Page Text
________________
प्रस्तावः ]
मूलदेवकथानकम्।
देवदत्ताए वुत्तं-अंब ! को सगुणो निग्गुणो वत्ति परिक्खेहि । तओ अक्काए भणिओ अयलो। देवदत्ताए उच्छुइच्छा। तेण उच्छु-भरियं पेसियं सगडं। तीए वुत्तं-किमहं करिणी जं सपत्त-डाला उच्छू पेसिया। इम्हि मूलदेवं मग्गेसु उच्छु जेण जाणिजइ विवेगे तेसिं विसेसो। अकाए कहावियं मूलदेवस्स उच्छू पेसेहि त्ति । तेणावि गहिगओ लट्ठाओ उच्छु-गट्ठीओ निच्छल्लिऊण कयाओ दु-अंगुल-प्पमाणओ रस-कुंडियाओ गंडियाओ चाउज्जायावगुंडियाओ कप्पूर-पराय-मंडियाओ मूला भिन्नाओ सराव-संपुडे खिविऊण पेसियाओ।
दह्रण देवदत्ता ताओ वजरई पेच्छसे अम्ब !।
धुत्ताहिव-अचलाणं सुवन्न-रीरीण व विसेसं ॥ अक्काए चिंतियं-अचंत-मूढा एसा, न मेल्लेइ मूलदेवं । तओ अयलेण सह मंतिओ तन्निग्गमोवाओ। अयलेण भणिया देवदत्ता-अहं गामं गमिस्सामि त्ति । निग्गओ सो । पवेसिओ इमीए मूलदेवो । जाणाविओ जणणीए अयलो आगओ सामग्गीए । दिट्ठो देवदत्ताए । पत्त-करंडो व्व पल्लंक-हिट्ठा ठाविओ मूलदेवो । लक्खिओ। अयलेण । निविसिऊण पल्लंके भणिया सा' करेह पहाण-सामग्गि' । तीए वुत्तं-एवं, ता उटेह, नियंसह पुत्तिं, जेण अभंगेमि । अयलेण भणियं
अज सुविणम्मि पहाओ पलं कत्थो नियत्थ-वत्थोहं । तो सच्चमिणं काहं जेण न होज्जा अणत्य-फलं ॥ तो भणइ देवदत्ता तूली धूली हवेज तणु एसा । अयलो जंपइ किं ते किविणतं एरिसं सुयणु ! ॥ अयले पइंमि अन्नाओ किं न तूलीओ तुज्झ होहिं ति । सीएज सो न लवणेण जस्स रयणायरो मित्तो॥ सा अकाए वुत्ता पडिवजसु पुत्ति! जं भणइ अचलो। तो अभंगु-ट्वट्टण-पहाणाई कयाइं पल्लंके ॥ गहियाउहा पविट्ठा पुरिसा अक्काइ संनिओ अयलो। खलि-सलिल-भरिय-गत्तं धुत्तं हेढाओ कड्ढेह ॥ गहिउं केसेसु इमो भणिओ नयपंडिओ ऽसि मे कहसु । को होइ निग्गहो ते इमस्स कम्मरस अणुरूवो ॥ धण-विवसाओ वेसाओं हुंति ता जइ इमीए तुह कजं । ता गाम-पट्टयं पिव गिण्हेसि न किं बहु-धणेण ॥
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |