Page Text
________________
कुमारपालप्रतिबोधे
[प्रथमः
धुत्तवई वि न विकम-कालो एसो त्ति चिंतिउं जाओ। दीवि व्व विहल-फालो निप्पंदो मउलिअच्छिपुडो॥ एसो महाणुभावो दिद-वसा एरिसं दसं पत्तो। न वहारिहो ति परिभाविऊण अयलेण सो मुक्को॥ भणिओ य विहि-वसेणं वसणं पत्तो अहं पि मुत्तव्यो । तुमए एवं जम्हा लोयंति न दुल्लहं वसणं ॥ एसो य समर-भग्गो गउ व्व गेहाओ निग्गओ सिग्छ । गंतुं पुरी-परिसरे सरंमि निम्मल-जले पहाओ॥ “माणि पणा जइ न तणु तो देसडा चइज्ज । मा दुजण-कर-पल्लविहिं दंसिजंतु भमिज ॥" इय चिंतंतो चलिओ नघरे विनायडंमि वच्चंतो।
पत्तो कमेण अडविं सो बारस-जोयणायामं ॥ तं लंघिउकामो वायासहिज्ज दुइज वि मग्गन्तो जाव चिट्ठइ ताव झत्ति आगओ गयणाओ व्व पलिओ संबल-थइया-सणाहो टको बंभणो । भणिओ इमिणा-भट्ट ! के दूरं गंतवं? । तेण वृत्तं-अडवीए पुरओ वीरनिहाणं नाम ट्ठाणं, तं गमिस्सामि । तुमं पुण कत्थ पत्थिओ ? । धुत्तेण वुत्तं-विनायडं । भट्टेण भणियंता एह गच्छामो।पयट्टा दो वि गंतुं । मज्झण्ह-समए सरोवरं दट्टण टक्केण भणियं-भो एत्थ वीसमामो खणं ति । गया तत्थ, धोया हत्थपाया । गओ मूलदेवो तरुतलं । टक्केण संबल-थइयाओ गहिया सत्तुगा । जलेण उल्लिऊण रंको व्व एक्कलओ भक्खि पवत्तो। धुत्तेण चिंतियं-छुहा-पहाणा हुंति बंभणा अओ मे पच्छा दाही । भट्टो भुत्तूण बद्ध-थइया-मुहो पथिओ । कल्लं वाहि त्ति चिंतंतो धुत्तो वि चलिओ।
बीय-दिवसे वि भुत्तो तहेव सो इइ दिण-त्तयं गमिअं।
धुत्तेण तयासाए, आसा खलु रक्खए जीयं ॥१॥ अडवी-निग्गएणं भणियं भटेण, एसो मे मग्गो तुज्झ पुण इमो, ता वच्च तुमं । मूलदेवेण वुत्तं-तुह साहडोग लंघिया मए अडवी, अहं खु मूलदेवो नाम, जइ कयाइ किं पि कजं होई ता आगच्छिन्ज विनायडे । किं च ते नाम ? । टक्केण वुत्तं-सद्धडो त्ति एक, जणकयं निग्यण-सम्मो त्ति बीयं । पत्थिया दो वि निय-निय-मग्गेहिं । वच्चंतो मूलदेवो पत्तो गाममेकं । पविट्ठो तत्थ भिक्खत्थं ।
Jain Education International
For Private & Personal Use Only
www.jainelibrary.org |
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |