________________
१९२
परिशिष्ट १
बज्झदि कम्मं जेण दु चेदणभावेण भावबंधो सो। कम्मादपदेसाणं अण्णोण्णपवेसणं इदरो॥३२॥ पयडिटिदिअणुभागप्पदेसभेदादु चदुविधो बंधो। जोगा पयडिपदेसा ठिदिअणुभागा कसायदो होंति ॥ ३३ ॥ चेदणपरिणामो जो कम्मस्सासवणिरोहणे हेदू । सो भावसंवरो खलु दव्वासवरोहणे अण्णो ॥ ३४ ॥ वदसमिदीगुत्तीओ धम्माणुपेहा परीसहजओ य। चारित्तं बहुभेया णायव्वा भावसंवरविसेसा ॥ ३५ ॥ जह कालेण तवेण य भुत्तरसं कम्मपुग्गलं जेण । भावेण सडदि णेया तस्सडणं चेदि णिज्जरा दुविहा ॥ ३६॥ सव्वस्स कम्मणो जो खयहेदू अप्पणो हु परिणामो।
यो स भावमुक्खो दव्वविमुक्खो य कम्मपुहभावो ॥ ३७॥ सुहअसुहभावजुत्ता पुण्णं पावं हवंति खल जीवा। सादं सुहाउ णामं गोदं पुण्णं पराणि पावं च ॥ ३८॥ सम्मइंसणणाणं चरणं मुक्खस्स कारणं जाणे । ववहारा णिच्छयदो तत्तियमइओ जिओ अप्पा ॥ ३९ ॥ रयणत्तयं ण वट्टइ अप्पागं मुइत्तु अण्णदवियम्हि । तम्हा तत्तियमइ होवि हु मुक्खस्स कारणं आदा ।। ४० ।। जीवादीसद्दहणं सम्मत्तं रूवमप्पणो तं तु।। दुरभिणिवेसविमुक्कं गाणं सम्म खु होदि सदि जम्हि ॥ ४१॥ संसयविमोहविन्भमविवज्जियं अप्पपरसरुवस्स। गहणं सम्मण्णाणं सायारमणेयभेयं तु ॥ ४२ ॥ जं सामण्णं गहणं भावाणं णेव कटुमायारं। अविसेसिदण अढे दंसणमिदि भण्णए समए ॥ ४३ ॥ दसणपुव्वं गाणं छदमत्थाणं ण दोण्णि उवउग्गा। जुगवं जम्हा केवलि-णाहे जुगवं तु ते दोवि ॥ ४४ ॥ असुहादो विणिवित्ती सुहे पवित्ती य जाण चारित्तं । वदसमिदिगुत्तिरूवं ववहारणया दु जिणभणियं ॥ ४५ ॥ बहिरभंतर किरियारोहो भवकारणप्पणासढें। णाणिस्स जं जिणुत्तं तं परमं सम्मचारित्तं ॥ ४६ ॥ दुविहं पि मुक्खहेउं ज्झाणे पाउणदि जं मुणी णियमा। तम्हा पयत्तचित्ता जूयं ज्झाणं समन्भसह ॥ ४७॥
Jain Education International
For Private & Personal Use Only
www.jainelibrary.org
