________________
प्रस्तावः]
जीव-मनः-करण-संलाप-कथा। दविणास विणसिय सयल सुक्ख,
तह विसय आस भोलविय मुक्ख । रक्खस-पिसाय सारिच्छ ते वि,
मह पुट्टि लग्ग तरुणत्तणे वि ॥ ८६ ॥ मई किविण सिरोमणि अगुणठाण,
कुल-सील-रहिय अविसेस-नाण । ओलग्गिय सामि सकोवनयण,
दविणासवसिण अपसन्नवयण ॥ ८७॥ संवुत्त मज्झ पिय-विप्पओगु,
कय-जीविय-संसउ हुयउ रोगु । संपन्नु निविडु चारयनिरोड,
जोयउ बलवंतिहि सहु विरोहु ॥ ८८॥ इंदिय पहुत्त वजिउ अदंतु,
खलियक्खरु खणि खणि वाहरंतु। गमणासहु मुहु वियलंतु लालु,
हओ विहिय जरहिं नं पुण वि बालु॥८९॥ खणु सधणु अघणु खणु तुटु रुडु,
खणु हसिरु रुइरु खणु सिडु रुडु । खणु धीरु भीरु हउं विविहभंगि,
नचिउ नड व्व नर-जम्मि रंगि ॥९॥ इय दुक्खु अणिहिउ, मज्झ उवहिउ,
न भवि तुम्हह दुन्नइण। जं हिइय वहंतह, सुणह कहंतह,
होइ धसक्कउ निच्छइण ॥९॥ नर-जम्मि आसि जो मज्झ सत्तु,
सुर-जम्मि पत्तु सु वि सुरवरत्तु । तं पिच्छिवि सो मह हियइ जाउ,
कहिउं पिन तीरइ जो विसाउ॥९२॥ मई हीण सुरिण उत्तम सुराण,
सुर-लोइ गएण वि विहिअ आण ।
Jain Education International
For Private & Personal Use Only
www.jainelibrary.org
