Page Text
________________
धम्मकहाणुओगे पढमखंधे
ईसाणाइ-कय-तित्थयराभिसेओ
९७ एवं जहा अच्चुयस्स तहा - जाव - ईसाणस्स भाणियव्वं ।
९८ एवं भवणवइ-वाणमन्तर-जोइसिया य सूरपज्जवसाणा सएणं परिवारेणं पत्तेयं पत्तेयं अभिसिंचंति ।
९९ तए णं से ईसाणे देविदे देवराया पंच ईसाणे विउम्वइ, विउम्वित्ता--
एगे ईसाणे भगवं तित्ययरं करयल-संपुडेणं गिम्हइ, गिहित्ता सोहासगवरगए पुरत्याभिमुहे सण्णिसण्णे । एगे ईसाणे पिट्ठओ आयवत्तं घरेइ । दुवे ईसाणा उभओ पासिं चामरुक्खेवं करेन्ति । एगे ईसाणे पुरओ सूलपाणी चिट्ठइ ।
देविदसक्क-कय-तित्थयराभिसेओ
१०० तए पं से सरके देविन्दे देवराया अभिओगे देवे सदावेइ, सहाविता एसो वि तह चेव अभिसेयाणत्तिं देइ तेऽवि तह चेव
उवणेन्ति ।
१०१ तए णं से सक्के देविन्दे देवराया भगवओ तित्थयरस्स चउद्दिसि चत्तारि धवल-वसभे विउग्धेइ सेए संखदल-विमल-णिम्मल
दधि-घण-गोखीर-फेण-रययणिगर-प्पगासे पासाईए दरिसणिज्जे अभिरुवे पडिरूवे । तए णं तेसि चउण्हं धवल-वसभाणं अहिं सिंहितो अट्ठ तोअधाराओ णिगच्छंति। तए गं ताओ अट्ठ तोयधाराओ उड्ढ वेहासं उप्पपन्ति, उप्पित्ता एगओ मिलायन्ति, मिलाइत्ता भगवओ तित्थयरस्स मुद्धाणंसि णिवयंति ।
१०२ तए णं से सक्के देविन्दे देवराया चउरासीईए सामाणियसाहस्सोहि एपस्स वि तहेव अभिसेओ भाणियब्बो - जाव - णमोऽत्यु ते अरहओ त्ति कट्ट वन्दइ णमंसइ - जाव - पज्जवासइ ।
जंबु० व० ५, सु० १२२ ।
१०३ तए णं से सक्के देविंद देवराया पंच सक्के विउम्बइ, विउविसा
एगे सक्के भयवं तित्ययरं करयलसंपुडेणं गिव्हह । एगे सक्के पिट्ठओ आयवत्तं घरेइ । दुवे सक्का उभओ पासिं चामरक्खेंवं करेंति । एगे सक्के वज्जपाणी पुरओ पकड्ढइ ।
१०४ तए णं से सक्के चउरासीईए सामाणियसाहस्सोहिं-जाव -अण्णेहि य भवणवइ-वाणमंतर-जोइस-वेमाणिएहिं देवेहिं देवीहि य सद्धि
संपरिवडे सब्बिड्डीए - जाव - णाइयरवेणं ताए उक्किट्ठाए जेणेव भगवओ तित्थयरस्स जम्मण-णयरे जेणेव जम्मण-भवणे जेगेव तित्थयरमाया तेणेव उवागच्छइ उवागच्छित्ता भगवं तित्थयरं माऊए पासे ठवेइ, ठवित्ता तित्थयरपडिरूवगं पडिसाहरइ, पडिसाहरित्ता ओसोवणिं पडिसाहरइ, पडिसाहरिता एगं महं खोमजुअलं कुंडलजुअलं च भगवओ तित्थयरस्स उस्सीसगमले ठवेइ, ठवित्ता एगं महं सिरिदामगंडं तवणिज्जलंबूसगं सुवष्णपयरगमंडियं णाणामणि-रयण-विविह-हारद्धहार-उवसोहियसमुदयं भगवनो तित्थयरस्स उल्लोयंसि णिक्खिवह। तष्णं भगवं तित्थयरे अणिमिसाए विट्ठीए देहमाणे देहमाणे सुहंसुहेणं अभिरममाणे अभिरममाणे चिट्ठ ।
१.५ तए णं से सक्के देविदे देवराया बेसमणं देवं सहावेह, सद्दावित्ता एवं बयासी -
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |