________________
प्रस्ताव: ]
यशोभद्रनृपचरितम् ।
जग्गविय विसम- बाणो वियंभिओ मेह-गजिरवो ॥ निवडति माणिणी-माण खंडणे विलसमाण- सत्तीओ । जस्सि जल - धाराओ अगंग-सर-धोरणीउ व्व ॥ तस्सिं चरि (?) खित्तेसु नरवइणा वावियाई धन्नाई । तेसिं दंसण हेडं कयावि राया विणिक्खंतो ॥ तम्मि समय करिसगेहि धन्नमज्झाओ पुच्वमुवखणिउं । पुंजी - कसु निष्फल - तणेसु पज्जालिओ जलणो ॥ तत्थ जलणेण डज्झत- विग्गहं गन्भ-निग्भरं भुयगिं । दहुं संविग्गेणं रन्ना परिभावियं एयं ॥ अहह इमो घरवासो परिहरणिजो विवेयवंताणं । बहु-जीव-विणास करा आरंभा जत्थ कीरंति ॥
तहा
पावाइँ दोगच्च - निबंधणाई भोगत्थिणो जस्स कए कुणति । अभिक्खणं तं पि असारमंगं रोगा विलुंपति घुण व्व कटुं ॥ विमोहिया जेण जणा मणंमि हियाहियं के पि न चिंतयंति । तं जोव्वणं झत्ति जराकराला दवग्गि- जाल व्व वणं दहेइ ॥ रसायनाईणि कुणंति जस्स थिरत्तणं काउमणा मणुस्सा । मयं व वग्वेण गसिज्जमाणं तं मच्चुणा रक्खइ जीवियं को ॥ जीए कए भूरि- किलेस - जालं कुणंति मिल्हंति तणं व पाणे । पणस्स एसा सहसा पर्यंड- वाया हय-दीव - सिहि व्व लच्छी ॥ जेणावलित्तो विसइक्क - चित्तो परिस्थि-संगं पि करेइ मूढो । खणेण तक्खिज्जइ धाउ खोहे हिमागमे पंकरुहं व जीव ॥ किलिस्सए जस्स कए कुणंगे विचित्त चाटूणि परस्स जीवो । लहूण थेवं पि विलीय वहि विलिजए तं मयणं व पेम्मं ॥ किच्चं अकिच्चं च न जंमि पत्ते पलोयए पीय-सुरो व्व जीवो । पहुत्तणं तु तं पणट्ठे पुन्ने घणे सेलनई-रड व्व ॥
एयत्थ रुक्खे व्व कुटुंब - वासे कालं कियंतं पि खणु व्व बंधू । ठाऊण वच्चंति चउ-ग्गइसुं चउ-हिसासुं च स-कम्म- बद्धा ॥ एवं अणिचं सयलं पि वत्युं वियाणमाणस्स दुहेक-गेहे । गेहे पलित्ते व्व भवंमि मज्झे जुत्तो पमाओ न खणं पि काउं ॥
Jain Education International
For Private & Personal Use Only
१७
www.jainelibrary.org
