________________
प्रस्तावः]
अमरसिंह-कथानकम्। जो कुणइ परस्स दुहं पावइ तं चेव अणंतगुणं । लभंति अंबयाई नहि निंबतरंमि ववियंमि ॥ जो जीव-वहं काउं करेइ खण-मित्तमत्तणो तित्तिं । छेयण-भेयण-पमुहं नरय-दुहं सो चिरं लहइ ॥ जं दोहग्गमुद्ग्गं जं जण-लोयण-दुहावहं रुवं । जं अरस-मूल-खय-खास-सास-कुट्टाइणो रोगा। जं कण्ण-नास-कर-चलण-कत्तणं जं च जीवियं तुच्छं । तं पुव्वारोविय-जीव-दुक्ख-रुक्खस्स फुरइ फलं ॥ जो जीव-दयं जीवो नर-सुर-सिव-सोक्ख-कारणं कुणइ । सो गय-पावो पावेइ अमरसीहो व्व कल्लाणं ॥
अमरसिंह-कथानकम् । तथाहि
जंबूहीवे भरहे दाहिण-भायस्स मज्झिमे खंडे । अमर-नयरं व रम्मं अमरपुरं अत्थि वर-नयरं ॥ नवरं अणेग-संखं सई-सहस्सेहि पत्तमाहप्पं ।
भूरि-जयंत-कुमारं फुरंत-हरि-लक्ख-कय-सोहं ॥ तत्थ सुग्गीवो राया। जस्स करे करवालो छजइ ताविच्छ-गुच्छ-सच्छाओ। समरम्मि हढायट्टिय-जयलच्छी-वेणीदंडो व्व ॥ तस्स सयलंतेउर-तिलय-तुल्लाओ दुन्नि देवीओ। कमला विमला य, कयाइ कमलादेवीए पाउन्भूवो गम्भो।
तप्पभावेण जाया समर-मारिजमाण-जण-दंसाणच्छा। तिवग्ग-खग्गभिजंत-भड-संकडं अंक-जुद्ध पयडिऊण पूरिया सा रन्ना । पुणो वि समुप्पन्नं मिगयावलोयण-कोउयं । विविह-पहरण-हणिजंत-मिग-गणं मिगया-विणोयं काऊण तं पि संपाडियं । कमेण पसूया देवी। जाओ दारओ। कारियं रन्ना वद्धावणयं, कयं दोहलाणुसारओ 'समरसीहो 'त्ति नामं । विमलादेवी वि संपन्ना आवन्नसत्ता । तप्पभावेण जाओ परेहिं मारिजंतं जंतु-गणं रक्खेमि त्ति दोहलो । सव्वत्थ अमारि-पडह-दाण-पुव्व-पूरिओ सो वि रन्ना । एसा वि पसूया सयलजण-मणाणंदणं नंदणं । इमस्स वि कयं 'अमरसिहो 'त्ति नामं । वड्डिया देहोपएणं, कराविया कला-गहणं, पत्ता जुव्वणं ।
Jain Education International
For Private & Personal Use Only
www.jainelibrary.org
