Page Text
________________
२४
धम्मकहाणुओगे पढमखंधे देवराईणं तित्थगराणं परिनिवाणमहिमं करेत्तए । तं गच्छामि णं अहं पि भगवओ तित्थगरस्स परिनिध्वाणमहिमं करेमि ति” कटु वंदइ णमंसइ, वंदित्ता णमंसित्ता चउरासीईए सामाणियसाहस्सीहि तायत्तीसाए तायत्तीसएहिं चरहिं लोगपालेहिं - जाव - चउहिं चउरासीईहि आयरक्खदेवसाहस्सीहि अण्णेहि य बहूहिं सोहम्मकप्प-वासीहि बेमाणिएहि देवेहिं देवीहि य सद्धिं संपरिवुडे ताए उक्किट्ठाए- जावतिरियमसंखेज्जाणं दीवसमुद्दाणं मज्झं मझेणं जेणेव अट्ठावयपध्वए जेणेव भगवओ तित्थगरस्स सरीरए तेणेव उवागच्छइ, उवागच्छित्ता विमणे णिराणंदे अंसुपुण्ण-णयणे तित्थयरसरीरयं तिवखुत्तो आयाहिणं पयाहिणं करेइ, करित्ता पच्चासण्णे णाइदूरे सुस्सूसमाणे - जाव - पज्जुवासइ । तेणं कालेणं तेणं समएणं ईसाणे देविंदे देवराया उत्तरड्ढलोगाहिवई अठ्ठावीस-विमाण-सयसहस्साहिवई सूलपाणी वसहवाहणे
सुरिंदे अरयंबर-वत्थधरे-जाव-विउलाई भोगभोगाई भुंजमाणे विहरइ । १२८ तए णं तस्स ईसाणस्स देविंदस्स देवरण्णो आसणं चलइ,
तए णं से ईसाणे - जाव-देवराया आसणं चलियं पासइ, पासइत्ता ओहिं पउंजइ, पउंजित्ता भगवं तित्थगरं ओहिणा आभोएइ, आभोइत्ता जहा सक्के नियगपरिवारेणं भाणेयवो - जाव - पज्जुवासइ ।
१२९ एवं सब्वे देविंदा - जाव - अच्चुए णियग-परिवारेणं आणेयव्वा,
एवं-जाव-भवणवासीणं वीस इंदा, वाणमंतराणं सोलस, जोइसियाणं दोण्णि, णियग-परिवारा यव्वा । १३० तए णं सक्के देविंदे देवराया ते बहवे भवणवइ-वाणमंतर-जोइस-वेमाणिए देवे एवं वयासी
"खिप्पामेव भो देवाणुप्पिया! णंदणवणाओ सरसाइं गोसीसवरचंदणकट्ठाई साहरह, साहरित्ता तओ चिइगाओ रएह१ एगं भगवओ तित्थगरस्स, २ एगं गणहराणं, ३ एगं अवसेसाणं अणगाराणं । तए णं ते भवणवइ- जाव -वेमाणिया देवा गंदणवणाओ सरसाइं गोसीस-वर-चंदणकट्ठाई साहरंति, साहरित्ता तओ चिइगाओ
रएंति, १ एग भगवओ तित्थगरस्स, २ एगं गणहराणं, ३ एग अवसेसाणं अणगाराणं । १३१ तए णं से सक्के देविंदे देवराया आभिओगे देवे सद्दावेइ, सहावित्ता एवं वयासी
"खिप्पामेव भो देवाणुप्पिया! खीरोदगसमुद्दाओ खीरोदगं साहरह।" तए णं ते आभिओगा देवा खीरोदगसमुद्दाओ खीरोदगं साहरंति । तए णं से सक्के देविदे देवराया तित्थगरसरीरगं खीरोदगेणं पहाणेइ, हाणित्ता सरसेणं गोसीस-वर-चंदणेणं अणुलिपइ, अणुलिंपित्ता हंसलक्खणं पडसाडयं णियंसई, णियंसइत्ता सव्वालंकार-विभूसियं करेइ । तए णं ते भवणवइ - जाव - बेमाणिया गणहर-सरीरगाइं अणगार-सरीरगाई पि खीरोदगेणं व्हावेति, पहावित्ता सरसेणं गोसीस
वर-चंदणेणं अणुलिपंति अणुलिंपित्ता अहयाई दिव्वाइं देवदूसजुयलाई णियंसेंति, णियंसित्ता सव्वालंकारविभूसियाई करेंति । १३२ तए णं से सक्के देविंदे देवराया ते बहवे भवणवइ - जाव - वेमाणिए देवे एवं बयासी
"खिप्पामेव भो देवाणुप्पिया! ईहामिग-उसभ-तुरय- जाव -वणलय-भत्तिचित्ताओ तओ सिवियाओ विउव्वह, "१ एगं भगवओ तित्थगरस्स, २ एगं गणहराणं, ३ एग अवसेसाणं अणगाराणं ।" तए णं ते बहवे भवणवई-जाव-वेमाणिया तओ सिवियाओ विउब्वंति१ एगं भगवओ तित्थगरस्स, २ एगं गणहराणं, ३ एगं अवसेसाणं अणगाराणं ।।
१३३ तए णं से सक्के देविंदे देवराया विमणे णिराणंदे अंसुपुण्ण-जयणे भगवओ तित्थगरस्स विणट्ट-जम्म-जरा-मरणस्स सरीरगं
सीयं आरुहेइ, आरुहिता चिइगाए ठवेइ । तए णं ते बहवे भवणवइ-जाव -वेमाणिया देवा गणहराणं, अणगाराण य विणट्ठ-जम्म-जरा-मरणाणं सरीरगाइं सीयं
आरहेंति, आरुहित्ता चिइगाए ठवेंति । १३४ तए णं से सक्के देविंदे देवराया अग्गिकुमारे देवे सद्दावेइ, सद्दावित्ता एवं वयासी
"खिप्पामेव भो देवाणुप्पिया ! तित्थगरचिइगाए- जाच -अणगारचिइगाए अगणिकायं विउव्वह, विउव्वित्ता एयमाणत्तियं
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |