________________
प्रस्तावः]
हेमचन्द्रजन्मादिवर्णनम् । इय तस्स जम्म-दियहे जायाई दिसा-सुहाइं विमलाई । देव-गुरु-वंदणेण धम्मत्थीणं मणाई व ॥ हरिस-जणणो जणाणं सुयणो व्व समीरणो समुल्लसिओ। रय-पसमणं निवडियं गुरूण वयणं व गंधजलं ॥ भवणम्मि कुसुम-चुट्ठी सुसामि-तुहि व्व सेवए जाया । कव्व-गुणो व्व सहियए फुरिओ गयणमि तूर-रवो ॥ एसो परिओस-करो बालत्तणओ वि अमय-घडिओ व्व। रयणं व कराओ करं संचरिओ सयल-लोयस्स ॥ संपइ इमस्स चित्तं न रमइ अन्नत्थ वजिउं धम्मं । माणस-सरंमि सुतुं हंसस्स व पल्लल-जलेसु॥ गुरुणा वुत्तं जुत्तं जं कुणइ इमो चरित्त-पडिवत्तिं । जेण सो परमत्थो जणणी-दिहस्स सुविणस्स ॥ गहिऊण वयं अवगाहिऊण नीसेस-सत्थ-परमत्थं । तित्थकरो व्व एसो जणस्स उवयारओ होही ॥ तत्तो इमस्स जणयं चचं नामेण भणह तो तुब्भे। जह चंगदेवमेयं वय-गहणत्थं विसज्जेइ ॥ सो बहु-सिणेह-जुत्तो बहुं पि भणिओ विसज्जइ न पुत्तं । तत्तो पुत्तो वि दढं कउज्जमो संजम-ग्गहणे ॥ माउलय-अणुमयं गिण्हिऊण ठाणंतरम्मि संचलिओ। गुण-गुरुणा सह गुरुणा संपत्तो खंभतित्थम्मि ॥ तत्थ पवनो दिक्खं कुणमाणो सयल-संघ-परिओसं । सो सोम-मुहो सोमो व्व सोमचंदो त्ति कयनामो॥ थेवेण वि कालेण काऊण तवं जिणागमुद्दिटं। गंभीरस्स वि सुय-सागरस्स पारंगओ एसो ॥ दूसम-समय-असंभव-गुणोह-कलिओ विभाविउं हियए। सिरिदेवचंद-गुरुणा एसो गणहर-पए ठविओ॥ हेम-समच्छवि-देहो चंदो व्व जणाण जणिय-आणंदो। तत्तो इमो पसिद्धो नामेणं हेमचंदो त्ति ॥ निचं सहाव-उच्चिय-समग्ग-लोओवयार कय-चित्तो। सो देवयाइ वुत्तो विहरंतो विविह-देसेसु ॥
Jain Education International
For Private & Personal Use Only
www.jainelibrary.org
