________________
बृहद्रव्यसंग्रह सद्दो बंधो सुहुमो थूलो संठाणभेदतमछाया । उज्जोदादवसहिया पुग्गलदव्वस्स पज्जाया ॥ १६ ॥ गइपरिणयाण धम्मो पुग्गलजीवाण गमणसहयारी। तोयं जह मच्छाणं अच्छंता व सो णेई ।। १७ ॥ ठाणजुदाण अधम्मो पुग्गलजीवाण ठाणसहयारी। छाया जह पहियाणं गच्छंता व सो धरई ॥ १८ ॥ अवगासदाणजोग्गं जीवादीणं वियाण आयासं। जेण्हं लोगागासं अल्लोगागासमिदि दुविहं ।। १९ ॥ धम्माऽधम्मा कालो पुग्गलजीवा य संति जावदिये। आयासे सो लोगो तत्तो परदो अलोगुत्तो ॥ २० ॥ दव्वपरिवरूवो जो सो कालो हवेइ ववहारो। परिणामादीलक्खो वट्टणलक्खो य परमट्ठो ॥ २१ ॥ लोयायासपदेसे इक्किक्के जे ठिया हु इक्किक्का। रयणाणं रासी इव ते कालाणू असंखदव्वाणि ॥ २२ ॥ एवं छन्भेयमिदं जीवाजीवप्पभेददो दव्वं । उत्तं कालविजुत्तं णादव्वा पंच अत्थिकाया दु ।। २३ ।। संति जदो तेणेदे अत्थीत्ति भणंति जिणवरा जम्हा । काया इव बहुदेसा तम्हा काया य अत्थिकाया य ॥ २४ ॥ होंति असंखा जीवे धम्माधम्मे अणंत आयासे । मुत्ते तिविह पदेसा कालस्सेगो ण तेण सो काओ ।। २५ ॥ एयपदेसो वि अणू णाणाखंधप्पदेसदो होदि । बहुदेसो उवयारा तेण य काओ भणंति सव्वण्हु ॥ २६ ॥ जावदियं आयासं अविभागीपुग्गलाणुउदृद्धं । तं खु पदेसं जाणे सव्वाणुट्ठाणदाणरिहं ।। २७ ।। आसव बंधण संवर णिज्जर मोक्खो सपृण्णपावा जे। जीवाजीवविसेसा ते वि समासेण पभणामो ॥ २८॥ आसवदि जेण कम्मं परिणामेणप्पणो स विष्णेओ। भावासवो जिणुत्तो कम्मासवणं परो होदि ।। २९ ।। मिच्छत्ताविरदिपमादजोगकोधादओऽथ विणेया । पण पण पणदस तिय चदु कमसो भेदा दु पुवस्स ।। ३०॥ णाणावरणादोणं जोरगं जं पुग्गलं समासवदि । दव्वासवो स ओ अणेयभेओ जिणक्खादो ॥ ३१ ॥
Jain Education International
For Private & Personal Use Only
www.jainelibrary.org
