________________
कुमारपालप्रतिबोधे
[प्रथमः कजस्स दसणाओ जाणंति हि कारणं निउणा ॥ ६६ ॥ ता धम्मस्स सरूवं कहेहि परिभाविऊण सत्थत्थं । जेण तमायरिऊणं करेमि मणुयत्तणं सहलं ॥ ६७ ॥ मणुयत्तणे वि लद्धे कुणंति धम्मं न जे विमूढमणा । ते रोहणं पि पत्ता महग्घरयणं न गिण्हंति ॥ ६८॥ तो वुड्ड-बंभणेहिं निवस्स वेयाइ-सत्थ-पन्नत्तो। पसु-वह-पहाण-जागाइ-लक्षणो अक्खिओ धम्मो ॥ ६९॥ तं सोऊण निवेणं फुरिय-विवेएण चिंतियं चित्ते । अहह दिय-पुंगवेहिं न सोहणो साहिओ धम्मो ॥ ७० ॥ पंचिंदिय-जीव-वहो निक्करुण-मणेहिँ कीरए जत्थ । जइ सो वि होज धम्मो नत्थि अहम्मो तओ को वि ॥ ७१ ॥ ता धम्मस्स सरुवं जहट्टियं किं इमे न जाणंति ?। किं वा जाणंता वि हु मं विप्पा विप्पयारंति ॥ ७२ ॥ इय चिंताए निदं अलहंतो निसि-भरंमि नरनाहो । नमिऊण अमच्चेणं बाहडदेवेण विन्नत्तो ॥ ७३ ॥ धम्माधम्म-सरुवं नरिंद ! जइ जाणिउं तुमं महसि । खणमेकमेगचित्तो निसुणसु जं किं पि जंपेमि ॥ ७४ ॥
श्रीदत्तगुरोः यशोभद्रनृपप्रतिबोधः आसि भम-रहिओ पुन्नतल्ल-गुरु-गच्छ-दुम-कुसुम-गुच्छो । समय-मयरंद-सारो सिरिदत्तगुरू सुरहि-सालो ॥ ७५ ॥ सो विहिणा विहरंतो गामागर-नगर-भूसियं वसुहं । वागड-विसय-वयंसे रयणपुरे पुर-वरे पत्तो ॥७६॥ तत्थ निवो जसभद्दो भद्द-गयंदो व्व दाण-लद्ध-जसो । वेरि-करि-दलण-सरो उन्नय-वंसो विसाल-करो॥७७॥ तम्मि नरिंद-मंदिर-अदूर-देसंमि गिहिउँ वसहिं । चंदो व्व तारय-जुओ मुणि-परियरिओ ठिओ एसो॥ ७८॥ तस्स सुहा-रस-सारणि-सहोयरं धम्म-देसणं सोउं । संवेय-वासिय-मणा के वि पवजंति पव्वजं ॥७९॥ अन्ने गिहत्थ-धम्मोचिआइं बारसवयाई गिण्हति ।
For Private & Personal Use Only
Jain Education International
www.jainelibrary.org
