Page Text
________________
३. मल्ली-चरियं
महब्बले राया तस्स य छ बालवयंसा
१४२ तेगं कालेणं तेणं समएणं इहेव जंबुद्दीवे दीवे महाविदेहे वासे मंदरस्स पव्वयस्स पच्चत्यिमेणं, निसढस्स वासहर-पव्वयस्स
उत्तरेणं, सीओदाए महानदीए दाहिणेणं, सुहावहस्स बक्खार-पव्वयस्स पच्चत्थिमेणं, पच्चत्थिम-लवणसमुदस्स पुरथिमेणं, एत्थ णं सलिलावई नाम विजए पण्णत्ते । तत्थ णं सलिलावई विजए वीयसोगा नाम रायहाणी नव-जोयण-वित्थिण्णा - जाव - पच्चक्खं देवलोगभूया। तीसे गं वीयसोगाए रायहाणीए उत्तरपुरत्थिमे दिसौभाए इंदकुंभे नाम उज्जाणे। तत्थ णं वीयसोगाए रापहाणीए बले नाम राया। तस्स धारिणी-पामोक्खं देवी-सहस्सं ओरोहे होत्था । तए णं सा धारिणी देवी अण्णया कयाइ सोहं सुमिणे पासित्ताणं पडिबुद्धा - जाव - महब्बले दारए जाए उम्मुक्क-बालभावे-जाव-भोग-समत्थे । तए णं तं महब्बलं अम्मा-
पिरो सरिसियाणं कमलसिरि-पामोक्खाणं पंचण्हं रायवर-कन्ना-सयाणं एग-दिवसेणं पाणिं गेण्हावेति । पंच पासाय-सया पंच-सओ दाओ - जाव - माणुस्सए काम-भोगे पच्चणुभवमाणे विहरइ । १४३ तेणं कालेणं तेणं समएणं इंदकुंभे उज्जाणे थेरा समोसढा । परिसा निग्गया। बलो वि निग्गओ। धम्म सोच्चा निसम्म
हटुतुटठे थेरे तिक्खुत्तो आयाहिण पयाहिणं करेइ, करेत्ता वंदइ नमसइ वंदित्ता नमंसित्ता एवं वयासी" सद्दहामि गं भंते ! निग्गंथं पावयणं - जाव - नवरं महब्बलं कुमारं रज्जे ठावेमि । तओ पच्छा देवाणुप्पियाणं अंतिए मुंडे भवित्ता अगाराओ अणगारियं पव्वयामि ।" 'अहासुहं देवाणुप्पिया' ! - जाव - एक्कारसंग-वी। बहूणि वासाणि परियाओ। जेणेव चारु-पव्वए तेणेव उवागच्छइ, उवागच्छित्ता
मासिएणं भत्तणं सिद्धे । १४४ तए णं सा कमलप्तिरी अण्णया कयाइ सोहं सुमिणे पासित्ता णं पडिबुद्धा - जाव - बलभद्दो कुमारो जाओ। जुवराया यावि
होत्था । १४५ तस्स णं महब्बलस्स रण्णो इमे छ-प्पिय-बाल-बयंसगा रायाणो होत्था, तं जहा -१ अयले, २ धरणे, ३ पूरणे, ४ वसू
५ वेसमणे ६ अभिचंदे-सह-जायया, सह-वड्ढियया, सह-पंसुकीलियया, सह-दार-दरिसी, अण्णमण्णमणुरत्तया, अण्णमण्णमणुव्वयया, अण्णनण्णच्छंदाणुवत्तया, अण्णमण्ण-हियइच्छिय-कारया, अण्णमण्णेसु रज्जेसु किच्चाई करणिज्जाई पच्चणुभवमाणा विहरंति । तए णं तेति रायाणं अण्णया कयाई एगयओ सहियाणं समुवागयाणं, सण्णिसण्णाणं, सण्णिविट्ठाणं इमेयारूवे मिहो-कहा-समुल्लावे समुप्पज्जित्था--'जण्णं देवाणुप्पिया! अम्हं सुहं वा दुक्खं वा पवज्जा वा विदेस-गमणं वा समुप्पज्जइ, तणं अम्महिं एगयओ समेच्चा नित्थरियन्वे' त्ति कटु अण्णमण्णस्स एयभट्ठ पडिसुणेति ।
महब्बलादीणं पव्वज्जा
१४६ तेणं कालेणं तेणं समएणं इंदकुंभे उज्जाणे थेरा समोसढा । परिसा निग्गया। महब्बाले णं धम्म सोच्चा निसम्म हट्ठ-तुटठे ।
जं नवरं - छ-प्पिय-बाल-वयंसए आपुच्छामि, बलभदं च कुमारं रज्ज ठावेमि, - जाव - ते छ-प्पिय-बालवयंसए आपुच्छइ । तए णं ते छ-प्पिय-बाल-वयंसगा महब्बलं रायं एवं वयासी--'जइ णं देवाणुप्पिया ! तुम्भे पव्वयह, अम्हं के अण्णे आहारे वा आलंबे वा? अम्हे वि य णं पव्वयामो । तए णं से महब्बले राया से छ-प्पिय-बाल-वयंसए एवं वयासी'जइ णं तुब्भे मए सद्धि पव्वयह, तं गच्छह, जेट्ट-पुत्ते सएहि-सएहिं रज्जेहिं ठावेह, पुरिससहस्स-वाहिणीओ सीयाओ दुरुढा समाणा मम अंतियं पाउन्भवह।' तेवि तहेब पाउन्भवति । तए णं से महब्बले राया छ-प्पिय-बाल-वयंसए पाउठभूए पासइ, पासित्ता हट्ठ-तुट्टे कोडुबिय-पुरिसे सद्दावेइ- जाव-बलभद्दस्स अभिसेओ । - जाव - बलभदं राय आपुच्छइ । तए णं से महब्बले हिं बाल-वयंसहिं सद्धि महया इड्ढीए पव्वइए । एक्कारसंगावी। बहूहि चउत्थ-छट्टट्ठम-दसम-दुवालसेहि मासद्धमास-खमणेहि अप्पाणं भावमाणे विहरइ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |