Page Text
________________
धम्मकहाणुओगे पढमखंधे
तए णं कुंभए राया इमीसे कहाए लद्धढे समाणे बल-वाउयं सद्दावेइ, सद्दावेत्ता एवं बयासी'खिप्पामेव हय-गय-रह-पवर-जोह-कलियं चाउरंगिणिं सेणं सन्नाहेहि, सन्नाहेत्ता एयमाणत्तियं पच्चप्पिणाहि' । से वि - जाव - पच्चप्पिणति । तए णं कुंभए राया पहाए सण्णद्धे, हत्यि-खंध-वर-गए, सकोरेंट-मल्ल-दामेणं छत्तेणं धरिज्जमाणेणं सेय-वर-चामराहि वीइज्जमाणे, महया हय-गय-रह-पवर-जोह-कलियाए चाउरंगिणीए सेणाए सद्धि संपरिवुडे, सविड्ढीए -जाव- दुंदुभिनाइय-रवेणं मिहिलं मज्मज्झणं निज्जाइ, निज्जावेत्ता विदेह-जणवयं मज्झमझेणं जेणेव देसग्गं तेणेव
खंधावार-निवेसं करेइ, करेत्ता जियसत्तु-पामोक्खा छप्पि य रायाणो पडिवालेमाणे जुज्श-सज्जे पडिचिट्ठइ । २१७ तए णं ते जियसत्तु-पामोक्खा छप्पि रायाणो जेणेव कुंभए राया तेणेव उवागच्छंति, उवागच्छित्ता कुंभएणं रण्णा सद्धि
संपलग्गा यावि होत्था । तए णं ते जियसत्तु-पामोक्खा छप्पि रायाणो कुंभयं रायं हय-महिय-पवर-वीर-धाइय-विवडिय-चिष-धय-पडागं किच्छोवगयपाणं दिसोदिसि पडिसहेति । तए णं से कुंभए जियसत्तु-पामोक्खेंहि छहिं राईहि हय-महिय-पवर-वीर-घाइय-विवडिय-चिध-धय-पडागे किच्छोवगय-पाणे दिसोदिसि पडिसेहिए समाणे अत्थामे, अबले, अवीरिए, अपुरिसक्कारपरक्कम, अधारणिज्जमिति कटु सिग्धं, तुरियं, चवलं, चंडं, जइणं, वेइयं जेणेव मिहिला तेणेव उवागच्छद, उवागच्छित्ता मिहिलं अणुपविसइ, अणुपविसित्ता मिहिलाए
दुवाराई पिहेइ, पिहेत्ता रोह-सज्जे चिट्ठइ । २१८ तए णं ते जियसत्तु-पामोक्खा छप्पि रायाणो जेणेव मिहिला तेणेव उवागच्छंति, उवागच्छित्ता मिहिलं रायहाणि निस्संचार
निरुच्चारं, सव्वओ समंता ओरंभित्ता णं चिट्ठति । तए णं से कुंभए राया मिहिलं रायहाणि ओरुद्धं जाणित्ता अभितरियाए उवट्ठाणसालाए सीहासणवरगए सि जियसत्तु-पामोक्खाणं छहं राईणं अंतराणि य, छिद्दाणि य, विवराणि य, मम्माणि य अलभमाणे बहूहि आएहि य, उवाएहि य, उप्पत्तियाहि य, वेणइयाहि य, कम्मयाहि य, पारिणामियाहि य, बुद्धीहि परिणामेमाणे परिणामेमाणे किंचि आयं वा उवायं वा अलभमाणे ओहय-मण-संकप्पे करतल-पल्हत्थ-मुहे अट्ट-ज्शाणोवगए झियायइ ।
मल्लीए चिताहेउ-पुच्छा २१९ इमं च णं मल्ली विदेह-राय-वर-कन्ना व्हाया कय-बलि-कम्मा, कय-कोउय-मंगल-पायच्छित्ता, सव्वालंकार-विभूसिया, बहूहि
खुज्जाहि संपरिवुडा जेणेव कुंभए तेणेव उवागच्छइ, उवागच्छित्ता कुंभगस्स पाय-ग्गहणं करेइ । तए णं कुंभए मल्लि विदेह-राय-वर-कन्नं नो आढाइ, नो परियाणाइ, तुसिणीए संचिटुइ ।
तए णं मल्ली विदेह-राय-वर-कन्ना कुंभगं एवं वयासी'तुब्भे गं ताओ ! अण्णया ममं एज्जमाणिं पासित्ता आढाह, परियाणाह, अंके निवेसेह । इयाणि ताओ ! तुभे ममं नो आढाह, नो परियाणाह, नो अंके निवेसे ह । किण्णं तुभं, अज्ज ओहय-मण-संकप्पा करतल-पल्हत्थ-मुहा अट्टज्झाणोवगया झियायह ?'
कुंभगस्स चिताहेउ-कहणं २२० तए णं कुंभए मल्लि विदेह-राय-वर-कन्नं एवं बयासी
‘एवं खलु पुत्ता! तब कज्जे जियसत्तु-पामोक्षेहि छहिं राईहिं दूया संपेसिया । ते णं मए असक्कारिय, असम्माणिय अबद्दारेणं निच्छूढा । तए णं जियसतु-पामोक्खा छप्पि रायाणो तेसिं दूयाणं अंतिए एयम8 सोच्चा परिकुविया समाणा मिहिलं रायहाणि निस्संचारं, निरुच्चारं सव्वओ समंता ओरुभित्ता णं चिट्ठति । तए णं अहं पुत्ता तेसि जियसत्तु-पामोक्खाणं छण्हं राईणं अंतराणि य छिद्दाणि य विवराणि य, मम्माणि य अलभमाणे - जाव - अट्टज्झाणोवगए शियामि ।'
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |