________________
३. ७ ]
घिलासवईकहा
कुमरिं पुच्छिउ कोउगु केरिमु भणिउ मणोहरदत्ति एरिसु । एएण य पच्छाइय-गत्तउ पुरिसु न दीसइ जोइज्जतउ । तो कुमरिं तहेव विण्णासिउ तं कोउगु पेच्छेविणु हरिसिउ ।
सो पुच्छिउ अच्छरिय-समिद्धउ किह तई एहु मित्त पडु लद्धउ । ५ सो साहइ महु एत्थ-वसंतह आइउ आणंदउर-महंतह । सिद्धसेणु वर-सिद्ध पसिद्धउ ति सहुँ नेहु अम्हह संबद्धउ । अन्न-दिवसि सो गोटिहिं अच्छिउ तो मई कोउगेण सो पुच्छिउ । किं एउ सच्चउं मित्त सुणिज्जइ मंतेहिं जेण देउ वसि किज्जइ ।
तिं जंपिउ जो किरिय वियाणइ सत्तवंतु सो देवय आणइ । १० मई जंपिउ महु कोड्ड करावहि देवागमणु किंचि देक्खावहि ।
सो जंपइ थोवयं इमं कि पि वयंस मसाणे किज्जइ । सिद्धत्थाइहिं मंडलं उवगरणं पि य किं पि निज्जइ ॥६॥
मई भणिउं करेउ वयंसु सव्वु संपाडमि हउं उवगरणु दव्यु । सो जंपइ सामग्गिय करेहि सिद्धत्थ-कुसुम-गुग्गुलई लेहि । अन्नु वि जं जंपिउ कि पि तेण तं मई संपाडिउ तक्खणेण ।
पत्थंतरि तो अत्थमिउ सुरु वित्थरिउ महीयलि तिमिर-पूरु। ५ मंडल-उवगरण असेसु लेवि नयराउ विणिग्गय अम्हे दो वि ।
पत्ता य तत्थ भीसण-मसाणि । बहु-किलिकिलंत-वेयाल-ठाणि । डझंत-मडय-वित्थरिय-गंधि घुरुहुरिय घोर-सावय-पवंधि । भल्लउंकि-मुक्क-फेक्कार-सदि बहु-हड्ड-मुंड-रुंडहिं रउदि ।
तत्थेगदेसि मंडल विसालु आलिहिउ तेण हउं रक्खवालु । १० महु हत्थि समप्पिउ मंडलग्गु पज्जालिउ हुयवहु विहि-समग्र । [६] १. ला० भणिय ४. ला० अच्छिरिउ ५. पु० महं...वसंतहं ...महंतह ६. पु० ते
सह नेहु ७. ला० गोदिठं ८.ला० मुणिज्जइ १०. पु० महुँ ला० को ११. ला.
इमं किंतु, पु० किज्जए १२. ला० पु० निज्जए [0] १. ला० संपाड १. पु० एत्यंतरे, ला० महियले ५. पु०उवगरणु...नयरामओ.
६. ला० मसाणे...ठाणे ७. ला० गंधे....पर्वधे ८. ला० सद्दे ...रुडेहिं रठद्दे ९. पु० आलिहिउ झत्ति ह...
Jain Education International
For Private & Personal Use Only
www.jainelibrary.org
