Page Text
________________
२९४,
वसुदेवहिंडीए
[ काम पडागा संबंधे सामिदत्त - निराभरणरूवो । तं च राया दट्ठूण उलुग्गाभरणसिरओ चिंतेति - किं नु हु कुमारो लुग्गसरीरो' अतीव चिंतावरो य दीसइ ? त्ति । पुच्छइ य राया कुमारस्स परियणंकस्साssभरणाणि कुमारेणं दिण्णाणि ? त्ति । तेहिं भणियं - कामपडायाइ ति आभरणाणि छत्तं चामराओ य दत्ताणि । कामपडागा य सबपयत्तेण जिणवरिंदाणं महिमं 5 करेइ | चारुचंदो वि य कुमारो केवलमेत्तं भमुहा य फंदेह |
न वि न्हाण-गंध-मलं, न य भोयणं च आसण-सयणं । इच्छइ भइ य मायं करेहि महिमं जिणवराणं ॥
ततो 'होउ 'त्ति देवीए भणियं । तं च राया सोऊण लवइ देविं - कासवकुलं वढेइ चारुचंदोति । देवीए लवियं - अणंग सेणाए ति । सा य अणंग सेणा रायसमीवे चेव । 10 ततो राया अणंग सेणं पुच्छइ- अणंग सेणे ! किं कामपडाया साविय ? त्ति । ततो अनंग सेणाए लवियं - सुणह सामि ! जो अत्थ परमत्थो—
सामदत्त संबंधो
1
सामि ! इहं चंदणपुरवाणियओ पाउसकाले य विदेसो आगतो सामिदत्तोति नामेण अरहंतसासणरओ । कामपडायाए य सो अभिरुइओ हियए से अभिरमइ । ममं च णाए 15 कहियं । मए य सो घेत्तृण घरमाणीओ 'दारियं से कामपडायं दाहामि त्ति । तेण य [C] इच्छिया । ततो 'से पायसोयं आसण- भोयण- पूयं च काहामो' त्ति कडयं पि नेच्छइ 'पोसहिओ 'त्ति काऊण । ततो णं अम्हेहिं पुच्छामो धम्मं । ततो सो अहं अणगारधम्मं सावयधम्मं च साहेइ । भणइ य
वाणं गुण-दोसा
20
वाणरसीए नए अरहदासो नाम सत्थवाहो सावओ, भज्जा से जिणदासी, तीसे पुत्तो अहं सामिदत्तो नामं । मम य भज्जा मुणिदत्ता य । सदारसंतोसं च मे वयं गहियं, तं मुइत्ता नाहं अण्णाए समं वसामि । अणुबयाणं गुण-दोसे अम्हे कहेइ इमेपाणाइवायगुण-दोसे मम्मण- जमपासोदाहरणं
वाणरसीए चेव नयरीए दुमरिसणो नाम राया, सुमंजरी य से देवी | आरक्खिओ 25 जमदंडो चोरग्गाहो। तत्थ य जमपासो नाम मायंगो परिवसइ । नलदामो नाम वाणियओ, पुत्तो य से मम्मणो । तेहिं दोहिं वि अभयदिण्णो रण्णा रुरू दिट्ठो । मम्मणो पियरं भणइ — मारेहि । तेण निच्छियो मारेडं, सो वि य वारिओ मा मारेहिसि । तेण य तस्स पमत्तस्स मारिओ । दिट्ठो य पियरेण । ततो जमदंडेणं चोरग्गाहेणं गेहेत्ता रणो उवणीओ । रण्णा पुच्छिओ तुण्डिको अच्छइ । जमदंडेण पिया से सक्खी ओदिट्ठो । 30 तेण वाहरिउ [ पुच्छिओ कहेइ-सामी कयावराहो मे पुत्तो । ] रण्णा जमपासो मायंगो सहावेऊण भणितो - मम्मणं मारेहि । ततो भणइ मायंगो-सुणह सामि ! -
१ 'रो निच्छायसरीरो अतीव शां० विना ॥ २ एत्थ ली ३ शां० ॥
Jain Education International
For Private & Personal Use Only
www.jainelibrary.org
| SR No. | 001889 |
| Book Title | Vasudevhindi Part 2 |
| Original Sutra Author | Sanghdas Gani |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 1931 |
| Total Pages | 228 |
| Language | Sanskrit |
| Classification | Book_Devnagari, Story, & Literature |
| File Size | 12 MB |