________________
३४
साहारणकइविरइया
भुत्तुल्तर-कालम्मि सचिंति पुच्छिउ कुमरु मणोरहदन्ति । किं कारणु तुहुँ एक्क-सहाइउ एत्तिय दुरि कुमार पराइउ । बहुय वियप्प कुणइ अम्हहं मणु ता अक्खहि आगमण-पओयणु ।
कहिउ तेण रूसेविणु तायह चलिउ पासि हउं सिंहल-रायह । ५ सो माउकउ मज्झु ससिणेहउ मई तुहु कारणु साहिउ एहउ ।
ता महु एत्तिउ मित्त करेज्जहि पवहणु जंतु तेत्थु जोविजहि । जं आइसइ कुमार भणंति तं पडिवन्नु मणोरहदतिं । तो ससिणेह-सारु निवसंतहं को वि कालु वोलिउ कोलंतहं ।
अह सो निन्भर-पीइहिं पडियउ बहु-कालह कुमरह संघडियउ । १० सीहल-दीवि जंतु उवलक्खइ निच्चु वि वहणु न कुमरह अक्खइ ।
इय कोवि कालु वोलिउ तेण वि निम्भर-पीइ-लंघिएणं । निच्चं पि हु जंतु पवहणं कहिउ न कह वि विओय-भीरुएणं ॥४॥
तो जाणेविणु ऊमुय-चित्तउ कुमरु मणोरहदत्ते वुत्तउ । कि अवस्स तुम्हे जाएवउं पवहणु जेण जंतु जोएवउं । भणइ कुमरु महु अत्थि पओयणु तेण मित्त उत्तावलु महु मणु ।
सो जंपइ ता मज्म खमेज्जह किउ विघाउ जो तुम्हहं कज्जह । ५ जेण य विरह-दुक्ख-बीहंति किउ मई गमण-भंगु जाणंति ।
अन्नह निच्चु वि एत्थ महत्थई सीहल-दीवि जति बोहित्थई । सो जंपइ जइ एरिसु जोवहि अजं चेव मित्त पट्टावहि । होउ अविग्घु कुमार भणेविणु जोइउ जाणवत्तु जाएविणु ।
तो असेसु करणीउ करेविणु एत्वंतरि अप्पिउ छोडेविणु । १० भासुर-कंति पमाणिं गरुयउ पडउ कुमारह जणियच्छरियउ ।
अह ढोएवि तेण जंपियं कुमर सयल-रयणाण सोहणो ।
गेण्हाहि स-कोउगो इमो पडो नामेण य नयण-मोहणो ॥५॥ [७] १. ला० सचित्ति पु० सच्चित्ति २. पु० एकु बहाइड ६. पु० करेजहि, ला.
जोवेहि ९. ला0 कुमर १०. ला. सिंहलदीवि ११. पु० कोई वि। [५] १. ला० मणोरहदत्ति २. पु० तुम्हं...जोएव्वउ ३. पु० महुँ ५. ला० भीयंति...
मइ ९. पु० करउ करेविणु एत्यंतरे 10. पु. पड १२. पु. गिहाहि... पड ...
Jain Education International
For Private & Personal Use Only
www.jainelibrary.org
