Page Text
________________
प्रस्ताव: ]
मानविपाके गोधन - कथा |
अक्काए । जुव्वणत्थेण तेण पुच्छिया अक्का कत्थ मे जणओ । तीए कहियंकत्थ वि गओ ति । एवं मेहणीए पुहवीए पडिया पाविय त्ति मेइणी - संभवा जा इत्थी, न उण मेयणीह संभवा । तीए पुत्तो चुक्खो पवित्तो नामओ सो पुण उदरं दारिऊण कडिओ त्ति अजाओ, न पसूओ । सो जणणी-भायरं जणयं गवेसह त्ति भावत्थो । गोधणेण वृत्तं -अहो ! इमीए वियहिमा, अहो ! वयण- विन्नासो, ताऽहं रंजिओ अ, अलं रंजिओ य । भणिओ सो पल्लिनाहेण - भो ! जइ तुमए इमं न नायं ता किं इत्तिएणाऽवि लहुओ सि । गरुओ पंडिओ तुमं । ता कहसु किं ते कीरइ ? । तेण भणियं जस्स पढियं न याणेमि तस्स सेवगेण मए होयव्वं ति कया पइन्ना पुव्वं । अओ ! तुह धूयाए सेवं काउमिच्छामि । पल्लिनाहेण चिंतियं - हा ! किमेवं एसो निय - जीहाए पइति । हुं नायं, दिट्ठि-वियारेण मम धूया -ऽणुरन्तो व्व एसो लक्खिज्जइ । मम धूया वि गुणवंताणुरागिणी, ता होउ एसिं दुहं पि सरिसाणं संबंधो त्ति । तओ भणिओ गोधणो-भद्द ! गुणवंतो तुमं । तुह सेवं करिस्सइ मे धूया, ता परिणेसु एयं ति । परितुट्टेण पडिवन्नमेयं । गोधणो परिणाविओ पल्लिनाहेण तं धूयं । सो तीए सह विसए सेवए । अह माणभंग- मायंगे पंचत्तं संपत्ते स च्चिय पल्लीवई जाओ । पारद्धि-कए कइयाऽवि चंड- चंडाल चक्क - कलिएण चलिएण तेण दिट्ठो मग्गे पडिमा - ठिओ साहू |
तं असउणोति हणिउं धावंतो गोधणो गहिय-खग्गो । तिव्व-तव-तोसियाए देवीए थंभिओ घरिओ ॥ थंभो व्व थिरो निष्कंद-लोयणो तं मुणिं पलोयंतो । सो चिंति पवत्तो को एस महापभावोति ॥ सम्मं परिभावतेण तेण उवलक्खिओ अहो ! एसो । सुगिहीय- नामधेयो गोविंदो चिय मह पियति ॥ ता एवं पणमामि त्ति चिंतिउं मुक्क-पहरणो चलिओ । सो देवया मुक्को महि-निहिअ - सिरो मुणिं पणओ ॥ पुरओ ठाउं भणियं अणेण सो एस ताय ! दुप्पुन्तो । तुह कुल-कलंक भूओ निकिट्ट चिट्ठो अट्ठव्वो ॥ ता मह कहाऽवि चिठ्ठउ महाणुभावाण जा असोयव्वा । निय - चरियं पुण कहिउं कुणउ ममाणुग्गहं ताओ ॥ वृत्तंतमिणं मुणिऊण आगया गोधणस्स गिहिणी वि ।
Jain Education International
For Private & Personal Use Only
४०५
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |