________________
२. १४]
विलासवईकहा दुई-वयणेहिं य सुबहुयाइं पत्थंतहो तहो दिवसई गयाइं । ५ तसु चित्तु चहुट्टउ कहिं वि मोहि पर जंपइ तुहुं महु घरणि होहि । तं वयणु न मई पडिवन्नु जांव सयमेव अज्ज संपत्तु तांव । तो तहविहु देव अणिच्छमाणि हउं एव कयत्थिय विलवमाणि । तं निसुणिवि कुविय-नराहिवेण । अपियारिवि हउं आढन्तु तेण । रे रे विणयंधर पावयारु
कुल-फंसणु मारि सणंकुमारु। १० एहु संभविज्जइ दोसु तस्स अन्नह कह निग्गउ निय-घरस्स।
जइ मिट्ठइं सुर-वाणि-फलाई गोवालहं किं छुहंति ताई । मई भणिउं देउ जं आण वेइ तो पुणु वि नराहिवु इय भणेइ । तिह तुहं मारेज्जहि जिह न कोइ उवलक्खइ जिह न वि समरु होइ ।
मई चिंतिउ दारुणे हउँ निउत्तु सो सुपुरिसु न वि मारणहं जुत्तु । १५ एवंफल होइ नरिंद-सेव धन्ना पुण होंति जणा त एव ।
छड्डे विणु पुर-घर-परियणाई सेवंति य निढुज्जण-वणाई । हा किं कायव्वउं एत्थु मई को उवाउ किह पावियइ । सव्वं चिय सोहणु ता हवइ जइ न कुमरु वावाइयइ ॥१३ ॥
[११] एत्तहि तुहुं कुमर अमारणिज्जु एत्तहि आएसु अलंघणिज्जु । एक्कहिं दिसि अच्छइ तडु विसालु अन्नहिं वि वग्घु दाढा-करालु । इय संकड-वडिउ विचिंतयतु नीसरिउ राय-भवणह तुरंतु ।
संपत्तउ सीह-दुवार देसि छिक्किउ केण वि तोरण-पएसि । ५ तो जांव विलंबिउ असउणेण ता भणिउ सिद्ध-नेमित्तिएण ।
भो भो विणयंधर भद्द जाहि जं किंचि पोयणु सिग्घु साहि । सत्तमिय छिक्क एह सोम नाम आरोग्ग महाफल होइ ताम । होसइ आरोग्ग-महाफला य तह चेव अत्थ-लाभोत्तरा य ।
इय साहिय छिक्क रिसीहिं जेण अट्ठसु वि दिसासु पयाहिणेण । १० पडिसेहु अनिव्वुइ हाणि विद्धि खउ अंतरु खेमु तहेव रिद्धि । [१३] ५. ला० चहुदटू, पु० महुं घरिणि ८. ला. निसुणवि १५. ला० हुति १७. पु०
पांवियई [१४] १. ला० एत्तहे ५. ला. विलंबिय
Jain Education International
For Private & Personal Use Only
www.jainelibrary.org
