________________
कुमारपालप्रतिबोधे
[पञ्चमः वेसमण-समाण-धणो तत्थ वणी अस्थि सागरो नाम । अत्थं चिय पुरिसत्थं मन्नइ सो लोभ-गह-गहिओ ॥ करिसण-हट्ट-कलंतर-वणिज-पमुहे धणजणोवाए। विविहे सो कुणइ सया अगणंतो अप्पणो दुक्खं ॥ कइया वि तेण दिहो जोगप्पो जोगिओ गरुय-गव्वो।
तत्तो का तुह सत्ति ? त्ति पुच्छिओ जंपए जोगी॥ रत्तीए वि दिणं दिणे वि रयणिं दंसेमि सेलेऽखिले
उप्पाडेमि नहंगणाउ गहणं पाडेमि भूमी-यले। पारावारमहं तरेमि जलणं थंभेमि रंभेमि वा
दुव्वारं परचकमत्थि न जए तं मज्झ जं दुक्करं ॥ तो सागरेण वुत्तो जोगिंद ! न मे पओयणं किं पि । गह-गिरि-पमुहेहिं पाडिएहि उप्पाडिएहिं वा ॥ जइ अत्थि कणय-सिद्धी ता तं दंसेसु मे किमन्नेण । तो जोगिएण भणियं कणगं आणेसु किंचि तुमं ॥ तं झत्ति जेण दु-गुणं करेमि तो सागरेण आणीयं । कणयस्स करिसमेकं कवडेण तमग्गिणा धमियं ॥ खिविऊण नियय-कणयं छन्नं तं जोगिणा कयं दु-गुणं । तो कुणइ विम्हिओ तस्स आयरं सागरो गरुयं ॥ जोगी भणइ किलेसेण इत्तिएणेव होइ बहुयं पि। तो कणग-पल-सयं सागरेण जोगिस्स उवणीयं ॥ तं सयल-निसं दोहि वि धमियं जलणेण तो चरम-जामे । मुत्तम्मि सागरे गिण्हिऊण तं जोगिओ नट्ठो ॥ हा ! मुट्ठो त्ति विसन्नो कयाऽवि केणाऽवि सागरो भणिओ। देसंतर-वाणिजे कीरंतं होइ धण-लाहो ॥ काऊण महासत्थं गहिऊण कयाणगाई विविहाई। लंघिय-विसम-अरन्नो सो पत्तो तामिलित्ति-पुरिं॥ कय-विक्कए कुणंतस्स तस्स जाओ तहिं बहुय-लाभो । सो तहऽवि असंतुट्टो समुद्दमवगाहिउं महइ॥ तेण गहियं पवहणं कठ्ठमयं अप्पणो चरित्तं व । चित्तं न जत्थ थेवो वि विलसए लोह-संबंधो॥
Jain Education International
For Private & Personal Use Only
www.jainelibrary.org
