Page Text
________________
मल्ली-चरियं
एवं संपेहेइ, संपेहेत्ता वेसमणं देवं सद्दावेइ, सहावेत्ता एवं वयासी‘एवं खलु देवाणुप्पिया ! जंबुद्दोवे दीवे, भारहे वासे, मिहिलाए रायहाणीए, कुंभगस्स रण्णो धूया, पभावईए देवीए अत्तया मल्ली अरहा निक्खमिस्सामि त्ति मणं पहारेइ - जाव - इंदा दलयंति अरहाणं । तं गच्छह णं देवाणुप्पिया ! जंबुद्दीवं दीवं, भारहं वासं, मिहिलं रायहाणि, कुंभगस्स रण्णो भवणंसि इमेयारूवं अत्थसंपयाणं साहराहि, साहरित्ता खिप्पामेव मम एयमाणत्तियं पच्चप्पिणाहि ।' तए णं से वेसमणे देवे सक्केणं देविदेणं, देवरग्णा एवं वुत्ते समाणे हद्व-तुठे करयल-परिग्गहियं दस-णहं सिरसावत्तं मत्थए अंजलि कटु एवं देवो ! तहत्ति आणाए विणएणं वयणं पडिसुणेइ, पडिसुणेत्ता भए देवे सद्दावेइ, सद्दावेत्ता एवं वयासी'गच्छह णं तुब्भे देवाणुप्पिया ! जंबुद्दीवं दीवं, भारहं वासं, मिहिलं रायहाणि, कुंभगस्स रण्णो भवणंसि तिणि कोडि
सया अट्ठासोई च कोडीओ असीई सय-सहस्साइं-इमेयारूवं अत्थ-संपयाणं साहरह, साहरित्ता मम एयमाणत्तियं पच्चप्पिणह ।' २३० तए णं ते जंभगा देवा वेसमणेणं देवेणं एवं वुत्ता समाणा - जाव - पडिसुणेत्ता उत्तर-पुरथिम दिसी-भागं अवक्कमंति,
अवक्कमित्ता वेउब्विय-समुग्घाएणं समोहणंति, समोहणित्ता संखेज्जाई जोयणाई दंडं निसिरंति, - जाव - उत्तर-वेउब्वियाई रूवाई विउव्वंति, विउन्वित्ता ताए उक्किट्ठाए - जाव - देवगईए वोईवयमाणा-वीईवयमाणा, जेणेव जंबुद्दीवे दीवे, भारहे वासे, जेणेव मिहिला रायहाणी, जेणेव कुंभगस्स रण्णो भवणे, तेणेव उवागच्छंति, उवागच्छित्ता कुंभगस्स रण्णो भवणंसि तिणि कोडिसया - जाव - साहरंति, साहरित्ता जेणेव वेसमणे देवे तेणेव उवागच्छंति, उवागच्छित्ता करयल-परिग्गहियं दस-णहं सिरसावत्तं मत्यए अंजलि कटु तमाणत्तियं पच्चप्पिणंति । तए णं से वेसमणे देवे जेणेव सक्के देविदे, देवराया तेणेव उवागच्छइ, उवागच्छित्ता करयल-परिग्गहियं - जाव - तमाण
त्तियं पच्चप्पिणइ । २३१ तए णं मल्लो अरहा कल्लाकल्लिं - जाव - मागहओ पायरासो त्ति बहूणं सणाहाण य, अणाहाण य, पंथियाण य, पहियाण
य, करोडियाण य, कप्पडियाण य, एगमेगं हिरण्ण-कोडि अट्ठ य अणूणाई सय-सहस्साइं-इमेयारूवं अत्थ-संपयाणं दलयइ । तए णं कुंभए राया मिहिलाए रायहाणोए तत्थ-तत्थ, हि-हिं, देसे-देसे बहूओ महाणस-सालाओ करेइ। तत्थ णं बहवे मणुया दिण्ण-भइ-भत्त-वेयणा बिउलं असण-पाण-खाइम-साइमं उवक्खडेंति । जे जहा आगच्छंति, तं जहा-पंथिया वा, पहिया वा, करोडिया वा, कप्पडिया वा, पासंडत्या वा, गिहत्था वा, तस्स य तहा आसत्थस्स, वीसत्थस्स, सुहासण-वर-गयस्स तं विउलं असण-पाण-खाइम-साइमं परिभाएमाणा, परिवेसेमाणा विहरंति । तए णं मिहिलाए नयरीए सिंघाडग-तिग-चउक्क-चच्चर-चउम्मुह-महापह-पहेसु बहु-जणो अण्णमण्णस्स एवमाइक्खइ'एवं खलु देवाणुप्पिया ! कुंभगस्स रण्णो भवणंसि सव्व-काम-गुणियं, किमिच्छियं, विपुलं असण-पाण-खाइम-साइमं बहणं समणाण य, माहणाण य, सणाहाण य, अणाहाण य, पंथियाण य, पहियाण य, करोडियाण य, कप्पडियाण य, परिभाइज्जइ, परिवेसिज्जइ । संगहणी-गाहा- वरवरिया घोसिज्जइ, किमिच्छियं दिज्जए बहुविहीयं ।
सुर-असुर देव-दाणव-नरिंद-महियाण निक्खमणे॥१॥' २३२ तए णं मल्ली अरहा संवच्छरेणं तिणि कोडि-सया अट्ठासीई च कोडीओ असीई सय-सहस्साइं-इमेयारूवं अत्थ-संपयाणं
दलइत्ता निक्खमामि त्ति मणं पहारेइ । तेणं कालेणं तेणं समएणं लोगंतिया देवा बंभलोए कप्पे, रिठे विमाण-पत्थडे, सरहि-सएहि विमाहि, सएहि-सएहिं पासाय-वडिसएहि, पत्तेयं-पत्तेयं चउहि सामाणिय-साहस्सीहि, तिहि परिसाहि, सहि अणिएहि, सतहिं अणियाहिवईहिं, सोलसहि आयरक्ख-देव-साहस्सीहि, अण्णेहि य बहूहि लोगतिएहिं देवेहिं सद्धि संपरिवुडा महयाऽऽहय-नट्ट-गीय-वाइय-तंती-तलताल-तुडिय-वण-मुइंग-पडु-प्पवाइय-रवेणं विउलाई भोगभोगाई भुंजमाणा विहरंति, तं जहासंगहणी-गाहा- सारस्सयमाइच्चा, वण्ही वरुणा य गद्दतोया य। तुसिया अव्वाबाहा, अग्गिच्चा चेव रिट्ठा य ॥१॥
२३३ तए णं तेसि लोगंतियाणं देवाणं पत्तेयं-पत्तेयं आसणाई चलंति तहेव - जाव-तं जीयमेयं लोगंतियाणं देवाणं अरहंताणं
भगवंताणं निक्खममाणाणं संबोहणं करित्तए त्ति । तं गच्छामो णं अम्हे वि मल्लिस्स अरहओ संबोहणं करेमो त्ति कटट
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |