________________
१६०
साहारणकइविरइया
[१०.११ नर-नाहु भणइ तुहुं पुत्त धन्न तुह सरिसु सुयणु को हवइ अन्न । उल्लविउ परिप्फुड तुम्हे एउ उल्लसइ कम्स एरिसु विवेउ ।
ता पुत्त एउ तइं किउ विसिठ्ठ जं पुणरवि हउँ जीवंतु दिछ । १० मुह-कमलु तुज्झ पेक्खेवि असेसु उत्तरिउ अज्ज महु संकलेसु ।
इय जंपेवि सो अवयासियउ पुणु सबहुमाणु संभासियउ । विविहासीसहि अहिणंदियउ नरवइ-लोएण य वंदियउ ।
तो तकखणे विमाणे उत्तिण्णिय वयणे खयर-रायहो । विलासवइ-देवि आणंदिय पाएहिं पडिय तायहो ॥ १० ॥
- [११] आलिंगिय अंसु-मुयंतरण आसासिय सा वि रुयति तेण । भणिया य पुत्ते तुहुँ एक्क धन्न सयमेव जेण सुपुरिसु पवन्न । चिरु नंदहि ता सरिसिय इमेण निय-कंते निय-पुण्णोयएण । तो दोहि वि सिंगारवइ-देवि पणमिय विणयंजलि सिरि करेवि । आसीस दिन खयराहिवस्स जीवहि अणेय वरिसहं सहस्स । पुणु सा विलासवइ कंठि लेवि बहु रोवइ सिंगारवइ देवि । पुत्तय अइ-
निठुर-हियय तं सि निय-जणणि चएविणु नट्ट जं सि । तुह वल्लह-नेह-परव्वसाए वच्छलिय-जणणि विसरिय माए ।
एरिस विहूइ संपडिय तुज्झ वत्तडिय न केण वि कहिय मज्झ । १० तुह फलिउ मणोरह गरुय रुक्खु अम्हेहिं वि सहिउ विओय-दुक्खु ।
अज्ज वि य आसि किंचि वि सुकिउ पर-लोइ पुत्त अम्हेहिं विहिउ । तें कंत-सहिय रिद्धिहिं कलिय चिरयालह तुहुं अम्हहं मिलिय ।
तो आसीस दिन निय-धूयहे पुत्तय होहि अविहवा । संपुण्णिय सउत्त सुलक्खण सुमणोरहि य सूहवा ॥११॥
[१०] १०. पु० मह . [११] २. ला० पुत्त ३. पु० नंदहो, ला० निय-कंति ५. ला० करि करेवि । ११. पु०
परलोए पुत्त अम्हेहि
Jain Education International
For Private & Personal Use Only
www.jainelibrary.org
