________________
साहारणकविरइया
[४.१० मच्छरसायणु मयरहिउ पावियपउमझायनिविद्वउ । गरुयउ नीरसु सत्त-धरु मुणि-वर-सरिसउ सायरु दिट्ठउ ॥८॥
[९] . तं च सुमहल्ल-कल्लोल-मालाउलं विउल-विलुलंत-संखउल-वेलाउलं । कहिं वि उदंड-डिंडीर-पंडुर-तडं कहि वि जुज्झंत-संघडिय-जलकरि-घडं। कहिं वि मुत्ताहलालुद्ध-जलमाणुसं कहिं वि गुरु-रोस-पमुक्क-विसहर-विसं । कहि वि परिहत्थ-मच्छेहिं उच्छालियं कहिं वि गुरु-मयर-कर घाय-अप्फालियं । कहिं वि आरत्त-दीसंत-वर-विद्रुमं कहिं वि लहरीहिं हल्लंत तीर-दुमं । कहिं वि उदंत-आवत्त-अइ-दग्गम कहिं वि अन्नोन्न-जल-वन्न-नइ-संगमं । कहिं वि जालावली-जलिय-वडवानलं कहिं वि बहु-रयण-किरणेहि रंजिय-जलं । एरिसं तीर-परिसंठिया सायरं गरुय अच्छरिय पेच्छामि रयणायरं।
अह मई दिट्ठ कुमार तहिं जलनिहि-जल-कल-कल्लोल-पणोल्लिय । १० कतिहिं ससहर-रेह-सम फलहय-लग्ग कन्न एकल्लिय ॥९॥
[१०]
एरिसु निसुणेवि पमोय-सारु चिंतइ निय-चित्ति सणंकुमारु । एह ताव मणोरह-पायवस्स दीसइ कुसुमुग्गमु मुह-फलस्स । तावसि कहेइ अच्छरिय-जुत्त हउं तीए पासि तक्खणे पहुत्त । दिट्ठिय सा कन्नय अइ-पहाण लायण्णे जाणिय जीवमाण । ५ सित्ता य कमंडलु-पाणिएण आसासिय तेण सुसीयलेण ।
उम्मेल्लिय लोयण-जुयल ताए उससिउ सरीरु ससज्झसाए। मई वृत्तिय वच्छे धीर होहि हउं तावसि मा तुहं भउ करेहि । तो नयणेहिं असुय मेल्लिऊण हउं पणमिय सविणउ उढिऊण ।
बइसिवि बहु खिज्जिउ चित्तएण मई तीए भाउ लक्खिउ मणेण । १० चितिउ इमाए मुसहावयाए भवियव्वु महाकुल-संभवाए ।
तो मई उवणीयइ वर-फलाइं कह कह वि तीए पडिगाहियाई। [८] १२. पु० संतवरु [९] २. ला० जुग्गंत. ५. पु०प्रत्याम् “ कहिं वि आरत्त... " त: प्रारभ्य
कडवक-१०, पंक्ति-६ पर्यन्त पाठः न विद्यते । [१०] ७. ला० भय ८. ला० मेल्लेऊण, पु० पणविय ९. ला० बइसवि
Jain Education International
For Private & Personal Use Only
www.jainelibrary.org
