Page Text
________________
धम्मकहाणुओगे पढमखंधे
__ अरहण्णगस्स मिहिला-आगमणं
१७८ तए णं ते अरहण्णग-पामोक्खा संजत्ता-नावा-वाणियगा दक्खिणाणुकूलेणं वाएणं जेणेव गंभीरए पोय-ट्ठाणे तेणेव उवागच्छंति,
उवागच्छित्ता पोयं लंबेति, लंबेत्ता सगडि-सागडं सज्जेंति, तं गणिमं धरिमं मेज्जं परिच्छेज्जं च सगडि-सागडं संकाति, संकामेत्ता सगडि-सागडं जोविति, जोवित्ता जेणेव मिहिला तेणेव उवागच्छंति, उबागच्छित्ता मिहिलाए रायहाणीए बहिया अग्गुज्जासि सगडि-सागडं मोएंति, मोएत्ता महत्थं, महग्धं, महरिहं, विउलं, रायारिहं पाहुडं, दिव्वं कुंडलजुयलं च गेहंति, गेण्हित्ता मिहिलाए रायहाणीए अणुप्पविसंति, अणुप्पविसित्ता जेणेव कुंभए राया तेणेव उवागच्छंति, उवागच्छित्ता करयलपरिग्गहियं सिरसावत्तं मत्थए अंजलिं कट्ट महत्थं, महग्धं महरिहं, विउलं, रायारिहं पाहुडं, दिव्वं कुंडल-जुयलं च उवणेति । तए णं कुंभए राया तेसिं संजत्ता-नावा-वाणियगाणं तं महत्थं, महग्धं, महरिहं, बिउलं, रायारिहं पाहुडं, दिव्वं कुंडलजुयलं च पडिच्छइ, पडिच्छित्ता मल्लि विदेह-वर-राय-कन्नं सद्दावेइ, सद्दावेत्ता तं दिव्वं कुंडल-जुयलं मल्लीए विदेहरायकन्नगाए पिणद्धेइ, पिणद्धत्ता पडिविसज्जेइ। तए णं से कुभए राया ते अरहण्णग-पामोक्खे संजता-नावा-वाणियगे विपुलेणं वत्थ-गंध-मल्लालंकारेण य सक्कारेइ, सम्माणेइ, सक्कारेत्ता, सम्माणेत्ता उस्सुक्कं वियरइ, विर्यारत्ता रायमग्गमोगाढे य आवासे वियरइ, वियरित्ता पडिविसज्जेइ ।
अरहण्णगस्स चंपाए आगमणं १७९ तए णं अरहण्णग-पामोक्खा संजत्ता-नावा-वाणियगा जेणेव रायमग्गमोगाढे आवासे तेणेव उवागच्छंति, उवागच्छित्ता
भंडववहरगं करेंति, पडिभंडे गेण्हंति, गेण्हित्ता सगडी-सागडं भरेंति, भरेत्ता जेणेव गंभीरए पोय-पट्टणे तेणेव उवागच्छंति, उवागच्छित्ता पोय-वहणं सज्जेति, सज्जेत्ता भंडं संकाति, संकामेत्ता दक्खिणाणुकूलेणं वाएणं जेणेव चंपाए पोय-ट्ठाणे तेणेव उवागच्छंति, उवागच्छित्ता पोयं लंबेति, लंबेत्ता सगडी-सागडं सज्जेंति, सज्जेता तं गणिमं, धरिमं, मेज्जं, परिच्छेज्ज च सगडी-सागडं संकामेति, संकामेत्ता सगडि-सागडं जोविति, जोवित्ता जेणेव चंपा-नयरी तेणेव उवागच्छंति, उवागच्छित्ता चंपाए रायहाणोए बहिया अग्गुज्जाणंसि सगडि-सागडं मोएंति, मोएत्ता महत्थं, महग्धं, महरिहं, विउलं, रायारिहं पाहुडं, दिव्वं च कुंडल-जुयलं गेहंति, गेण्हित्ता जेणेव चंदच्छाए अंगराया तेणेव उवागच्छंति, उवागच्छित्ता तं महत्थं महग्धं, महरिहं, विउलं, रायारिहं पाहुडं, दिव्वं च कुंडल-जुयलं उवणेति ।
१८० तए णं चंदच्छाए अंगराया तं महत्थं पाहुडं दिव्वं च कुंडलजुयलं पडिच्छइ, पडिच्छित्ता ते अरहण्णग-पामोक्खे एवं बयासी
'तुब्भे णं देवाणुप्पिया ! बहूणि गामागर - जाव - सण्णिवेसाई आहिंडह, लवण-समुदं च अभिक्खणं-अभिक्खणं पोय-बहहिं ओगाहेह तं अत्थियाई भे केइ कहिंचि अच्छेरए दिट्ठपुब्वे ?'
मल्ली-रूव-पसंसा १८१ तए णं ते अरहण्णग-पामोक्खा चंदच्छायं अंगरायं एवं वयासी
'एवं खलु सामी ! अम्हे इहेव चंपाए नयरीए अरहण्णग-पामोक्खा बहवे संजत्तगा-नावा-वाणियगा परिवसामो । तए णं अम्हे अण्णया कयाइ गणिमंच, धरिमं च, मेज्जं च, परिच्छेज्जं च गेण्हामो, तहेव अहीण-अइरित्तं - जाव - कुंभगस्स रण्णो उवणेमो। तए णं से कुंभए मल्लीए विदेह-राय-वर-कन्नाए तं दिव्वं कुंडल-जुयलं पिणद्धेइ, पिणवेत्ता पडिविसज्जेइ । तं एस णं सामी ! अम्हेहि कुभगराय-भवणंसि मल्ली विदेह-राय-वर-कन्ना अच्छरए बिढे । तं नो खलु अण्णा का वि तारिसिया देव-कन्ना वा, असुर-कन्ना वा, नाग-कन्ना वा, जक्ख-कन्ना वा, गंधव-कन्ना वा, राय-कन्ना वा जारिसिया णं मल्ली विदेह-राय-वर-कन्ना ।' तए णं चंदच्छाए अरहण्णग-पामोक्खे सक्कारेइ, सम्माणेइ, सक्कारेत्ता, सम्माणेत्ता उस्सुक्कं वियरइ, वियरित्ता पडिविसज्जेइ ।
चंदच्छाय-रण्णो दूयस्स मिहिला-गमणं १८२ तए णं चंदच्छाए वाणियग-जणिय-हासे दूयं सद्दावेइ, सद्दावेत्ता एवं वयासी
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |