Page Text
________________
मल्ली-चरिय
४३
मल्लीए उवायनिरूवणं २२१ तए णं सा मल्ली विदेह-राय-वर-कन्ना कुंभगं रायं एवं बयासी
'मा णं तुब्भे ताओ ! ओहय-मण-संकप्पा करतल-पल्हत्थ-मुहा अट्ट-ज्झाणोवगया झियायह । तुब्भे गं ताओ ! तेसि जियसत्तु-पामोक्खाणं छहं राईणं पत्तेयं-पत्तेयं रहस्सिए दूय-संपेसे करेह, एगमेगं एवं वयह"तव देमि मल्लि विदेह-राय-वर-कन्नं" ति कटु संझ-काल-समयंसि पविरल-मणूसंसि निसंत-पडिनिसंतंसि पत्तेयं-पत्तेयं मिहिलं रायहाणिं अणुप्पबेसेह, अणुप्पवेसेत्ता गम्भघरएसु अणुप्पवेसेह, अणुप्पवेसेत्ता मिहिलाए रायहाणीए दुवाराई पिहेह, पिहेत्ता रोहा-सज्जा चिट्ठह ।' तए णं कुंभए तेसि जियसत्तु-पामोक्खाणं छण्हं राईणं पत्तेयं-पत्तेयं रहस्सिए दूय-संपेसे करेइ - जाव - रोहा-सज्जे चिट्ठइ।
मल्लीए जियसत्तुपामोक्खाणं संबोहो २२२ तए णं ते जियसत्तु-पामोक्खा छप्पि रायाणो कल्लं पाउप्पभायाए रयणीए - जाव - उट्ठियम्मि सूरे सहस्सरस्सिम्मि दिणयरे
तेयसा जलंते, जालंतरेहि कणगमई, मत्थय-छिड्डे, पउमुप्पल-पिहाणं पडिमं पासंति-'एस णं मल्ली विदेह-राय-वर-कन्नत्ति' कटु मल्लीए राय-वर-कन्नाए रूबे य जोवणे य लावण्णे य मुच्छिया, गिद्धा, गढिया, अज्झोववण्णा अणिमिसाए दिट्ठीए पेहमाणा-पेहमाणा चिट्ठति । तए णं सा मल्ली विदेह-राय-वर-कन्ना व्हाया, कयबलिकम्मा, कयकोउय-मंगल-पायच्छित्ता, सव्वालंकार-विभूसिया, बहिं खुज्जाहिं - जाव - परिक्खित्ता, जेणेव जालधरए, जेणेव कणगमई, मत्थयछिड्डा, पउमुप्पल-पिहाणा पडिमा, तेणेव उवागच्छइ, उवागच्छिता तीसे कणगमईए मत्थयछिड्डाए, पउमुप्पल-पीहाणाए पडिमाए मत्थयाओ तं पउमुप्पल-पिहाणं
अवणेइ । तओ णं गंधे निद्धावेइ, से जहा-णामए- अहिमडे इ वा - जाव - एत्तो असुभतराए चेव । २२३ तए णं से जियसत्तु-पामोक्खा छप्पि रायाणो तेणं असुभेणं गंधेणं अभिभूया समाणा सहि-सएहि उत्तरिहि आसाई
पिहेंति, पिहेत्ता परम्मुहा चिट्ठति । तए णं सा मल्ली विदेह-राय-वर-कन्ना ते जियसत्तु-पामोक्खे एवं बयासी'किणं तुब्भे देवाणुप्पिया ! सएहि-सहि उत्तरिज्जेहिं आसाई पिहेत्ता परम्मुहा चिट्ठह ?' तए णं ते जियसन्तु-पामोक्खा मल्लि विदेह-राय-बर-कन्नं एवं वयंति
'एवं खलु देवाणुप्पिए ! अम्हे इमेणं असुभेणं गंधेणं अभिभूया समाणा सहि-सएहि उत्तरिज्जेहि आसाइं पिहेत्ता चिट्ठाभो ।' २२४ तए णं मल्ली विदेह-राय-वर-कन्ना ते जियसत्तु-पामोक्खे एवं वयासी
'जइ ताव देवाणुप्पिया ! इमीसे कणगमईए, मत्थय-छिड्डाए, पउमुप्पल-पिहाणाए पडिमाए-कल्लाकल्लिं ताओ मणुग्णाओ असण-पाण-खाइम-साइमाओ एगमेगे पिंडे पक्खिप्पमाणे-पक्खिप्पमाणे इमेयारूवे असुभे पोग्गल-परिणामे, इमरस पुण ओरालिय-सरीरस्स, खेलासवस्स, वंतासवस्स, पित्तासवस्स, सुक्कासवस्स, सोणिय-पूयासवस्स, दुरुय-ऊसास-नीसासस्स, दुरुय-मुत्तपूइय-पुरीस-पुण्णस्स, सडण-पडण-छेयण-विद्धंसण-धम्मस्स केरिसए य परिणाम भविस्सइ ? तं मा णं तब्भे देवाणप्पिया ! माणुस्सएसु काम-भोगेसु सज्जह, रज्जह, गिशाह, मुज्झाह, अज्झोववज्जह । एवं खलु देवाणुप्पिया ! अम्हे इमाओ तच्चे भवग्गहणे, अवर-विदेह-वासे, सलिलावतिसि विजए वीयसोगाए रायहाणीए, महब्बल-पामोक्खा सत्त वि य बाल-वयंसया
रायाणो होत्था-- सहजाया - जाव - पव्वइया । २२५ तए णं अहं देवाणुप्पिया ! इमेणं कारणेणं इत्थी-नाम-गोयं कम्मं निव्वत्तेमि-जइ णं तुब्भे चउत्थं उपसंपज्जित्ता गं
विहरह, तए णं अहं छठं उवसंपज्जित्ता णं विहरामि सेसं तहेव सव्वं । तए णं तुब्भे देवाणुप्पिया ! काल-मासे कालं किच्चा जयंते विमाणे उबवण्णा । तत्थ णं तुभं देसूणाई बत्तीसं सागरोवमाइं ठिई । तए णं तुब्भे ताओ देव-लोगाओ अणंतरं चयं चइत्ता इहेव जंबुद्दीवे दीवे - जाव - साई-साइं रज्जाइं उवसंपज्जित्ता णं विहरह । तए णं अहं ताओ देव-लोगाओ आउक्खएणं - जाव - दारियत्ताए पच्चायाया । गाहाकि थ तयं पम्हठं, जंथ तया भो ! जयंत-पवरम्मि । बुत्था समय-णिबद्धा, देवा तं संभरह जाइं ॥१॥'
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |