Page Text
________________
धम्मकहाणुओगे पढमखंधे अच्चुय-देविद-कय-तित्थयराभिसेओ ८० तए णं से अच्चुए देविन्दे देवराया महं देवाहिवे आभिओगे देवे सद्दावेइ, सद्दावित्ता एवं वयासी
"खिप्यामेव भो देवाणुप्पिया ! महत्यं महग्धं महरिहं विउलं तित्थयराभिसेयं उवट्ठवेह ।"
८१ तर णं ते आभिओगा देवा हट्ठतुट्ठ-जाव-पडिसुणिता उत्तरपुरथिमं दिसीभागं अवक्कमन्ति, अवक्कमित्ता वेउब्वियसम
ग्धाएणं-जाव-समोहणित्ता अट्ठसहस्सं सोवण्णियकलसाणं । एवं रुप्पमयाणं मणिमयाणं सुवण्णरुप्पमयाणं सुवण्णमणिमयाणं रुप्पमणिमयाणं सुवण्णरुप्पमणिमयाणं, अट्ठसहस्सं भोमिज्जाणं, अट्ठसहस्सं चन्दणकलसाणं । एवं भिगाराणं आयंसाणं थालाणं पाईणं सुपइगाणं चित्ताणं रयणकरंडगाणं वायकरगाणं पुष्फचंगेरोणं एवं जहा सूरिआभस्स सव्व चंगेरिओ सव्व पडलगाइं विसेसियतराई भाणियव्वाई।
सीहासण-छत्त-चामर-तेल्लसमुग्ग-जाव-सरिसवसमुग्गा तालियंटा-जाव-अट्ठसहस्सं कडुच्छुगाणं विउव्वंति विउम्बित्ता साहाविए वे उव्विए य कलसे- जाव -कडुच्छुए य गिण्हिता जेणेव खीरोदए समुद्दे तेणेव आगम्म खीरोदगं गिण्हन्ति, गिण्हित्ता जाई तत्थ उप्पलाई पउमाई- जाव -सहस्सपत्ताई ताई गिण्हंति । एवं पुक्खरोदाओ-जाव-भरहेरवयाणं मागहाइतित्थाणं उदगं मट्टियं च गिण्हन्ति ।। एवं गंगाईगं महाणईणं-जाव-चुल्लहिमवन्ताओ सव्वतुवरे सव्वपुप्फे सव्वगंधे सव्वमल्ले-जाव-सव्वोसहीओ सिद्धत्थए य गिहिन्ति, गिहिता पउमद्दहाओ दहोदगं उप्पलाईणि य ।
८२ एवं सबकुल-पधएमु वट्टवेयड्ढेसु सम्बमहद्दहेसु सव्ववासेसु सव्वचक्कवट्टिविजएसु वक्खार-पव्वएसु अंतरण ईसु
विभासिज्जा-जाव-उत्तरकुरूसु-जाव-सुदंसण-भद्दसालवणे सव्वतुवरे-जाव-सिद्धत्थए य गिण्हन्ति ।
८३ एवं गंदणवणाओ सव्वतुवरे -जाव- सिद्धत्थए य सरसं गोसीसचन्दणं दिव्वं च सुमणदामं गेहंति ।
एवं सोमणस-पंडगवणाओ य सव्वतुवरे -जाव- सुमणदामं दद्दर-मलय-सुगन्धे य गिण्हंति गिण्हित्ता एगओ मिलंति, मिलित्ता जेणेव सामी तेणेव उवागच्छन्ति उवागच्छित्ता महत्थं-जाव-तित्थयराभिसेयं उवट्ठवेंति त्ति ।
जंबु० व० ५, सु० १२० ।
८४ तए णं से अच्चुए देविन्दे दसहि सामाणियसाहस्सीहि, तावत्तीसाए तायत्तीसएहि, चउहिं लोगपालेहि, तिहिं परिसाहिं, सत्तहिं
अणिएहिं, सत्तहिं अणियाहिवईहिं, चतालीसाए आयरक्खदेवसाहस्सीहिं सद्धिं संपरिवुडे तेहिं साभाविएहिं वेउब्विएहि य वरकमलपइट्ठाणेहिं सुरभिवरवारिपडिपुणेहि चन्दणकयचच्चाएहि आविद्धकण्ठेगुणेहिं पउमुप्पलपिहाणेहिं करयलसुकुमालपरिग्गहिएहिं अट्ठसहस्सेणं सोवणियाणं कलसाणं-जाव-अट्ठसहस्सेणं भोमेज्जाणं-जाव-सब्बोदएहिं सवमट्टियाहिं सव्वतुवरेहिं-जाव-सव्वोसहि-सिद्धत्यएहिं सविड्ढीए-जाव- रवेणं महया महया तित्थयराभिसेएणं अभिसिचइ ।
८५ तए णं सामिस्स महया महया अभिसेयंसि वट्टमाणंसि इंदाइया देवा छत्त-चामर-धूव-कडुच्छुअ-पुप्फ-गांध-जाव-कलस
हत्थगया हट्ठतुट्ठ-जाव-वज्जसूलपाणी पुरओ चिट्ठति पंजलिउडा इति। एवं विजयाणुसारेण -जाव-अप्पेगइया देवा आसियसंमज्जिओवलित्तसित्तसुइसम्मट्ठरत्यंतरावणवीहियं करेन्ति-जाव-गन्धवटि भूयं ति । अप्पेगइया हिरण्णवासं वासिंति । एवं सुवण्ण-रयण-वइर-आभरण-पत्त-पुप्फ-फल-बीय-मल्ल-गन्ध-वण्ण जाव चुण्णवासं वासंति । अप्पेगइया हिरण्णविहिं भाइंति । एवं-जाव-चुण्णविहिं भाइंति ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |