________________
६.६]
विलासवईकहा ५ तसु रेसिं सा किर मरु मरेइ सो पुण तहे कहई संवरेइ ।
एवं च परोप्पर दुहं वि ताण संगम-विओय-इच्छंतयाण । जिह रोज्झ-बलेदह धुरगयाण गउ को वि कालु तिह घरि ठियाण । अह अन्न-कालि कस्स वि मुहेण आयण्णिउं कामिय-पडणु तेण ।
तो निय-भज्जा-निव्वेय-जुत्तु इह सव्व-काम-पूरणे पहुत्तु । १० आरूहेवि सिहरे अइ-दुखिएण तो एरिसु किउ पणिहाणु तेण ।
मा जम्मंतरि वि मह भारिय होज्ज एह असुहत्थिय-कारिय । इय एरिसु पणिहाणु करेविणु भंजिउ तें अप्पाणु पडेविण ॥६॥
सो ताव मरिवि गउ निय-गईए एनहि एहु वइयरु मुणिउ तीए । तो गहिय गरुय-उव्वेव्वएण इह पडणि पहुत्तिय तक्खणेण । भत्तार-सिणेह-परव्वसाए
पणिहाणु वि एरिसु कियउ ताए । भो सिहर मणोरह-करण-सज्ज जम्मंतरि सो चिय कंतु देज्ज । ५ एरिसु भणेवि अप्पाणु मुक्कु तीए वि तहेव कयंतु दुक्कु ।
दोण्ह वि अन्नोन्न-विरुद्धयाण तक्कमि न मणोरह पुण्ण ताण : ता किं इह जुत्ति-विवज्जिएण निप्फल-अप्प-चह-कुचेट्टिएण ! साहेहि ताव तुह पिययमाए किह कइयह हुयउ विओठ ताए ।
तो कुमारु वि चिंतइ निय-चित्ति एहु नहयरु सुंदरु जंपइ ति । १० साहेमि ताव वइयरु इमस्स अक्खिउ अयगर-वित्तंतु तस्स ।
दिवसु तइज्जउं एयह वित्तह एउ दुक्खु न नियत्तइ चित्तह । तं निमुणेवि भणइ विज्जाहरु केत्तिय दूरे वित्तु एहु वइयरु ॥७॥
[६] ५. पु० पुण तह ६. पु. दुहुँ ७. पु०-बलेद्दहं धरिहियाण
___ ९. ला० -भज्जा य निव्वेय-, पु० काम-पूरण १२. ला ति . [७] १. ला० मरेवि ...एत्तहे २. ला० पडणे ३. ला० कियउं ६. पु० अण्णोभण्ण
९. पु० इह नहया १०. ला० वइयरमिमस्स १२. पु० दूरि वित्तु एह
Jain Education International
For Private & Personal Use Only
www.jainelibrary.org
