Page Text
________________
धम्मकहाणुओगे पढमखंधे
संख-राया
१८८ तेणं कालेणं तेणं समएणं कासी नाम जणवए होत्था । तत्थ णं वाणारसी नाम नयरी होत्था । तत्थ णं संखे नामं
कासीराया होत्था ।
मल्लीए कुंडल-जुयलस्स संधिविघडणं
१८९ तए गं तीसे मल्लीए विदेह-वर-राय-कन्नाए अण्णया कयाई तस्स दिव्वस्स कुंडल-जुयलस्स संधी विसंघडिए यावि होत्या ।
तए णं से कुंभए राया सुवण्णगार-सेणि सद्दावेइ, सद्दावेत्ता एवं वयासी"तुम्भे णं देवाणुप्पिया ! इमस्स दिव्वस्स कुंडल-जुयलस्स संधि संघाडेह ।" तए णं सा सुवण्णगार-सेणी एयमझें तहत्ति पडिसुणेइ, पडिसुणेत्ता तं दिव्वं कुंडल-जुयलं गेण्हइ, गेण्हित्ता जेणेव सुवण्णगारभिसियाओ तेणेव उवागच्छइ, उवागच्छित्ता सुवण्णगार-भिसियासु निवेसेइ, निवेसेत्ता बहूहिं आएहि य, उवाएहि य, उप्पत्तियाहि य, वेणइयाहि य, कम्मयाहि य, पारिणामियाहि य बुद्धीहि परिणामेमाणा इच्छंति तस्स दिव्वस्स कुंडल-जुयलस्स संधि घडित्तए, नो चेव णं संचाएइ घडित्तए । तए णं सा सुव्वण्णगार-सेणी जेणेव कुंभए राया तेणेव उवागच्छइ, उवागच्छित्ता करयल-परिग्गहियं सिरसावत्तं मत्थए अंजलि कट्ट जएणं विजएणं वद्धावेइ बद्धावेत्ता एवं वयासी"एवं खलु सामी ! अज्ज तुम्हे अम्हे सद्दावेह, - जाव - संधि संघाडेता एयमाणत्तियं पच्चप्पिणह । तए णं अम्हे तं दिव्वं कुंडल-जुयलं गेण्हामो, गेण्हिता जेणेव सुवण्णगार-भिसियाओ तेणेव उवगच्छामो - जाव - नो संचाएमो संधि संबाडेत्तए। तए णं अम्हे सामी ! एयस्स दिव्वस्स कुंडल-जुयलस्स अण्णं सरिसयं कुंडल-जुयलं घडेमो ।"
सुवण्णगारसेणीए निव्विसय-करणं
१९० तए णं से कुंभए राया तोसे सुव्वग्णगार-सेणीए अंतिए एयमटु सोच्चा निसम्म आसुरुत्ते, रुठे, कुविए, चंडिक्किए, मिसि
मिसेमाणे तिवलियं भिड निडाले साहट्ट एवं वयासी'केस णं तुभे कलायाणं भवह, जे णं तुम्भे इमस्त दिव्वस्स कुंडल-जुयलस्स नो संचाएह संधि संघाडित्तए ?' ते सुवण्णगारे निव्विसए आणवेइ ।
सुवण्णगारसेणीए वाणारसीए आगमणं १९१ तए णं ते सुवण्णगारा कुंभगेणं रण्णा निव्विसया आणत्ता समाणा जेणेव साइं साइं गिहाई तेणेव उवागच्छंति, उवागच्छित्ता
सभंडमत्तोवगरण-मायाए मिहिलाए रायहाणीए मज्झमझेणं निक्खमंति, निक्खमित्ता विदेहस्स जणवयस्स मज्झमझेणं निक्खमंति, निक्खमित्ता जेणेव कासी जणवए जेणेव वाणारसी नयरी तेणेव उवागच्छंति, उवागच्छित्ता अग्गुज्जाणंसि सगडी-सागडं मोएंति, मोएता महत्थं - जाव - पाहुडं गेहंति, गेण्हित्ता वाणारसीए नयरीए मज्झमज्झेणं जेणेव संखे कासोराया तेणेव उवागच्छंति, उवागच्छित्ता करयल-परिग्गहियं सिरसावत्तं मत्थए अंजलि कटु जएणं विजएणं वद्धाति, बद्धावेत्ता पाहुडं उवणेति, उवणेत्ता एवं वयासी''अम्हे णं सामी ! मिहिलाओ कुंभएणं रण्णा निविसया आणत्ता समाणा इह हव्वमागया.। तं इच्छामो णं सामी! तुब्भं बाहुच्छाया-परिग्गहिया निब्भया, निरुव्विग्गा, सुहंसुहेणं परिवसिउं ।" तए णं संखे कासीराया ते सुवण्णगारे एवं वयासी'कि णं तुम्भे देवाणुप्पिया ! कुंभएणं रण्णा निविसया आणता ?' तए ते सुवण्णगारा संखं कासीरायं एवं वयासो"एवं खलु सामी! कुंभगस्स रण्णो धूयाए पभावईए देवीए अत्तयाए मल्लीए विदेह-राय-वर-कन्नाए कुंडल-जुयलस्स संधी विसंवडिए । तए णं से कुंभए राया सुवण्णगारसेणि सद्दावेइ - जाव - निव्विसया आणत्ता । तं एएणं कारणेणं सामी! अम्हे
-
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |