________________
४०८
कुमारपालपतिबोधे
[पञ्चमः
थेव-कए कवड-परो निविडं निविडं तमावया-लक्खं । लक्खइ न जणो लगुडं पयं पियंतो बिडालो व्व ॥ माया-वसेण कवड-प्पओग-कुसला अकिच्चमायरिउं । पत्ता इहेव सयमेव लजिउं नाइणी निहणं ॥ तं जहाइह जयपुरं पुरं अस्थि जत्थ वित्थिन्न-पन्न-पुन्नाओ। पवरावण-वीहीओ बाहिं मज्झे य रेहति ॥ तत्थासि विजयधम्मो राया सूरस्स जस्स न समत्थो । दुटुं पि मंडलग्गं भएण रिउ-कोसिय-समूहो । रन्नो तस्स बहु-मओ मयंक-निम्मल-गुणागरो सिट्टी। तत्थासि गंगदत्तो तग्गिहिणी गंगिला नाम ॥ नागो त्ति ताण पुत्तो विसिह-रूवो सहावओ सरलो। सयल-कला-कुल-निलओ कमेण सो जुव्वणं पत्तो॥ ईसर-वणिणो घृया परिणीया तेण नागिणी नाम । सा नागिणी व्व दुट्टा कुडिल-सहावा वियड-भोगा । महुरं जंपतीए तीए अणुकूलमायरंतीए । सासू-ससुराण मणं परमं परिओसमाणीयं ॥ भत्ता हिया विणीया एसा अम्हं ति ते विचिंतंति । को वा कवड-पओगेण कीरए न धुवमप्पवसो ॥ इंतस्स भत्तुणो सा अब्भुटाणं ससंभमं कुणइ । सयमासणं समप्पइ पक्खालइ अप्पणा पाए । पय-पक्खालण-सलिलं देइ सिरे देव-न्हवण-सलिलं व । चिट्ठइ अणन्न-दिट्ठी पुरओ आणं पडिच्छंती॥ भुत्तम्मि तम्मि भुंजइ सुयइ पसुत्तम्मि जग्गए पुव्वं । इय कवड-परं तं चिय मन्नइ नागो सुघरिणि त्ति ।। अह अन्नया वसंतो वियंभिओ जणिय-जण-मणाणंदो। तम्मि गओ नयर-जणो सव्वो कीलत्थमुजाणे ॥ नागो वि तत्थ गंतुं कंदुग-कीलं करेइ मित्त-जुओ। अह तत्थ काऽवि गणिया हरिया खयरेण एक्केण ॥ गणिया-परिवारेणं पुक्करिअं अत्थि को वि सप्पुरिसो।
Jain Education International
For Private & Personal Use Only
www.jainelibrary.org
