Page Text
________________
मल्ली-चरिय
२९ मा-देसभाए छ गम्भ-धरए करेह । तेसि णं गम्भ-घरगाणं बहु-मज्ज्ञा-देस-भाए जाल-घरयं करेह । तस्स णं जाल
घरयस्स बहु-मजा-देस-भाए मणि-पेढियं करेह । एयमाणत्तियं पच्चप्पिणह ।' तेवि तहेव पच्चप्पिणंति । १६० तए णं सा मल्ली मणिपेढियाए उरि अप्पणो सरिसियं, सरि-त्तयं, सरि-व्वयं, सरिस-लावण्ण-रूव-जोव्वण-गुणोववेयं,
कणगामई, मत्थय-च्छिटुं-पउमुप्पल-पिहाणं पडिमं करेइ, करेत्ता जं विउलं असण-पाण-खाइम-साइमं आहारेइ, तओ मणुण्णाओ असण-पाण-खाइम-साइमाओ कल्लाल्लि एगमेगं पिंडं गहाय तीसे कणगामईए, मत्थय-छिड्डाए, पउमुप्पलपिहाणाए पडिमाए मत्थयंसि पक्खिवमाणी-पक्खिवमाणी विहरइ । तए णं तीसे कणगामईए, मत्थय-छिड्डाए पउमुष्पलपिहाणाए पडिमाए एगमेगंसि पिंडे पक्खिप्पमाणे-पक्खिप्पमाणे तओ गंधे पाउन्भवेइ। से जहा णामए - अहि-मडे इ वा, गो-मडे इ वा, सुणह-मडे इ वा, मज्जार-मडे इ वा, मणुस्स-मडे इवा, महिस-मडे इ वा, मूसग-मडे इ वा, आस-मडे इ वा, हत्यि-मडे इ वा, सोह-मडे इवा, बग्घ-मडे इ वा, विग-मडे इ वा, दीबिग-मडे इ वा, । मय-कुहिय-विणट्ठ-दुरभिवावष्ण-दुब्भिगंधे किमि-जालाउल-संसत्ते असुइ-विलीण-विगय-बीभत्स-दरिसणिज्जे भवेयारूवे सिया ? नो इणठे समठे । एत्तो अणिद्वैतराए चेव अकंततराए चेव अप्पियतराए चेव अमणुण्णतराए चेव अमणामतराए चेव ।
पडिबुद्धिरण्णो पउमावईए देवीए नाग-जण्णए १६१ तेणं कालेणं तेणं समएणं कोसला नाम जणवए । तत्थ णं सागेए नाम नयरे । तस्स णं उत्तरपुरथिमे दिसी-भाए, एत्थ णं
महेगे नाग-घरए होत्था-दिव्वे सच्चे सच्चोवाए सण्णिहिय-पाडिहेरे । तत्थ णं सागेए नयरे पडिबुद्धी नाम इक्खागराया
परिवसइ । पउमावई देवी । सुबुद्धी अमच्चे साम-दंड-भेय-उवप्पयाण-नीति-सुपउत्त-नय-विहण्णू विहरई । १६२ तए णं पउमावईए देवीए अण्णया कयाइ नाग-जण्णए यावि होत्था ।।
तए णं सा पउमावई देवी नाग-जण्णमुवट्ठियं जाणित्ता जेणेव पडिबुद्धी राया तेणेव उवागच्छद, उवागच्छित्ता करयलपरिग्गहियं दस-णहं सिरसावत्तं मत्थए अंजलिं कट्ट जएणं विजएणं वद्धावेइ, बद्धावेत्ता एवं वयासी“एवं खलु सामी ! मम कल्लं नाग-जण्णए भविस्सइ । तं इच्छामि णं सामी ! तुम्भेहिं अन्भणुण्णाया समाणी नाग-जण्णयं गमित्तए । तुम्भे वि णं सामी! मम नाग-जण्णयंसि समोसरह । तए णं पडिबुद्धी पउमावईए एयमट्ठ पडिसुणेइ । तए णं पउमावई पडिबुद्धिणा रण्णा अब्भणुण्णाया समाणी, हट्ठ-तुट्ठा कोडुंबिय-पुरिसे सद्दावेइ, सद्दावेत्ता एवं वयासी'एवं खलु देवाणुप्पिया ! मम कल्लं नाग-जष्णं भविस्सइ, तं तुम्भे मालागारे सद्दावेह, सद्दावेत्ता एवं वदाह-"एवं खलु पउमावईए देवीए कल्लं नाग-जण्णए भविस्सइ, तं तुन्भे गं देवाणुप्पिया ! जल-थलय-भासरप्पभूयं दसद्ध-वण्णं मल्लं नाग-घरयंसि साहरह, एग च णं महं सिरि-दाम-गडं उवणेह।" तए णं जल-थलय-भासर-प्पभूएणं दसद्ध-वष्णेणं मल्लेणं नाणाविह-भत्ति-सुविरइयं, हंस-मिय-मयूर-कोंच-सारस-चक्कवायमयणसाल-कोइल-कुलोववेयं, ईहामिय-उसभ-तुरय-नर-मगर-विहग-वालग-किंनर-रुरु-सरभ-चमर-कुंजर-वणलय-पउमलय-भत्तिचित्तं, महग्धं, महरिहं, विउलं, पुप्फ-मंडवं विरएह । तस्स णं बहु-मा-देस-भाए एगं महं सिरि-दाम-गंडं - जाव - गंधद्धणि मुयंत उल्लोयंसि ओलएह, पउमावई देविं पडिवालेमाणा चिट्ठह। तए णं ते कोडुबिया - जाव - पउमावति देवि पडिवालेमाणा
चिट्ठति । १६३ तए णं सा पउमावई देवी कल्लं पाउप्पभायाए रयणीए, - जाव - उट्ठियम्मि सूरे, सहस्सरस्सिम्मि दिणयरे तेयसा जलंते,
कोडुबिए पुरिसे सद्दावेइ, सद्दावेत्ता एवं वयासी"खिप्पामेव भो देवाणुप्पिया ! सागेयं नयरं सबिभतर-बाहिरियं आसिय-सम्मज्जि-ओवलितं - जाव - गंधवट्टिभूयं करेह, कारवह य, एयमाणत्तियं पच्चप्पिणह।' ते वि तहेव पच्चप्पिणंति । तए णं सा पउमावई देवी दोच्चं पि कोडुंबियपुरिसे सद्दावेइ, सद्दावेत्ता एवं वयासी
"खिप्पामेव भो देवाणुप्पिया ! लहु-करण-जुत्तं - जाव - धम्मियं जाण-प्पवरं उवट्ठवेह ।" ते वि तहेव उवट्ठति । १६४ तए णं सा पउमावई देवी अंतो अंतेउरंसि व्हाया - जाव - पम्मियं जाणं दुरूढा ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |