Page Text
________________
उसहचरियं
एवं दाहिणपुरथिमेणं अभिंतरपरिसाए दुवालसण्हं देवसाहस्सीणं, दाहिणेणं मज्झिमाए चउदसण्हं देवसाहस्सीणं, दाहिजपच्चत्थिमेणं बाहिरपरिसाए सोलसण्हं देवसाहस्सीणं पच्चत्थिमेणं सत्तण्ह अणियाहिबईणं ति । तए णं तस्स सोहासणस्स चउद्दिसि चउण्हं चउरासीणं आयरक्खदेवसाहस्सीणं । एवमाई विभासियव्वं सूरियाभगमेणं-जाव-पच्चप्पिणन्ति ति।
जंबु० व० ५, सु० ११६ ।
५६ तए णं से सक्के - जाव - हट्ठ-हियए दिव्वं जिणेदाभिगमग-जुग्गं सव्वालंकार-विभूसिय उत्तरवेउब्वियं रूवं विउव्वइ,
विउव्वित्ता अहिं अग्गमहिसीहिं सपरिवाराहि गट्टाणीएणं गन्धव्वाणीएण य सद्धिं तं विमाणं अणुप्पयाहिणीकरेमाणे अणुप्पयाहिणीकरेमाणे पुबिल्लेणं तिसोवाणेणं दुरूहइ, दुरूहिता-जाव-सीहासगंसि पुरत्याभिमुहे सण्णिसण्णे त्ति ।
५७ एवं चेव सामाणिया वि उत्तरेणं तिसोवाणेणं दुरूहइ दुरूहित्ता पत्तेयं पत्तेयं पुटबग्णत्थेसु भद्दासणेसु णिसीयंति ।
अवसेसा य देवा देवीओ य दाहिणिल्लेणं तिसोवाणेणं दुरूहइ दुहिता तहेव -जाव- णिसीयंति ।
५८ तए णं तस्स सक्कस्स तंसि दुरूढस्स इमे अट्ठमंगलगा पुरओ अहाणुपुव्वीए संपट्ठिया।
५९ तयणंतरं च णं पुग्णकलसभिगारं दिवा य छत्तपडागा सवामरा य सण-रइय-आलोय-दरिसणिज्जा वाउयविजयवेजयन्ती
य समूसिया गगणतलमणुलिहंति पुरओ अहाणुपुटवीए संपट्ठिया।
६० तयणन्तरं च णं छत्तभिंगारं ।
६१ तयणतरं च णं वइरामयवट्ट-लट्ठ-संठिय-सुसिलिट्ठ-परिघट्ट-पट्ट-सुपइट्ठिए विसिट्ठे अणेगवरपंचवण्णकुडभी-सहस्स-परिमण्डि
याभिरामे वाउद्धृय-विजय-वेजयन्ती-पडागा-छत्ताइच्छत्त-कलिए तुंगे गयण-तलमणुलिहंत-सिहरे जोयण-सहस्समूसिए महइमहालए महिंदज्झए पुरओ अहाणुपुब्बीए संपट्ठिए त्ति।
६२ तयणन्तरं च णं सरूव-णेवत्थ-परियच्छिय-सुसज्जा सव्वालंकारविभूसिया पंच अणिया पंच अणियाहिवइणो -जाव- संपट्ठिया ।
६३ तयणन्तरं च णं बहवे आभिओगिया देवा य देवीओ य सएहि सहि रूवेहि- जाव -णिओगेहि सक्क देविदं देवरायं पुरओ
य मग्गओ य पासओ अ अहाणुपुव्वीए संपलिए त्ति । तयणन्तरं च णं बहवे सोहम्मकप्पवासी देवा य देवीओ य सब्विड्ढीए-जाव-दुरूढा समाणा मग्गओ य - जाव - संपट्टिया।
६४ तए णं से सक्के तेणं पंचाणियपरिक्खित्तेणं-जाव-महिंदज्झएणं पुरओ पकड्ढिज्जमाणेणं चउरासीए सामाणिय-जाव
परिवुड़े । सब्बिड्ढोए-जाव-रवेणं सोहम्मस्स कप्पस्स मज्झं मज्झेणं तं दिव्वं देविडिढी-जाव-उवदंसेमाणे उवदंसेमाणे जेणेव सोहम्मस्स कप्पस्स उत्तरिल्ले निज्जाणमग्गे तेणेव उवागच्छइ, उवागच्छित्ता जोयणसयसाहस्सिएहि विग्गहेहि ओवयमाणे ओवयमाणे ताए उक्किट्ठाए -जाव- देवगईए वीईवयमाणे बीईवयमाणे तिरियमसंखिज्जाणं दीवसमुद्दाणं मज्सं मझेणं जेणेव णंदीसरवरे दीवे जेणेव दाहिणपुरथिमिल्ले रइकरग-पव्वए तेणेव उवागच्छइ, उवागच्छित्ता एवं जा चेव सूरियाभस्स वत्तब्वया । णवरं सक्काहिगारो वत्तन्वो -जाव- तं दिव्वं देविड्ढिं -जाव- दिव्वं जाणविमाणं पडिसाहरमाणे पडिसाहरमाणे -जाव- जेणेव भगवओ तित्थयरस्स जम्मण-णगरे जेणेव भगवओ तित्थयरस्स जम्मण-भवणे तेणेव उवागच्छइ, उवागच्छित्ता भगवओ तित्थयरस्स जम्मण-भवणं तेणं दिव्वेणं जाणविमाणेणं तिक्खुत्तो आयाहिणं पयाहिणं करेइ, करित्ता भगवओ.तित्थयरस्स जम्मणभवणस्स उत्तर-पुरथिमे दिसीभागे चउरंगुलमसंपत्तं धरणियले तं दिव्वं जाणविमाणं ठवेइ ठवित्ता अहि अग्गमहिसोहिं दोहिं अणीएहि गन्धवाणीएण य णट्टाणीएण य सद्धि ताओ दिव्याओ जाणविमाणाओ पुरथिमिल्लेणं तिसोवाणपडिरूवएणं पच्चोरुहइ ।
Jain Education International
For Private & Personal Use Only
www.jainelibrary.org
| SR No. | 001954 |
| Book Title | Dhammakahanuogo |
| Original Sutra Author | N/A |
| Author | Kanhaiyalal Maharaj, Dalsukh Malvania |
| Publisher | Agam Anuyog Prakashan |
| Publication Year | |
| Total Pages | 810 |
| Language | Prakrit |
| Classification | Book_Devnagari, Agam, Canon, Story, Literature, & agam_related_other_literature |
| File Size | 20 MB |