________________
द्वितीयोऽङ्कः ।
श्रियो नाशं यांतु व्रजतु निधनं गोत्रमखिलं शिरश्छेदो वास्तु प्रभवतु समंताद्विपदपि ।
विवेकार्कज्योतिर्विघटितमहामोह तमसः
प्रतिज्ञातादर्थात्तदपि न चलंत्येव कृतिनः ॥ ३ ॥ तदलमनया पूर्वकृतमीमांसया । प्रगुणय कनकलक्षम् । इदानीं
समायाति कुलपतिः ।
(नेपथ्ये ) इतः इतः ।
राजा - अमात्य समायात एव तापसः । तदुपनय सत्वरं कनकम् ।
वसुभूतिः -- ( कुंतलस्य कर्णे ) एवमेव ।
( एष समायातोऽस्मीत्यभिधाय कुंतलो निष्क्रांतः ) (ततः प्रविशति कुलपतिरंगारमुखश्च ) कुलपतिः - (साश्चर्यम् ) अंगारमुख वचसामगोचरं किमप्यस्य त्रैशंकवस्य सत्त्वम् ।
अंगारमुखः - - किं कदापि कमप्यनुचितमुपस्तौति । इंद्रो वा स्तोष्यति ।
कुलपतिः - ज्ञास्यामि यद्यतः परमपि सत्त्वमेवमस्य भविष्यति । राजा - ( सरभसम् ) स्वागतं महर्षे । कोऽत्र भो आसनमासनम् । कुलपतिः - अलमासनेन । आकर्णय किमपि ।
राजा - आदिशतु कुलपतिः ।
कुलपतिः
कृशानुसेवा फलकंदवर्तनं
जटाधरत्वं वनवासिनां व्रतम् ।
महीपतीनामिदमेव तु व्रतं
१३
यदात्मसत्यात्प्रलयेऽपि न च्युतिः ॥ ४ ॥
राजा - ततः किम् । कुलपतिः-
Jain Education International
वनांतरात्प्रातरुपेत्य ते पुरीं पुरोवतीर्णे मयि योगिनां वरे ।
For Private & Personal Use Only
www.jainelibrary.org
