________________
कुमारपालप्रतिबोधे
[पञ्चमः
सो पुण तीए दइओ सा तं घुसिणेण रंजेइ ॥ कुसुमेहि पूयए तस्स ढोयए खज-मोयग-प्पमुहं । पुण आगच्छह गेहं सा कप्पडियं भणइ एवं ॥ सुवसु तुमं घर-दारे गोसे गिण्हिज रूवगं जं ते। सुवइ तहिं कप्पडिओ तीए अन्नो वि अस्थि पिओ॥ सो आगओ गिहं से मुणि तव्वइयरं भणइ एयं। सो चोरो तुज्झ पिओ मयं पि अत्थेसि जं रंडे ! ॥ सिट्ठो वि अणिट्ठोऽहं ता तुमए मह न किं पि कजं ति। जंपंतो सो सुत्तो सिजाइ परम्मुहो ठाउं ॥ कुणइ मह मम्म-भेयं इमो त्ति कुवियाइ तीइ तस्स सिरं । छिन्नं छुरियाए अहह ! साहसं किं पि महिलाणं॥ पुण भणिओ कप्पडिओ खण खड्डु देमि रूवगं बीयं । तेणाऽवि कोउगेणं गिहेग-देसम्मि सा खणिया ॥ मारिय-पुरिस-सरीरं पक्खित्तं खंडिउं तहिं तीए । तत्तो विम्हिय-चित्तो पत्तो गणिया-गिहे नागो॥ मयणलयाए अक्खइ मह घरिणी लक्खिया तए सुट्ट। सप्पस्स मुणइ घसणि सप्पो चिय इय कयं सच्चं ॥ सो ताव ठिओ तत्थेव जाव देसंतराउ संपत्तो । गहियत्थो वणिउत्तो तेण समं तो गओ गेहं॥ पुव्वं व वसइ सह नागिणीइ नागो अभिन्न-सुह-रागो। नहि दंसंति विरागं गरुया गरुए वि अवराहे ॥ कड्या वि अक्खजूए नागो घरिणीइ रुवगं जिणिओ। पुण पुण तं मग्गंती भणिया नागेण सा एवं ॥ चिटंति तुज्झ पासे लडा दो रूवगा मए पुव्वं । तेसिं एको वलिओ बीओ पुण संपयं लद्धो॥ तीए वुत्तं के दुन्नि रूवगा तो पयंपए नागो। एको पडलय-नयणे खड्डा-खणणम्मि पुण बीओ॥ तं सोऊण हहा ! मह चरियं सव्वं अणेण दिखै ति। दुक्खेण फुट-हियया मया गया नागिणी निरयं ॥ लोगो जंपइ नागं देसि न किं सुंठि-सुंचलाईयं ?।
Jain Education International
For Private & Personal Use Only
www.jainelibrary.org
