Page Text
________________
धम्मकहाणुओगे पढमखंधे
एवं संपेहेंति, संपेहेत्ता उत्तरपुरत्थिमं दिसी-भागं अवक्कमंति, अवक्कमित्ता बेउब्विय-समुग्याएणं समोहणंति, समोहणित्ता संखेज्जाइं जोयणाइ दंडं निसिरंति, एवं - जहा - जंभगा - जाव - जेणेव मिहिला रायहाणी, जेणेव कुंभगस्स रण्णो भवणे, जेणेव मल्ली अरहा, तेणेव उवागच्छंति, उवागच्छित्ता अंतलिक्खपडिवण्णा सखिंखिणियाई दसद्ध-वण्णाई वत्थाई पवर-परिहिया, करयल-परिग्गहियं दस-णहं सिरसावत्तं मत्थए अंजलि कटु ताहिं इट्टाहि कंताहिं पियाहि मणुण्णाहिं, मणामाहि, वहि एवं वयासी - 'बुज्झाहि भगवं लोग-णाहा ! पवत्तेहि धम्मतित्थं, जीवाणं हिय-सुह-निस्सयस-करं भविस्सई' त्ति कटु दोच्च पि तच्चं पि एवं वयंति, मल्लि अरहं बंदंति, नमसंति, बंदित्ता नमंसित्ता जामेव दिसिं पाउन्भूया, तामेव दिसि पडिगया ।
२३४ तए णं मल्ली अरहा तेहि लोगंतिएहि देहिं संबोहिए समाणे, जेणेव अम्मापियरो, तेणेव उवागच्छइ, उवागच्छिता कर
यल परिग्गहियं दस-णहं सिरसावत्तं मत्थए अंजलि कटु एवं वयासी'इच्छामि णं अम्मयाओ ! तुर्भेहिं अब्भणुण्णाए समाणे मुंडे भवित्ताणं अगाराओ अणगारियं पव्वइत्तए ।' 'अहासुहं देवाणुप्पिया ! मा पडिबंध करेह ।' तए णं कुंभए राया कोडुंबिय-पुरिसे सद्दावेइ, सद्दावेत्ता एवं वयासी'खिप्पामेव भो देवाणुप्पिया ! अट्ठ-सहस्सेणं सोवणियाणं कलसाणं - जाव - अटु-सहस्सेणं भोमेज्जाणं कलसाणं अण्णं च महत्थं, महग्वं, महरिहं, विउलं, तित्थयराभिसेयं उवट्ठवेह । ते वि - जाव - उवट्ठदेति । तेणं कालेणं तेणं समएणं चमरे असुरिंदे - जाव - अच्चुय-पज्जवसाणा आगया । तए णं सक्के देविदे, देवराया आभिओगिए देवे सद्दावेइ, सद्दावेत्ता एवं वयासी'खिप्पामेव भो देवाणुप्पिया ! अट्ठ-सहर सेणं सोणियाणं कलसाणं - जाव - अण्णं च महत्थं, महग्धं, महरिहं, विउलं तित्थयराभिसेयं उवट्ठवेह ।' ते वि - जाव - उबट्ठति । ते वि कलसा 'तेसु चेव कलसेतु' अणुपविट्ठा । तए णं से सक्के, देविदे, देवराया, कुंभए य राया मल्लि अरहं सीहासणंसि पुरत्याभिमुहं निवेसेंति, अट्ठ-सहस्सेणं सोवणियाणं कलसाणं - जाव - तित्थयराभिसेयं अभिसिंचंति । तए णं मल्लिस्स भगवओ अभिसेए वट्टमाणे अप्पेगइया देवा मिहिलं च सब्भितर-बाहिरियं - जाव - सव्वओ समंता
आधावंति परिधावति । २३५ तए णं कुंभए राया दोच्चपि उत्तरावक्कमणं सोहासणं रयावेइ, - जाव - सव्वालंकारविभूसियं करेइ, करेत्ता कोडंबिय-पुरिसे
सद्दावेइ, सद्दावेत्ता एवं वयासो'खिप्पामेव भो देवाणुप्पिया ! मणोरमं सीयं उवद्ववेह ।' ते वि उवटुर्वेति । तए णं सक्के देविदे देवराया आभिओगिए देवे सद्दावेइ, सद्दावेत्ता एवं वयासी'खिप्पामेव भो देवाणुप्पिया ! अणेग-खंभ-सय-सण्णिविट्ठ - जाव - मणोरमं सीयं उवट्ठवेह, ते वि - जाव - उबति । सा वि सीया तं चेव सीयं अणुप्पविट्ठा । तए णं मल्ली अरहा सीहासणाओ अब्भुठेइ, अब्भुठेत्ता जेणेव मणोरमा सीया, तेणेव उवागच्छइ, उवागच्छित्ता मणोरमं सीयं अणुपयाहिणीकरेमाणे मणोरमं सीयं दुरुहइ, दुरुहिता सीहासण-वर-गए पुरत्याभिमुहे सण्णिसण्णे । तए णं कुंभए अट्ठारस सेणि-प्पसेणीओ सद्दावेइ, सद्दावेत्ता एवं वयासी'तुभे णं देवाणुप्पिया ! व्हाया - जाव - सव्वालंकारविभूसिया मल्लिस्स सीयं परिवहह ।' ते वि - जाव - परिवहति । तए णं सक्के देविदे देवराया मणोरमाए सीयाए दक्खिणिल्लं उवरिल्लं बाहं गेण्हइ, ईसाणे उत्तरिल्लं उवरिल्लं बाहं गेण्हइ, चमरे दाहिणिल्लं हेट्ठिल्लं, बली उत्तरिल्लं हेडिल्लं, अवसेसा देवा जहारिहं मणोरमं सीयं परिवहति । . संगहणी-गाहा-पुचि उक्खित्ता, माणुसेहि साहट्ट-रोम-कूहिं । पच्छा बहंति सीयं, असुरिंद-सुरिंद-नागिंदा ॥१॥
चल-चवल-कुंडल-धरा, सच्छंद-विउव्वियाभरण-धारी । देविंद-दाबिंदा, वहंति सीयं जिणिदस्स ॥२॥ तए णं मल्लिस्स अरहओ मणोरमं सीयं दुरुढस्स समाणस्स इमे अट्ठट्ठ-मंगला पुरओ अहाणुपुव्वीए संपत्थियाएवं निग्गमो जहा जमालिस्स । तए णं मल्लिस्स अरहओ निक्खममाणस्स अप्पेगइया देवा मिहिलं रायहाणि अभितर-बाहिरं आसिय-समज्जिय-संमट्टसुइ-रत्यंतरावण-बीहियं करेंति - जाव - परिधावति ॥
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |