. कप्प० सु० ३३-८४ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |