________________
२२
— कुमारपालप्रतिबोधे
[प्रथमः
गुज्जर-विसयं मुत्तुं मा कुणसु विहारमन्न-देसेसु । काहिसि परोवयारं जेणित्थ ठिओ तुमं गरुयं ॥ तो तीए वयणेणं देसंतर-विहरणाउ विणियत्तो। चिट्ठइ इहेव एसो पडिबोहंतो भविय-वग्गं ॥ बुह-यण-चूडामणिणो भुवण-पसिद्धस्स सिद्धरायस्स । संसय-पएसु सव्वेसु पुच्छणिज्जो इमो जाओ। एअस्स देसणं निसुणिऊण मिच्छत्त-मोहिय-मई। विजयसिंहो निवो जाओ जिणिंद-धम्माणुरत्त-मणो ॥ तत्तो तेणित्थ पुरे राय-विहारो कराविओ रम्मो । चउ-जिणपडिम-समिडो सिद्धविहारो य सिद्धिपुरे ॥ जयसिंहदेव-वयणा निम्मियं सिद्धहेम-वागरणं । नीसेस-सह-लक्खण-निहाणमिमिणा मुणिंदेण ॥ अमओ-वमेय-वाणी-विसालमेयं अ पिच्छमाणस्स। आसि खणं पि न तित्ती चित्ते जयसिंहदेवस्स॥ तो जइ तुमं पि वंछसि धम्म-सख्वं जहट्टियं नाउं । तो मुणिपुंगव-मेयं पुच्छसु होऊण भत्ति-परो । इय सम्मं धम्म-सरुव-साहगो साहिओ अमचेणं । तो हेमचंदसूरि कुमर-नरिंदो नमइ निचं ॥ सम्मं धम्म-सरूवं तस्स समीवंमि पुच्छए राया। मुणिय-सयलागमत्थो मुणि-नाहो जंपए एवं ॥
हेमचन्द्रसूरेः कुमारपालं प्रति सद्बोधः । भव-सिंधु-तरी-तुल्लं महल्ल-कल्लाण-वल्लि-जलकुलं । कय-सयल-मुह-समुदा जीवयं चिय मुणसु धम्मं ॥
आउं दीहमरोगमंगमसमं एवं पगिहें बलं, __ सोहग्गं ति जगुत्तमं निरुवमो भोगो जसो निम्मलो। आएसेक-परायणो परियणो लच्छी अविच्छेइणी,
होजा तस्स भवंतरे कुणइ जो जीवाणुकंपं नरो॥ नरयपुर-सरल-सरणी अवाय-संघाय-वग्घ-वण-धरणी। नीसेस-दुक्ख-जणणी हींसा जीवाण सुह-हणणी ॥
Jain Education International
For Private & Personal Use Only
www.jainelibrary.org|
