________________
प्रस्तावः]
मूलदेवकथानकम् ।
लद्धा कुम्मासा । निग्गच्छंतेण तेण दिट्ठो तिव्व-तर-मुसिय-गत्तो महा-सत्तो मासक्खमण-पारणत्थं तत्थ पविसमाणो समणो॥
तं 8 सो चिंतइ जाओ पुण्णोदओ अहो मज्झ । भव-जलहि-जाणवत्तं पत्तमिणं जमए पत्तं ॥१॥ ता दाउं कुम्मासे एयस्स करेमि जीवियं सहलं । तत्तो दिन्ना मुणिणो कुम्भासा हुँति तेण पढियं च ॥२॥ धन्नाणं खु नराणं कुम्मासा साहुपारणए। एत्थंतरम्मि तब्भत्ति-रंजिया देवया भणइ गयणे ॥३॥ भो मूलदेव पुत्तय! सुंदरमणुचिद्वियं इमं तुमए। तत्तो मग्गसु गाहाइ पच्छिमद्धेण रुचए जं भे॥४॥ हरिस-परव्वस-हियएण जंपियं मूलदेवेण।। मह देहि देवदत्तं दंतिसहस्सं च रजं च ॥५॥ एवं होहि त्ति भणेइ देवया तो मुणिं नमइ धुत्तो। गामंमि मग्गिउं सो पुणो वि भिक्खं सयं भुंजे ॥६॥ पत्तो कमेण विनायडेमि रयणीए पहियसालाए। सुत्तो धुत्तो पेच्छइ पच्छिम-जामे सुविणमेयं ॥७॥ मह पडिपुन्नो चंदो मुहे पविट्ठो ति अह तहिं को वि । कप्पडिओ एर्य चिय सुविणं टूण जग्गेइ ॥८॥ अन्नेसिं कप्पडियाण कहइ एक्केण तत्थ वागरियं । लहिहिसि तुमं अखंडं सखंड-घयमंडगं अज ॥९॥ तं सोउं कप्पडिओ एवं होउ त्ति जंपए तुहो। बयरेहिं पि सियालस्स ऊसवो जायए जम्हा ॥ १०॥ तेसिं विवेग-वजिय-मणाण धुत्ताण भक्खणं सुविणं । रयणं पि दंसियं खलु भणंति मुक्खा उवल-खण्डं ॥ ११ ॥ कप्पडिएण जहुत्तो घरछाइणियाइ मंडओ लहो। पाएण जओ सुविणो फलइ वियाराणुसारेण ॥१२॥ मूलदेवो गोसे गओआराम।तोसिओ तत्थ कुसुमुच्चय-साहिजेण मालागारो। दिन्नाई तेण पुप्फफलाई। ताई धेत्तूण मुईभूओ गओ सुविण-सत्थ-पाढगस्स गेहं। पुप्फ-फल-समप्पण-पुव्वं पणमिऊण तं पुच्छए सुविणत्थं । उवज्झाओसहरिसो भणइ-सुमुहुत्ते कहिस्सामि सुविण-फलं। अज ताव अतिही होसु अम्हाणं।
Jain Education International
For Private & Personal Use Only
www.jainelibrary.org
