________________
मायायां नागिनी कथा |
खयरेण निज्जमाणि जो रक्खइ सामिणि अम्ह ॥ तो संजाय-दणं नागेण नहंगणम्मि गच्छंतो । तह कणय - कंदुगेणं मम्म-पएसे हओ खयरो ॥ खयरस्स जहा पडिया पहार - पीडा - विहत्थ - हत्थस्स । सा सरवरस्स मज्झे अमुणिय-गयणावडण- दुक्खा ॥ नागेण पविसिउं सरवरम्मि धरिया झड ति बुडुंती । तीरं सुहेण नेउं जणणीए अप्पिया गणिया ॥ परितुट्ठाए तीए भणिओ सो सिट्टि पुत्त ! मह धूयं । रक्खतेणं जीवावियम्हि तुमए सपरिवारा ॥ सो नीओ निय-गेहूं काउं सम्माणमुत्तमं भणिओ । घरमेयमेस विभवो अहं च सव्वं तुहायत्तं ॥ निय - विक्कमेण किणिया जा तुमए रक्खिऊण वसणाओ । मयणलयाए तीए किं पुण वत्तव्वमेयाए । मयणलयाए वृत्तं सुहय ! जहा निवसिओ सि अम्ह मणे । भवणे वि इमम्मि तहा तुमए निचं पि वसियव्वं ॥ एवं सिणेह - वयणेहिं ताहिं उवरोहिओ तहा नागो । जह मयणलयाए सह चिट्ठइ बहुविह विणोएहिं ॥ जाणिय- वृत्तंतेणं नागो जणएण जंपिओ एवं । वच्छ ! वणियाण अम्हं न पोरिसं एरिसं सरिसं ॥ घडिओ खु विक्कमो खत्तियाण सो सोहए न वणियाण । करहस्स जं न घडियं न रेहए नेउरं तं सो ॥ किं च
प्रस्ताव: ]
पुरिसस्स हियाहिय-चिंतगस्स जुज्जइ न सेविडं वेसा । मुणिणो अखम व्व तवं जा विहवं सुठु निट्टवइ ॥ भाइ सुओ ताय ! तया तुमुलं सोऊण मह मणं जायं । तह करुणा-रस-विवसं जह वणिओऽहं ति वीसरियं ॥ निउण महणो वि सहसा नरस्स तं किं चि आवडइ कजं । उचियाणुचिय-विवेगो न जम्हि हियए परिष्फुरइ ॥ वेसा-संगोऽणुचिओ त्ति जं च आइससि ताय ! तं जुत्तं । किं तु न धणत्थिणी सा कुणइ कइन्नु त्ति मइ नेहं ॥
५२-५३
Jain Education International
For Private & Personal Use Only
४०९
www.jainelibrary.org
