Page Text
________________
धम्मकहाणुओगे पढमखंधे
तए णं सा पउमावई देवी नियग-परियाल-संपरिवुडा सागेयं नयरं मज्मज्झणं निज्जाइ, जेणेव पोक्खरणी तेणेव उवागच्छइ, उवागच्छिता पोक्खरणिं ओगाहति, ओगाहित्ता जलमज्जणं करेइ - जाव - परम-सुइभूया उल्ल-पड-साडया, जाई तत्थ उप्पलाई- जाव - ताई गेण्हइ, जेणेव नाग-घरए तेणेव पहारेत्थ गमणाए । तए णं पउमावईए देवीए दासचेडीओ बहूओ पुष्फपडलगहत्थगयाओ, धूवकडच्छुय-हत्थगयाओ पिट्ठओ समणुगच्छंति । तए णं पउमावई देवी सविड्ढीए जेणेव नाग-घरए तेणेव उवागच्छइ, उवागच्छित्ता नाग-घरं अणुप्पविसइ, लोमहत्थगं
परामुसइ - जाव - धूवं डहइ, पडिबुद्धिं पडिवालेमाणी-पडिबालेमाणी चिठ्ठइ । १६५ तए णं से पडिबुद्धी हाए हत्थि-खंध-वर-गए स-कोरेंट-मल्ल-दामेणं छत्तेणं धरिज्जमाणेणं, सेय-वर-चामराहिं विइज्जमाणे
हय-गय-रह-पवरजोह-कलियाए चाउरंगिणीए सेणाए सद्धि संपरिवुडे, महया भड-चडगर-रह-पहकर-बिंद-परिक्खित्ते सागेयं नगरं मज्झांमज्झेणं निग्गच्छइ, निग्गच्छित्ता जेणेव नाग-घरए तेणेव उवागच्छइ, उवागच्छित्ता हत्थि-खंधाओ पच्चोरुहइ, पच्चोरुहिता आलोए पणामं करेइ, करेत्ता पुप्फ-मंडवं अणुप्पविसइ, अणुप्पविसित्ता पासइ तं एगं महं सिरि-दाम-गडं ।
मल्लीए सिरिदामगंडस्स पसंसा १६६ तए णं पडिबुद्धी तं सिरि-दाम-गंडं सुचिरं कालं निरिक्खइ । तसि सिरि-दाम-गडंसि जाय-विम्हए सुबुद्धिं अमच्च एवं वयासी
'तुमं देवाणुप्पिया ! मम दोच्चेणं बहुणि गामागर - जाव - सण्णिवेसाइं आहिंडसि, बहूण य राईसर-जाव-सत्थवाह-पभिईणं गिहाई अणुप्पविससि, तं अत्थि णं तुमे कहिंचि एरिसए सिरि-दाम-गंडे दिट्ठ-पुव्वे, जारिसए णं इमे पउमावईए देवीए सिरि-दाम-गंडे ?' तए णं सुबुद्धी पडिबुद्धि रायं एवं वयासी'एवं खलु सामी ! अहं अण्णया कयाइ तुब्भं दोच्चेणं मिहिलं रायहाणिं गए । तत्थ णं मए कुंभयस्स रणो धूयाए पभावईए देवीए अत्तयाए मल्लीए संबच्छर-पडिलेहणगंसि दिव्वे सिरि-दाम-गडे विट्ठ-पुव्वे । तस्स णं सिरि-दामनगंडस्स इमे पउमावईए देवीए सिरि-दाम-गंडे सय-सहस्सइमं पि कलं न अग्घइ ।'
मल्ली-रूव-पसंसा १६७ तए णं पडिबुद्धी सुबुद्धिं अमच्च एवं वयासी--
'केरिसिया णं देवाणुप्पिया.! मल्ली विदेहराय-वर-कन्ना, जस्स णं संवच्छरपडिलहणयंसि सिरि-दाम-गंडरस पउमावईए देवीए सिरि-दाम-गंडे सय-सहस्सइमंपि कलं न अग्घइ ?' तए णं सुबुद्धी पडिबुद्धिं इक्खागरायं एवं वयासी'एवं खलु सामी! मल्ली विदेह-राय-वर-कन्ना सुपइट्ठिय-कुम्मुण्णय-चारुचरणा - जाव-पडिरूवा ।' तए णं पडिबुद्धी सुबुद्धिस्स अमच्चस्स अंतिए एयम? सोच्चा, निसम्म सिरि-दाम-गंड-जणिय-हासे दूयं सद्दावेइ, सद्दावेत्ता एवं वयासी'गच्छाहि णं तुम देवाणुप्पिया ! मिहिलं रायहाणिं । तत्थ णं कुंभगस्स रण्णो धूयं पभावईए अत्तयं मल्लि विदेह-रायवर-कन्नं मम भारियत्ताए वरेहि जइ वि य गं सा सयं रज्ज-सुंका ।
पडिबुद्धि-रण्णो दूयस्स मिहिलागमणं १६८ तए णं से दूए पडिबुद्धिणा रण्णा एवं वुत्ते समाणे, हट्टतुट्टै पडिसुणेइ, पडिसुणेत्ता जेणेव सए गिहे, जेणेव चाउ-घंटे आस-रहे
तेणेव उवागच्छइ, उवागच्छित्ता चाउ-वंट-आस-रहं पडिकप्पावेइ, पडिकप्पावेत्ता दुरुढे हय-गय-रह-पवर-जोह-कलियाए चाउरंगिणीए सेणाए सद्धिं संपरिवुडे महया भड-चडगरेणं साएयाओ निग्गच्छइ , निग्गच्छित्ता जेणेव विदेह-जणवए जेणेव मिहिला रायहाणी तेणेव पहारेत्थ गमणाए ।
अरहण्णग-वाणियगस्स समुद्द-जत्ता १६९ तेणं कालेणं तेणं समएणं अंग-नाम जणवए होत्था । तत्थ णं चंपा नाम नयरी होत्था । तत्थ णं चंपाए नयरीए चंदच्छाए
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |