________________
प्रस्ताव: ]
मूलदेवकथानकम् ।
१५
मूलदेवेण । जओ मम तस्स य रज्जे वि नत्थि भेओ । तओ हक्कारिआ देवदत्ता । कहिऊण वृत्तंतं भणिया सा । पुन्ना ते मणोरहा, तो गच्छ तत्थ तुमं । तीए वृत्तं - महा-पसाओ त्ति । रन्ना संपूइऊण पेसिया सा पत्ता विन्नायडं । तो हरिस - निव्भरेणं विक्कमराएण गुरु-विभूईए । निय - हिययम्मि व विउले भवणंमि पवेसिया एसा ॥ जणिय- जिण-पडिम- पूओ नएण सो रज्ज -पालणुज्जुत्तो । परिभुत्त-देवदत्त तिवग्ग - लग्गो गमइ कालं ॥ अह पारस - कूलाओ विढविअ-व्वो समागओ तत्थ । अयलो पहाण- पाहुड-हत्थो पत्तो निवं दहुं ॥ उवलक्खिओ निवेणं सो तेण उ नोवलक्खिओ राया । रन्ना वृत्तं कत्तो तुमं ति अयलेण विन्नत्तं ॥ पारस - कूलाओ समागओ म्हि पट्ठवह के पि जो भंड | मज्झ निरूवइ रन्ना वृत्तं सयमागमिस्सामि ॥ तो पंच-उल-समेओ अयलावासंमि पत्थिवो पत्तो । दसियमिमेण भंड मंजिट्ठा - पट्ट सुत्ताई ॥ भंडं किमिन्तियं चिय कहेसु सचं ति जंपए राया । अयलो भासइ देवस्स किं पुरो वुच्चए अलियं ॥ तो रन्ना वज्जरियं इमस्स सेट्ठिस्स सच्चवाइस्स । कारेह अद्ध-दाणं सम्मं भंडं च जोएह ॥ तो वंसवेह - पायप्पहार - भारेहिं पंच - उलिएहिं । मुणियं महग्घभंड मंजिट्टाईण मज्झ गयं ॥ भिन्नाइँ भंडठाणाइँ राय - पुरिसेहिँ तेसु वरभंडं । तं दहुं रुणं रन्ना बंधाविओ अयलो || नेयाविण गेहं छोडिय-बंधो पर्यपिओ रन्ना । जाणसि मं भणइ इमो को न मुणइ दिणयरं व तुमं ॥
रन्ना वृत्तं अलं उवयार - वयणेहिं, फुडं साहस जइ जाणसि । अयलेण भणियं - देव न जाणामि सम्मं । रन्ना वाहराविया देवदत्ता । आगया वरच्छर व्व सव्वंग-भूसण-धरा । तं दट्ठूण लज्जिओ अयलो । भणिओ देवदत्ताए - भो एस सो मूलदेवो, जो तुमए तया वृत्तो, अहं पि तुमए वसण - पत्तो मोत्तव्वो ति मुको य साक्कोसेण देवेण सरीर-संदेह - कारण - वसणं पत्तो तुमं । तओ विल
Jain Education International
For Private & Personal Use Only
www.jainelibrary.org
